שמחת בית וויזניץ: היינט קומט פאר א דאפלטע שמחה בחצר הקודש וויזניץ, שמחת הבר מצוה פון א זון ביי הגה"צ ר' יעקב מרדכי האגער שליט"א אב"ד וויזניץ אלעד, זון פון כ"ק אדמו"ר מוויזניץ שליט"א, און איידעם ביי כ"ק אדמו"ר מקאסאן לעיקוואד שליט"א, און די שמחת הווארט פון די כלה א טאכטער ביי הגה"צ ר' יעקב מרדכי האגער שליט"א אב"ד וויזניץ אלעד, מיט די חתן א זון פון הגה"צ ר' דוד האלבערשטאם שליט"א, זון פון כ"ק אדמו"ר מגארליץ שליט"א, און איידעם ביי הגה"צ ר' פנחס שטערן שליט"א אבד"ק ביליץ ב"ב. – די שמחה קומט פאר אין ביהמ"ד הגדול אין קרית וויזניץ בני ברק.
שמחת בית סלונים: עס איז געשלאסן געווארן די שידוך פון א אייניקל ביי כ"ק אדמו"ר מסלונים שליט"א, די כלה א טאכטער פון בנו הצעיר הגה"צ ר' מרדכי ברזובסקי שליט"א, איידעם ביי כ"ק אדמו"ר מבאסטאן שליט"א, מיט די חתן א זון פון הרב יהושע ווילהעלם שליט"א ראה"כ מנחם ציון, זון פון הרה"ג ר' נחמן יוסף ווילהעלם שליט"א מראשי ישיבת חזון נחום, און איידעם ביי הרה"ג ר' אשר טענענבוים זצ"ל רב שכונת גבעת שאול.
עס איז געשלאסן געווארן די שידוך פונעם חתן א זון פון הגה"צ ר' הערשל האגער שליט"א רב ביהמ"ד עטרת צבי אין די גאלדערסגרין געגנט אין לאנדאן, זון פון הגה"צ ר' גרשון האגער שליט"א רב ביהמ"ד בית ישכר דוב, און איידעם ביי כ"ק הגה"צ גאב"ד אונגוואר זצ"ל בעל משנה הלכות, מיט די כלה א טאכטער פון כ"ק אדמו"ר מקאזניץ שליט"א פון תל אביב.
היינט קומט פאר די שמחת הבר מצוה פון א אייניקל ביי כ"ק אדמו"ר מלויעוו טשערנאביל שליט"א, א זון פון זיין איידעם הגה"צ ר' אלעזר שטיין שליט"א, זון פון הגה"צ גאב"ד פאלטישאן זצ"ל. – די שמחה קומט פאר אין ביהמ"ד לויעוו טשערנאביל אין בארא פארק.
היינט נאכט י"ג אב געפאלט די יומא דהילולא קדישא פון כ"ק אדמו"ר הרה"ק בעל ויחי יוסף מפאפא זי"ע, בנו ממלא מקומו כ"ק אדמו"ר מפאפא שליט"א וועט אריינקומען היינט נאכט אויף תפילת מעריב אין ביהמ"ד הגדול אין קרית פאפא וועסטשעסטער, און דערנאך אפרעכטן א לחיים טיש און סיום משניות. אין אלע בתי מדרשים דחסידי פאפא איבער די וועלט וועלן פארקומען יארצייט סעודות ברוב עם.
היינט קומט פאר די מעמד הכנסת ספר תורה וואס ווערט אריינגעגעבן צום סקווירא בית המדרש אין בית שמש, נדבת הרב החסיד ר' שלום פנחס מאשקאוויטש הי"ו, עס קומט פאר אין שפיץ פון הגה"צ ר' אהרן מענדיל טווערסקי שליט"א בנו הגדול פון כ"ק אדמו"ר מסקווירא שליט"א וועלכער איז ספעציעל אנגעקומען צוגאסט קיין ארץ ישראל לכבוד די מעמד, אזוי אויך וועט ער היינט באשיינען די מעמד קביעת מזוזה און חנוכת הבית פאר די נייע חסד שטוב אין די זיו שפיטאל אין צפת, און שפעטער ביינאכט אנקומען אויף א תפילת רבים צום שריד בית מקדשינו דער כותל המערבי.
היינט קומט פאר א מסיבה לטובת מוסדות חסד לאברהם אין מושב קדימה אין ארץ ישראל, אין שטוב פון הגה"צ ר' יוסף ישראל אייזענבערגער שליט"א דומ"ץ שיכון סקווירא, אין שפיץ פונעם נשיא המוסדות כ"ק אדמו"ר מסקולען שליט"א פון מאנסי.
היינט קומט פאר די מעמד קביעת מזוזה און חנוכת הבית פאר די נייע מקוה און אונטערשטע שטאק בבנין ביהמ"ד החדש ראחמיסטריווקא מאנסי אויף האופעל לעין, אין שפיץ פון כ"ק אדמו"ר מראחמיסטריווקא מאנסי שליט"א.
כ"ק אדמו"ר מראחמיסטריווקא שליט"א וועלכער איז נעכטן אנגעקומען אויף א בליץ באזוך קיין לעיקוואד, צו מנחם אבל זיין בבית מקורבו הנגיד החסיד ר' מרדכי פארהאנד הי"ו, וועט זיך היינט מיטוואך ארויסלאזן אויפן וועג צוריק קיין ארץ ישראל.
כ"ק אדמו"ר מפיטסבורג שליט"א וועלכער איז נעכטן אנגעקומען אויף א בליץ באזוך קיין ניו יארק צו באשיינען די שמחת החתונה ביי איינער פון די נאנטע מקורבים, וועט זיך היינט מיטוואך ארויסלאזן אויפן וועג צוריק קיין ארץ ישראל.
כ"ק אדמו"ר מקוידינוב שליט"א פארט היינט ארויס צו די רמות ג' געגנט אין ירושלים, וואו דער רבי וועט וויילן די קומענדיגע צוויי וואכן אויף אפרוה.
אריינצושיקן מודעות און נייעס, שיקט אן אימעיל צו NEWS@JDNMAIL.COM
