א וואנדאליזם פארברעך איז דורכגעפירט געווארן די נאכט אין די אור חדש שוהל אין די גאלדערסגרין געגנט אין לאנדאן, וואס ווערט געפירט דורכ'ן דיין הרב מנחם געללי שליט"א, ראב"ד פון די לאנדאנער בית דין.
אינמיטן די נאכט האבן גנבים זיך איינגעבראכן אין די שוהל, זיי האבן פארדעקט די זיכערהייט קאמערעס און די סמאוק דיטעקטארס, דאן האבן זיי פרובירט אויפצוברעכן די ארון הקודש, שעדיגן תשמישי קדושה און נאך. בחסדי ה' האבן זיי נישט באוויזן אויפצוברעכן די ארון הקודש, אבער אנדערע זאכן האבן זיי וואנדאליזירט, געזוכט וואס צו גנב'נען פון די קאך, אויפגעבראכן פריוואטע לאקערס זוכענדיג פאר שליסלעך, און ארויסגענומען א דיפערבעלעיטאר מאשין פון א שאפע און עס געשעדיגט.
די שומרים אגענטור אין לאנדאן האט אלארמירט די פאליציי און ארבעטן אינאיינעם צו טרעפן די שולדיגע.
