אידישע קינדער איבער די וועלט זענען פארבעטן געווארן צו מתפלל זיין לרפואתו פונעם גדול המקובלים וראש ישיבת אהבת שלום, הגאון המפורסם רבי יעקב הלל שליט"א מגדולי ראשי הישיבות בארה"ק, וועלכער געפונט זיך אין שפיטאל על ערש דוי און איז אנגעוויזן אויף גרויס רחמי שמים.
דער גאון ליידט שוין ליידער א לענגערע צייט פון די ביטערע מחלה ה"י, און נאך א שווערע פארערגערונג האט מען אריינגעפירט דעם ראש ישיבה צו די הדסה שפיטאל אין ירושלים, וואו ער געפונט זיך אין די איי סי יו אפטיילונג אין א שווערע מצב. אידישע קינדער זענען מתפלל לרפואת הגאון רבי יעקב משה בן גלדיס כתון, בתוך שאר חולי ישראל.
