שמחת בית וויזניץ – גארליץ – קאסאן: עס איז געשלאסן געווארן די שידוך פון א אייניקל ביי כ"ק אדמו"ר מוויזניץ שליט"א, די כלה א טאכטער פון בנו הצעיר הגה"צ ר' יעקב מרדכי האגער שליט"א אב"ד וויזניץ אלעד, איידעם ביי כ"ק אדמו"ר מקאסאן לעיקוואד שליט"א, מיט די חתן א זון פון הגה"צ ר' דוד האלבערשטאם שליט"א, זון פון כ"ק אדמו"ר מגארליץ שליט"א, און איידעם ביי הגה"צ ר' פנחס שטערן שליט"א אבד"ק ביליץ ב"ב.
עס איז געשלאסן געווארן די שידוך פונעם חתן א זון פון הגה"צ ר' יצחק הורוויץ שליט"א, זון פון הגה"צ אבד"ק סאטמאר מאנטשעסטער שליט"א, און איידעם ביי כ"ק אדמו"ר מסטאניסלאוו לאנדאן זצ"ל, מיט די כלה א טאכטער פון הגה"צ ר' יחזקאל שרגא לאווי שליט"א אבד"ק טאהש וומס"ב, זון פון הגה"צ ר' מרדכי סג"ל לאווי זצ"ל, זון פון הרה"ק מטאהש זי"ע, און איידעם ביי כ"ק אדמו"ר מקרעטשניף קרית גת זצ"ל.
כ"ק אדמו"ר מוויזניץ שליט"א פון מאנסי וועלכער האט געוויילט די לעצטע צוויי וואכן אויף אפרוה אין לאס אנדזשעלעס קאליפארניע, קערט זיך היינט צוריק אהיים קיין ניו יארק, און וועט וויילן די קומענדיגע וואך בקרב תלמידי הישיבה אינעם קרית הישיבות אין נייעק.
כ"ק אדמו"ר מקרעטשניף סיגעט שליט"א וועלכער האט געוויילט אין אייראפע אויף א מסע הקודש צו די קברי צדיקים, קערט זיך היינט צוריק למעון קדשו אין ירושלים עיה"ק.
היינט נאכט ד' אב געפאלט די יומא דהילולא קדישא פון כ"ק אדמו"ר מלעלוב ירושלים זצ"ל, בנו ממלא מקומו כ"ק אדמו"ר מלעלוב ירושלים שליט"א וועט אפרעכטן די יארצייט טיש היינט ביינאכט בבית מדרשו אין די בית ישראל געגנט אין ירושלים, און מארגן נאכמיטאג פוקד זיין דעם ציון הק' במרומי הר הזיתים.
כ"ק אדמו"ר מסקווירא מאנסי שליט"א וועט היינט פארנאכטס אפרעכטן די יארצייט טיש לרגל די הילולא קדישא פון זקינו הרה"ק רבי איציקל השני מסקווירא זי"ע, אינאיינעם מיט די סיומי מסכתות וואס איז געלערנט געווארן ביי די טעגליכע שיעורים אין ביהמ"ד. דער רבי שליט"א וועט פוקד זיין דעם ציון הק' אין לאנג איילענד עלף אזייגער פארמיטאג, און שפעטער פארנאכטס אפרעכטן די יארצייט טיש בבית מדרשו אין מאנסי.
היינט קומט פאר א מעמד ועידת בתים נאמנים אינעם גרויסן זאל היכל ראזענבערג אין קרית צאנז נתני', צוגעשטעלט דורך אירגון שמחם שע"י חסידי צאנז, עס וועט אויפטרעטן מיטן משא המרכזי כ"ק אדמו"ר משבט הלוי וגאב"ד זכרון מאיר שליט"א.
היינט קומט פאר א גרויסע מעמד כבוד התורה פאר די הונדערטער תלמידים פון כתה ח' אין די וויזניצע חדרים לענגאויס ארץ ישראל, עס קומט פאר אין זאל בית וויזניץ אין קרית וויזניץ בני ברק, וואו הגה"צ המשפיע ר' אלימלך בידערמאן שליט"א וועט אויפטרעטן מיט די משא המעמד.
כ"ק אדמו"ר מבאסטאן ביתר שליט"א וועט היינט אנקומען אויף א תפילה ביים שריד בית מקדשינו דער כותל המערבי, און דערנאך פראווענען א חבורת התחזקות פאר די בחורי הקהילה שטייענדיג בימי צפיה לגאולה.
אריינצושיקן מודעות און נייעס, שיקט אן אימעיל צו NEWS@JDNMAIL.COM
