כ"ק אדמו"ר מסאטמאר שליט"א וועט היינט אנקומען קיין קרית יואל, צו מתפלל זיין על קברה פון אמה של מלכות הרבנית הצדיקת מסאטמאר ע"ה, מחברתו הטהורה פון כ"ק אדמו"ר הרה"ק בעל ברך משה מסאטמאר זצ"ל, לרגל די יארצייט וואס איז אויסגעפאלן דעם שבת קודש כ"ג תמוז.
הגה"צ רבי שמואל יהודה זילבער שליט"א אבד"ק אמונת ישראל, וועלכער איז צוגאסט אויף א קורצע באזוך בקרב חסידיו ומעריציו אין ארץ ישראל, וועט היינט אנקומען אויף תפילת שחרית אין ביהמ"ד אמונת ישראל אין ביתר עילית, און שפעטער ביינאכט ארויספארן אויפן וועג צוריק אהיים קיין ניו יארק.
כ"ק אדמו"ר מסאדיגורא שליט"א וועלכער איז צוגאסט די טעג אין אנטווערפן, וועט אין לויף פון היינט און מארגן געזעגענען דעם ציבור חסידים תושבי העיר, אין שטוב פון הרב דוד קאמפף הי"ו.
היינט קומט פאר א גרויסע מעמד אין שטאט לאנדאן, על פי קריאת גדולי הרבנים למען הצלת ילדי לב טהור פון גוואטאמאלא, עס קומט פאר אינעם ריזן יסודי התורה זאל, אין שפיץ פון די אדמור"י ורבני העיר.
היינט קומט פאר אן ערשטמאליגע דינער אין מאנסי לטובת ישיבת עסק התורה ראחמיסטריווקא, עס קומט פאר אין זאל פון ביהמ"ד סטאלין, אין שפיץ פון כ"ק האדמורי"ם מראחמיסטריווקא שליט"א.
היינט קומט פאר די שמחת הבר מצוה פון א אייניקל ביי כ"ק אדמו"ר מקרעטשניף סיגעט שליט"א, א זון פון זיין איידעם הגה"צ ר' חיים מאיר שנעעבאלג שליט"א אב"ד סטרעליסק, זון פון כ"ק אדמו"ר מטשערנאוויץ שליט"א. – די שמחה קומט פאר אין ביהמ"ד קרעטשניף סיגעט אויף רחוב רפפורט אין ירושלים.
עס איז געשלאסן געווארן די שידוך פון א אייניקל ביי כ"ק אדמו"ר מגארליץ שליט"א פון בארא פארק, די חתן א זון פון זיין זון הגה"צ ר' אשר אנשיל יונגרייז שליט"א, איידעם ביי הגה"צ ר' אברהם הכהן שלאף זצ"ל ראש ישיבת באבוב לאנדאן, מיט די כלה א טאכטער פון הגה"צ ר' דוד ראזענפעלד שליט"א אבד"ק לעלוב קארלין.
אריינצושיקן מודעות און נייעס, שיקט אן אימעיל צו NEWS@JDNMAIL.COM
