שמחת בית אלכסנדר – לוצק: עס איז געשלאסן געווארן די שידוך פונעם ערשטן אור אייניקל ביי כ"ק אדמו"ר מאלכסנדר שליט"א, ערשטע אייניקל ביי זיין איידעם כ"ק אדמו"ר מלוצק שליט"א, די חתן א זון פון בנו הגדול הגה"צ ר' יהודה משה שוחט שליט"א, איידעם ביי הגה"צ ר' גדלי' משה גאלדמאן שליט"א מזוועהיל, מיט די כלה א טאכטער פון הגה"צ ר' שמעון ווייס שליט"א, זון פון הגה"צ ר' חיים ווייס שליט"א גאב"ד ביתר, און איידעם ביי הגה"צ ר' אברהם יעקב איצקאוויטש שליט"א אבד"ק שבט הלוי ירושלים.
כ"ק אדמו"ר מפשעווארסק שליט"א איז אנגעקומען צום שטאט ניס אין פראנקרייך, וואו דער רבי וועט זיך אויפהאלטן די קומענדיגע וואכן אויף אפרוה.
כ"ק גאב"ד סאטמאר מאנסי שליט"א לאזט זיך היינט ארויס אויף א געהויבענע נסיעה "מסע התומכים" צו די מקומות הקדושים אין אייראפע, אינאיינעם מיט א קבוצה נכבדה נגידי ותומכי המוסדות, לקראת די יומא דהילולא קדישא פונעם ראש השלשלת דער הייליגער ישמח משה זי"ע.
היינט נאכט כ"ז תמוז געפאלט די צענטע יומא דהילולא קדישא פון כ"ק אדמו"ר מצאנז זוועהיל זצ"ל, בן אחיו כ"ק אדמו"ר מזוועהיל ארה"ב שליט"א וועלכער איז אנגעקומען צוגאסט קיין ארץ ישראל לכבוד די יארצייט, וועט אפרעכטן דעם יארצייט טיש היינט אויפדערנאכט אין זוועהילער בית המדרש אין די רמת שלמה געגנט אין ירושלים, און פוקד זיין דעם ציון הק' אויפן הר הזיתים.
היינט קומט פאר א מעמד "יסודות הבית" אינערהאלב ק"ק סאטמאר אין קרית יואל, וואו מען וועט הערן פארשידענע דרשות ביסודות הדת, צוגעשטעלט דורך התאחדות אברכים פון די קהילה, עס קומט פאר אין שפיץ פונעם רב הקהילה הגה"צ ר' חיים הערש טייטלבוים שליט"א, בנו הגדול פון כ"ק אדמו"ר מסאטמאר שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
