היינט קומט פאר די גרויסארטיגע "זה מזה" סאטמארע ביזנעס עקספאו, וואו צום פערטן מאל אין א רייע קומען זיך צונויף טויזענטער סאטמארער ביזנעסלייט מקיים צו זיין דעם וחי אחיך עמך, עס קומט פאר אין די גיגאנטישע ניו דזשערזי עסקפאו צענטער אין עדיסאן ניו דזשערזי.
היינט קומט פאר די שמחת הברית פון א אור אייניקל ביי כ"ק אדמו"ר מתולדות אברהם יצחק שליט"א, אייניקל פון זיין איידעם הגה"צ ר' יחזקאל בראך שליט"א ראה"כ תוא"י, בן הנולד ביי זיין זון הרב ישעי' בראך שליט"א, איידעם ביי הגה"צ ר' משה יהודה פריעדמאן שליט"א, בנו הגדול פון כ"ק אדמו"ר מבוהוש שליט"א, און איידעם ביי כ"ק הגה"צ גאב"ד מאקאווא שליט"א. – די שמחה קומט פאר בביתו נאוה קודש פון כ"ק אדמו"ר מתולדות אברהם יצחק שליט"א אין ירושלים עיה"ק.
שמחת בית סקולען: עס איז געשלאסן געווארן די שידוך פונעם חתן א זון פון כ"ק אדמו"ר מסקולען שליט"א פון וויליאמסבורג, מיט די כלה א טאכטער פון הגה"צ ר' יעקב יוסף גאלדמאן שליט"א דומ"ץ ביהמ"ד סקווירא אויף ראמען אין מאנסי, זון פון הגה"צ ר' שמואל גאלדמאן שליט"א מזוועהיל, און איידעם ביי הגה"צ ר' יוחנן וואזנער שליט"א ראב"ד סקווירא.
שמחת בית טשערנאביל – ראחמיסטריווקא: עס איז געשלאסן געווארן די שידוך פון א אייניקל ביי כ"ק אדמו"ר מראחמיסטריווקא שליט"א פון לעיקוואד, די חתן א זון פון זיין זון הגה"צ ר' יוחנן טווערסקי שליט"א, איידעם ביי הגה"צ ר' אייזיק שנעעבאלג שליט"א אבד"ק מיקאלייעוו, מיט די כלה א טאכטער פון הגה"צ ר' חיים מתתיהו היילפערין שליט"א, זון פון הגה"צ גאב"ד ראדאמישלא רמות שליט"א, און איידעם ביי כ"ק אדמו"ר מטשערנאביל שליט"א.
היינט קומט פאר די שמחת הבר מצוה פון א אייניקל ביי הגה"צ ר' יהושע הורוויץ שליט"א אדמו"ר ממעליץ, א זון פון זיין זון הרב יעקב הורוויץ שליט"א, איידעם ביי הרב החסיד ר' משה קאפיל האס הי"ו. – די שמחה קומט פאר אין ווילחאוויץ זאל אין מאנסי.
היינט קומט פאר די שמחת הברית פון א אייניקל ביי כ"ק אדמו"ר מנדבורנא ביתר שליט"א, איידעם ביי הגה"צ ר' יהושע ראזענבערגער שליט"א גאב"ד קרית הרמ"א בית שמש וחבר ביד"ץ העדה החרדית, בן הנולד ביי זיין איידעם הרב ארי' מרדכי כהנא שליט"א, זון פון כ"ק אדמו"ר מספינקא סאסרעגען שליט"א, איידעם ביי הגה"צ ר' יהודה ניישלאס שליט"א אבד"ק סערדאהעלי בית שמש. – די שמחה קומט פאר אין ביהמ"ד נדבורנא אין ביתר.
כ"ק אדמו"ר מטשערנאביל שליט"א לאזט זיך היינט ארויס אויף א מסע הקודש "הימלדיגע טעג" צו די קברי צדיקים אין אוקראינע און פוילין, אינאיינעם מיט די נגידים ותומכים וואס שליסן זיך אן מיט גרויסע סכומים לטובת די איבערבוי פון ביהמ"ד הגדול טשערנאביל אין בני ברק.
כ"ק אדמו"ר מוויזניץ שליט"א פון מאנסי וועלכער האלט זיך אויף די טעג בקרב תלמידי ישיבתו הק' אין נייעק, לאזט זיך היינט ארויס אויפן וועג קיין לאס אנדזשעלעס, וואו דער רבי וועט וויילן די קומענדיגע צוויי וואכן אויף אפרוה, אין שטוב פון הנגיד החסיד ר' שמואל בנימין איינהארן הי"ו.
כ"ק אדמו"ר מתולדות יהודה סטוטשין שליט"א וועלכער איז צוגאסט די טעג אין ארץ ישראל, וועט היינט נאכט אויפטרעטן מיט א שמועס אין ביהמ"ד הגדול אהל הדסה ברסלב אויף רחוב רבי יהושע אין בית שמש.
הגה"צ אבד"ק באבוב 45 שליט"א קומט היינט אן אויף א נסיעה צו די מקומות הקדושים אין אייראפע, מתפלל צו זיין ביי די קברי צדיקים אינאיינעם מיט די בני המשפחה, און פראווענען א געהויבענע שבת אין שטאט מעזיבוזש.
היינט קומט פאר א מעמד קבלת פנים לכבודו פון כ"ק אדמו"ר מסערדאהעלי שליט"א, וועלכער קומט אן אויף די יערליכע באזוך אין מחנה ישיבת סערדאהעלי אין מאנטיסעלא, די מעמד קומט פאר אינעם גרויסן שאטער אין קעמפ.
הגאון הגדול רבי מלכיאל קאטלער שליט"א ראש ישיבה בית מדרש גבוה אין לעיקוואד, וועלכער קומט היינט אן צום קרית הישיבות אין נייעק זיך צו באטייליגן ביי א גרויסע אסיפת הרבנים, וועט היינט נאכמיטאג אויפטרעטן מיט א שיעור אין ישיבה גדולה אמרי חיים וויזניץ אין נייעק.
היינט כ' תמוז געפאלט די יומא דהילולא קדישא פון כ"ק אדמו"ר מסערט וויזניץ זצ"ל בעל חכמת אליעזר, בנו ממלא מקומו כ"ק אדמו"ר מסערט וויזניץ שליט"א וועט ארויפגיין צום ציון הק' היינט פארנאכטס בראש קהל חסידיו, אויפן וויזניצער בית החיים אין בני ברק.
חתנו כ"ק אדמו"ר מקוסוב וויזניץ שליט"א וועט ארויפגיין צום ציון הק' היינט נאכמיטאג אינאיינעם מיט קהל חסידיו, אויפן וויזניצער בית החיים אין בני ברק.
חתנו כ"ק אדמו"ר מסערט וויזניץ ארה"ב שליט"א, וועט אפרעכטן די יארצייט טיש היינט פארנאכטס בבית מדרשו אין בארא פארק.
היינט כ' תמוז געפאלט די יומא דהילולא קדישא פון הגה"ק מקראסנא זי"ע, פילע אידן וועלן פוקד זיין דעם ציון הק' אין לאנג איילענד, נכדו כ"ק אדמו"ר מכוונת הלב שליט"א וועט אפרעכטן די סעודת הילולא היינט פארנאכטס בבית מדרשו אין בארא פארק, נכדו הגה"צ אב"ד כוונת הלב מאנסי שליט"א וועט אפרעכטן די סעודת הילולא היינט פארנאכטס בבית מדרשו אין מאנסי.
כ"ק אדמו"ר מפאלטישאן שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פון זקינו הרה"ק בעל פקודת אלעזר מפאלטישאן זי"ע, אינאיינעם מיטן יערליכן מעמד רצון צדיק לטובת כולל תפארת אלעזר פאלטישאן, אין ביהמ"ד פאלטישאן אויף די ניין און פערציגסטע סטריט אין בארא פארק.
היינט נאכט כ"א תמוז געפאלט די יומא דהילולא קדישא פון הרה"ק רבי אברהם מתתיהו משטעפינעשט זי"ע, א גרויסע יארצייט סעודה קומט פאר בראשות אדמורי"ם ורבנים דורך מוסדות שטעפינעשט, אין זאל פון בית הכנסת הגדול אויף רחוב רבי עקיבא אין בני ברק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
