שמחת בית וויזניץ - סקווירא: היינט קומט פאר די שמחת הווארט פון די כלה יונגסטע קינד ביי הגה"צ ר' יצחק טווערסקי שליט"א, זון פון כ"ק אדמו"ר מסקווירא שליט"א, און איידעם ביי כ"ק אדמו"ר מוויזניץ שליט"א, מיט די חתן א זון פון הרב דוד גראס שליט"א ראה"כ סקווירא בני ברק, זון פון הגה"צ ר' אברהם משה גראס שליט"א אבד"ק קערעסטיר בערבעשט און דיין אין שיכון סקווירא, איידעם ביי כ"ק אדמו"ר מלעלוב זצ"ל, און איידעם ביי הגה"צ ר' שלמה גאלדמאן שליט"א, זון פון הגה"צ ר' שמואל גאלדמאן שליט"א מזוועהיל פון שיכון סקווירא. – די שמחה קומט פאר אין ביהמ"ד הגדול אין קרית וויזניץ בני ברק.
היינט קומט פאר די שמחת הבר מצוה פון א אייניקל ביי כ"ק אדמו"ר מטשערנאביל שליט"א, הבחור הבר מצוה ישכר דוב נ"י זון פונעם רבינ'ס עלטסטע זון הגה"צ ר' מרדכי טווערסקי שליט"א, איידעם ביי כ"ק אדמו"ר מראחמיסטריווקא זצ"ל. – די שמחה קומט פאר אין ביהמ"ד טשערנאביל אויף רחוב ראב"ד אין בני ברק.
עס איז געשלאסן געווארן די שידוך פונעם חתן א זון פון הגה"צ ר' שלמה זלמן היילפערין שליט"א, זון פון הגה"צ גאב"ד ראדאמישלא רמות שליט"א, און איידעם ביי הגה"צ ר' יעקב ישראל שמערלער שליט"א, איידעם ביי כ"ק אדמו"ר מסטראפקוב זצ"ל, מיט די כלה א טאכטער פון הגה"צ ר' יעקב שלמה כהנא שליט"א אדמו"ר מזידטשויב ספינקא און מו"ץ בעדה החרדית, איידעם ביי הגה"צ ר' יעקב שמשון יאקאבאוויטש שליט"א, איידעם ביי כ"ק אדמו"ר מגארליץ זצ"ל.
כ"ק אדמו"ר מסאטמאר שליט"א וועט היינט פארנאכטס אפרעכטן די יארצייט טיש לרגל די יומא דהילולא קדישא פון זקינו הרה"ק בעל ישמח משה זי"ע, אינעם ביהמ"ד קהל יראים אין בעטלהעם ניו העמפשער, אינאיינעם מיט די תלמידים פון ישיבה קטנה ד'סאטמאר אין קרית יואל סניף ישמח משה.
כ"ק אדמו"ר מסאטמאר שליט"א וועט היינט אפרעכטן די יארצייט טיש לרגל די יומא דהילולא קדישא פון זקינו הרה"ק בעל ישמח משה זי"ע, אינאיינעם מיט די תלמידים פון ישיבה גדולה תורה ויראה ד'סאטמאר חלק ב', אין מחנה דברי יואל ד'סאטמאר אין סוואן לעיק.
היינט נאכט כ"ט תמוז געפאלט די צווייטע הילולא קדישא פון כ"ק אדמו"ר משאץ זצ"ל פון וויליאמסבורג, די יארצייט סעודה קומט פאר היינט אויפדערנאכט אין שטוב פון זיין איידעם הגה"צ ר' מנחם שלמה האגער שליט"א בן כ"ק אדמו"ר מוויזניץ שליט"א פון לאנדאן, אין שפיץ פון בנו יחידו ממלא מקומו כ"ק אדמו"ר משאץ שליט"א פון מאנסי, מארגן פרייטאג וועט מען ארויפגיין צום ציון הק' אויפן מאנסי בית החיים.
היינט כ"ח תמוז געפאלט די דרייצנטע יארצייט פונעם פוסק הדור מרן הגאון הגדול רבי יוסף שלום אלישיב זצ"ל, א גרויסע עצרת התעוררות לזכרו קומט פאר אין היכל ישיבת הר"ן אין ירושלים, וואו עס וועט אויפטרעטן חתנו הגאון הגדול רבי יצחק זילבערשטיין שליט"א.
כ"ק אדמו"ר מקרעטשניף סיגעט שליט"א לאזט זיך היינט ארויס אויף א מסע הקודש יזכור אהבתם צו די קברי צדיקים אין אייראפע, צו פוקד זיין דעם ציון הק' פון זקינו הרה"ק רבי מרדכי'לע פון נדבורנא זי"ע אין שטאט בישטינא, היינט דאנערשטאג וועט דער רבי אנקומען צום שטאט אוהעל אין אונגארן צו פוקד זיין דעם ציון הק' פונעם הייליגן ישמח משה זי"ע בעצם יומא דהילולא קדישא.
היינט קומט פאר א גרויסע עצרת תפילה אין ביהמ"ד הגדול דושינסקיא אין ירושלים, לעורר רחמים למען חולי ישראל, אינעם יום המסוגל פון ערב ראש חודש מוקדם, עס קומט פאר אין שפיץ פון כ"ק אדמו"ר מדושינסקיא שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
