אפדעיט 5:30 נאכמיטאג
בחסדי ה' זענען אלע בחורים ארויסגעקומען אין א גוטן צושטאנד, מען רוהט זיך אפ דארט אויפן פלאץ, זיך גרייטענדיג צוריקצופארן אין ישיבה אין סטעטן איילענד.
--------------------
א גרופע ישיבה בחורים פון בארא פארק זענען היינט ארויסגעפארן אויף א שפאציר ביי די באקאנטע הערימען סטעיט פארק אין ראקלענד קאונטי, וואו עס איז פארהאן צענדליגע טרעילס פון איבער צוויי הונדערט מייל, פילע טייכן און רעזערווארן, און איז א הויפט אטראקציע ארט איבער די טריי סטעיט ראיאן.
די בחורים פון ישיבה גדולה תפארת מרדכי וויזניץ אין סטעטן איילענד, זענען אנגעקומען צו די פארק היינט פארמיטאג, און האבן זיך ארויסגעלאזט אויף א שפאציר ביי די טרעילס, נאכן שפאצירן ארום צוויי שעה האבן זיי זיך געטראפן געשטראנדעט אן א וועג צוריק, אין די צייט וואס די וואסער איז אויסגעלאפן און עטליכע בחורים האבן אנגעהויבן שפירן אויסגעטריקנט.
נאכן אלארמירן די נויטיגע הילף, זענען אנגעקומען אויפן סצענע געטרייע וואלאונטירן פון די מציל ארגענעזאציע, העכסט טרענירטע פארעסט רעינדזשערס, חברה הצלה און חברים און נאך פארשידענע הילפס לייט, יעצט נאכמיטאג ווערן די בחורים ארויסגעברענגט מיטן הילף פון די עמערדזשענסי לייט, און חברה הצלה ווארט אפ אינדרויסן פון די וואלד צו זיכער מאכן אז אלע געפונען זיך אין א גוטן צושטאנד.
