כלל ישראל איז מתפלל לרפואת כ"ק אדמו"ר מוויזניץ שליט"א פון לאנדאן, וועלכער גייט היינט אריבער א מעדיצינישע פראצעדור אין די מאונט סיני שפיטאל אין מאנהעטן, מיטן האפענונג צו פארבעסערן דעם רבינ'ס געזונט צושטאנד, כ"ק מרן דוד בן סימא מירל לרפואה שלימה.
כ"ק אדמו"ר מסקווירא שליט"א וועלכער האט געוויילט די לעצטע דריי וואכן אין כרמל קאליפארניע אויף אפרוה, קערט זיך היינט פארטאגס צוריק למעון קדשו אין שיכון סקווירא.
כ"ק אדמו"ר מטשערנאביל שליט"א וועלכער איז אנגעקומען אויף א מסע הקודש צו די קברי צדיקים אין אייראפע, אינאיינעם מיט די נגידים ותומכים פאר די בנין ביהמ"ד הגדול דחסידי טשערנאביל, וועט היינט דורכ'ן טאג פוקד זיין דעם ציון הק' פון הרה"ק רבי שלמה מקארלין זי"ע בעצם יומא דהילולא קדישא, דעם ציון הק' פון הרה"ק המגיד מטריסק זי"ע, און די ציון הק' פון צדיקי בית בעלזא אין שטאט בעלזא אין אוקראינע.
הגה"צ רבי שמואל יהודה זילבער שליט"א אבד"ק אמונת ישראל קומט היינט אן אויף א באזוך אין ארץ ישראל, וואו דער רב וועט וויילן די קומענדיגע טעג בקרב חסידיו ומעריציו, א מעמד קבלת פנים לכבודו וועט פארקומען אין ביהמ"ד אמונת ישראל אין ירושלים.
היינט קומט פאר א מעמד התחלת כתיבת ספר תורה אין ביהמ"ד בית יקותיאל דקהל יטב לב ד'סאטמאר אין קרית יואל, פאר די ספר תורה וואס ווערט געשריבן דורך די מתפללי בית המדרש וחברי הקהילה, עס קומט פאר אין שפיץ פון כ"ק אדמו"ר מסאטמאר שליט"א.
היינט קומט פאר א מעמד הכנסת ספר תורה וואס ווערט אריינגעגעבן לביתו נאוה קודש פון הרה"ק רבי שלמה מקארלין זי"ע אין שטאט לודמיר, נדבת הרה"ג ר' יעקב דוב בלייך שליט"א רב פון אוקראינע, עס קומט פאר אין שפיץ פון כ"ק אדמו"ר מטשערנאביל שליט"א.
שמחת בית סקווירא – וויזניץ: עס איז געשלאסן געווארן די שידוך פון די כלה יונגסטע קינד ביי הגה"צ ר' יצחק טווערסקי שליט"א, זון פון כ"ק אדמו"ר מסקווירא שליט"א, און איידעם ביי כ"ק אדמו"ר מוויזניץ שליט"א, מיט די חתן א זון פון הרב דוד גראס שליט"א ראה"כ סקווירא בני ברק, זון פון הגה"צ ר' אברהם משה גראס שליט"א אבד"ק קערעסטיר בערבעשט און דיין אין שיכון סקווירא, איידעם ביי כ"ק אדמו"ר מלעלוב זצ"ל, און איידעם ביי הגה"צ ר' שלמה גאלדמאן שליט"א, זון פון הגה"צ ר' שמואל גאלדמאן שליט"א מזוועהיל פון שיכון סקווירא. – די שמחת הווארט קומט פאר היינט אויפדערנאכט במעון הנופש פונעם זיידן כ"ק אדמו"ר מוויזניץ שליט"א, אין מושב אורה נעבן ירושלים.
שמחת בית סקווירא – קאלוב – דעעש: היינט קומט פאר די שמחת האירוסין פונעם חתן יונגסטע זון פון הגה"צ ר' ישכר דוב טויב שליט"א אב"ד קאלוב וומס"ב, זון פון כ"ק אדמו"ר מקאלוב שליט"א, און איידעם ביי כ"ק אדמו"ר מדעעש שליט"א, מיט די כלה א טאכטער פון הרב חיים מאיר טווערסקי שליט"א, זון פון הגה"צ ר' אהרן מענדיל טווערסקי שליט"א, בנו הגדול פון כ"ק אדמו"ר מסקווירא שליט"א, און איידעם ביי הגה"צ אבד"ק גלאגוב זצ"ל. – די שמחה קומט פאר אין ביהמ"ד הגדול אין שיכון סקווירא, אינאיינעם מיט די מעמד קבלת פנים לכבודו פונעם רבי'ן.
היינט קומט פאר די שמחת הברית פון א אור אייניקל ביי כ"ק אדמו"ר מסאטמאר שליט"א, אייניקל פון זיין איידעם הגה"צ ר' יצחק ראזענבערגער שליט"א רב ביהמ"ד סאטמאר ליע גארדענס, זון פון הגה"צ ר' יהושע ראזענבערגער שליט"א גאב"ד קרית הרמ"א בית שמש וחבר ביד"ץ העדה החרדית, בן הנולד ביי זיין זון הרב חיים צבי ראזענבערגער שליט"א, איידעם ביי הגה"צ ר' אשר אנשיל שעהר שליט"א אבד"ק קלעסאן. – די שמחה קומט פאר בצל הקודש פון כ"ק אדמו"ר מסאטמאר שליט"א אין מחנה דברי יואל ד'סאטמאר אין סוואן לעיק.
עס איז געשלאסן געווארן די שידוך פונעם חתן א זון פון הגה"צ ר' אברהם בראנדוויין שליט"א מסטרעטין לעיקוואד, מיט די כלה א טאכטער פון הגה"צ ר' שמואל צבי זינגער שליט"א, זון פון כ"ק אדמו"ר מאלכסנדר זצ"ל, און איידעם ביי כ"ק אדמו"ר מטשענסקאוויץ פאקשעוויץ שליט"א.
עס איז געשלאסן געווארן די שידוך פונעם חתן א זון פון הגה"צ ר' יוסף אלטר רוקח שליט"א, זון פון כ"ק אדמו"ר מקאזלאוו זצ"ל, און איידעם ביי הגה"צ אבד"ק נירבאטור שליט"א, מיט די כלה א טאכטער פון הגה"צ ר' אלימלך נתן לערנער שליט"א, זון פון הגה"צ ר' טובי' לערנער שליט"א אבד"ק וואלאץ, און איידעם ביי הגה"צ ר' נפתלי וואגשאהל שליט"א מלאנצוהט.
אריינצושיקן מודעות און נייעס, שיקט אן אימעיל צו NEWS@JDNMAIL.COM
