שמחת בית סקולען: היינט קומט פאר די שמחת קישור החיתון פונעם חתן א זון פון כ"ק אדמו"ר מסקולען שליט"א פון וויליאמסבורג, מיט די כלה א טאכטער פון הגה"צ ר' יעקב יוסף גאלדמאן שליט"א דומ"ץ ביהמ"ד סקווירא אויף ראמען אין מאנסי, זון פון הגה"צ ר' שמואל גאלדמאן שליט"א מזוועהיל, און איידעם ביי הגה"צ ר' יוחנן וואזנער שליט"א ראב"ד סקווירא. – די שמחה קומט פאר אין ווילחאוויץ זאל אין מאנסי.
היינט קומט פאר די מעמד הקמת המצבה על קברה פון הרבנית הצדיקת מסאסרעגען ע"ה, אשת חבר כ"ק אדמו"ר מסאסרעגען זצ"ל, אויפן אלטן בית החיים אין צפת, עס קומט פאר אין שפיץ פון די חשובע קינדער, הגה"צ אבד"ק באבוב 45 שליט"א, און כ"ק האדמורי"ם מבריזדוביץ, ספינקא, און קאלאמייא שליט"א.
היינט קומט פאר די מעמד הנחת אבן הפינה פאר די נייע בנין פון מוסדות פני מנחם אין בית שמש, נדבת הנגיד החסיד ר' פנחס ירט הי"ו, לזכר נשמת הרב החסיד ר' יעקב ברוך מענדלזון ז"ל, עס קומט פאר אויפן שטח הבניה אויף רחוב רבי עמרם אין בית שמש, אין שפיץ פונעם ראש ישיבה הגאון הגדול רבי שאול אלתר שליט"א, אלס נואם הכבוד וועט אויפטרעטן הגה"צ אבד"ק ראסלאוויץ שליט"א.
היינט קומט פאר אין לאנדאן א כינוס פאר חסידי צאנז תושבי העיר, לטובת דעם רבינ'ס קרן הצלה צו פינאנצירן די ישיבות און כוללים דחסידי צאנז אין ארץ ישראל, עס קומט פאר אין די עדן זאל אין לאנדאן.
כ"ק אדמו"ר מאלכסנדר שליט"א לאזט זיך היינט ארויס אויפן וועג קיין שווייץ, וואו דער רבי וועט וויילן די קומענדיגע וואכן אויף אפרוה אינעם שטעטל סט. מוריץ.
אריינצושיקן מודעות און נייעס, שיקט אן אימעיל צו NEWS@JDNMAIL.COM
