היינט מוצאי שבת איז כ"ק אדמו"ר מבעלזא שליט"א אין א זעלטענע שריט ארויסגעפארן מגבול ביתו נאוה קודש אין קרית בעלזא ירושלים, אויף א ביקור חולים באזוך ביים עלטערן שוואגער כ"ק אדמו"ר מוויזניץ שליט"א, וועלכער האלט זיך אויף אין די יעצטיגע טעג אויף אפרוה אין מושב אורה נעבן ירושלים.
דער וויזניצער רבי שליט"א איז ערווארטעט ארויסצופארן קיין דייטשלאנד מארגן זונטאג, און דורכגיין א רייע מעדיצינישע באהאנדלונגען מיטן האפענונג אויף בעסערע רעזולטאטן, און היינט מוצאי שבת איז אין א גאר זעלטענע מאמענט אנגעקומען אויף א באזוך דער שוואגער כ"ק אדמו"ר מבעלזא שליט"א, וועלכער איז אליינס היבש אין א שוואכע צושטאנד, און גייט כמעט נישט ארויס מגבול ביתו נאוה קודש און די בנין ביהמ"ד הגדול אין קרית בעלזא ירושלים.
די צוויי שוואגער'ס האבן פארברענגט בנועם שיח, ווען ביידע אינטערסירן זיך אויפן מצב הבריאות און וואונטשן זיך א רפואה שלימה, דער בעלזא רבי האט ווארעם געוואונטשן דעם שוואגער דער וויזניצער רבי אז ער זאל פארן געזונטערהייט און צוריקקומען געזונטערהייט, און האבן א גענצליכע רפואה בקרוב ובניקל.
