כ"ק אדמו"ר מבאבוב שליט"א וועט היינט פארנאכטס אפרעכטן די יארצייט טיש לרגל די הילולא קדישא פון זקינו דער הייליגער קדושת ציון פון באבוב זי"ע, אינאיינעם מיטן מעמד סיום מסכת ערכין והתחלת מסכת בבא בתרא במסגרת הלימוד קנין תורה דחסידי באבוב, אין ביהמ"ד הגדול באבוב אין בארא פארק.
כ"ק אדמו"ר מבאבוב 45 שליט"א וועט היינט פארנאכטס אפרעכטן די יארצייט טיש לרגל די הילולא קדישא פון זקינו דער הייליגער קדושת ציון פון באבוב זי"ע, אין בית המדרש פון מחנה מתיבתא באבוב 45 אין פארקסוויל.
כ"ק אדמו"ר מבית חיים יהושע שליט"א וועט היינט פארנאכטס אפרעכטן די יארצייט טיש לרגל די הילולא קדישא פון זקינו דער הייליגער קדושת ציון פון באבוב זי"ע, בבית מדרשו אין בארא פארק.
היינט נאכט ה' אב געפאלט די הילולא קדישא פונעם הייליגן אר"י הק' זי"ע, פילע אידן וועלן פוקד זיין דעם ציון הק' אין עיר הקודש צפת להיפקד בדבר ישועה ורחמים.
כ"ק אדמו"ר מלעלוב שליט"א פון ירושלים, וועט אפרעכטן דעם יארצייט טיש היינט אויפדערנאכט לרגל די הילולא קדישא פונעם אר"י הק' זי"ע, אין שטוב פון ר' אריאל משה הי"ו אין די אידישע קווארטל אין עיה"ק צפת, וואס איז פאר לאנגע יארן געווען ביתם נאוה קודש פון צדיקי בית לעלוב לדורותיהם.
כ"ק אדמו"ר מקאסוב שליט"א קומט היינט אן צוגאסט קיין ארץ ישראל, וואו דער רבי וועט זיך אויפהאלטן אין לויף פון די קומענדיגע זוממער וואכן אין ירושלים עיה"ק.
כ"ק אדמו"ר מסטאניסלאוו שליט"א קומט היינט אן צום שטאט בישטינא אין אוקראינע, צו פוקד זיין דעם ציון הק' פון זקינו הרה"ק דער רבי ר' מרדכי'לע פון נדבורנא זי"ע אין די ניין טעג.
כ"ק אדמו"ר מנדבורנא אלעד שליט"א לאזט זיך היינט ארויס אויף א נסיעה קיין אייראפע, צו פוקד זיין דעם ציון הק' פון זקינו הרה"ק דער רבי ר' מרדכי'לע פון נדבורנא זי"ע אין די ניין טעג, און דעם ציון הק' פון הרה"ק רבי ישעי'לע קערעסטירער זי"ע.
כ"ק אדמו"ר מקוידינוב שליט"א וועלכער האט זיך אויפגעהאלטן אויף א נסיעה צו די מקומות הקדושים אין אייראפע, לקראת די שמחת החתונה פון בנו החתן וואס קומט פאר קומענדיגן חודש אלול, קערט זיך היינט צוריק למעון קדשו אין בני ברק.
כ"ק אדמו"ר מוויזניץ שליט"א פון ירושלים וועט היינט אויפדערנאכט אויפטרעטן מיט א שיעור אין ראם פון אירגון שיעורי תורה, בגודל מעלת שירות ותשבחות לקל חי, אין ביהמ"ד קארלין סטאלין אין בארא פארק.
היינט קומט פאר א ספעציעלע מעמד אין שטאט לאנדאן מיטן נאמען "העתיד עדיין", לטובת די מוסדות התורה והחינוך אין די בליענדע ישוב אין קענווי איילענד, אין די זאלן פון יסודי התורה בראשות אדמור"י ורבני העיר.
עס איז געשלאסן געווארן די שידוך פונעם חתן א זון פון הגה"צ ר' מנחם זאב שטערן שליט"א, זון פון הגה"צ אבד"ק סקולען בני ברק שליט"א, און איידעם ביי כ"ק אדמו"ר מזוועהיל ירושלים שליט"א, מיט די כלה א טאכטער פון הגה"צ ר' ישכר שלמה זאלמענאוויטש שליט"א, זון פון הגה"צ ר' אליהו זאלמענאוויטש זצ"ל ראה"כ גארליץ, איידעם ביי כ"ק אדמו"ר מגארליץ זצ"ל, און איידעם ביי כ"ק אדמו"ר מזידטשויב פתח תקוה זצ"ל.
ניחום אבלים:
הגה"צ ר' געציל בערקאוויטש שליט"א דומ"ץ קרית יואל ובעל אגלי דבש, זיצט שבעה די טעג נאך די פטירה פון זיין יונגערן ברודער הרב החסיד ר' יהושע אהרן בערקאוויטש ע"ה, היינט דינסטאג און פון דאנערשטאג אין זיין שטוב אין קרית יואל, און מארגן מיטוואך אין וויליאמסבורג בבית האבלים
אריינצושיקן מודעות און נייעס, שיקט אן אימעיל צו NEWS@JDNMAIL.COM
