אידישע קינדער איבער די גארער וועלט טוען איינרייסן און מעורר זיין רחמי שמים לרפואתו השלימה פונעם זקן ראשי הישיבות באמעריקע, הגאון הגדול רבי שמואל קאמינעצקי שליט"א ראש ישיבת פילאדעלפיע, וועלכער געפונט זיך ל"ע אין א קריטישע צושטאנד.
דער ראש ישיבה וועלכער ווערט היינט פאררעכנט אלס דער עלטסטער זקן ויושב בישיבה איבער גאנץ אמעריקע, און האט שוין מעמיד געווען צענדליגע טויזענטער תלמידים נאמנים הסרים למשמעתו, געפונט זיך ליידער אין שפיטאל שוין עטליכע טעג, ווען אין די לעצטע שעות איז ליידער אנטשטאנען א דראסטישע פארערגערונג אין די מצב, און די דאקטוירים באהאנדלען דעם ראש ישיבה אין די איי סי יו אפטיילונג אויף א דריגענדע פארנעם.
כלל ישראל טוט מתפלל זיין און מעורר זיין רחמי שמים לרפואתו השלימה והמהירה, מרן הגאון הגדול רבי שמואל בן איטא עטל לרפואה שלימה, בתוך שאר חולי ישראל, דער ראש ישיבה זאל נאך פארבלייבן מיט אונז און משפיע זיין אויף אונזער דור מזיו תורתו, עוד ינוב בשיבה דשנים ורעננים.
