כלל ישראל איבער די גארער וועלט איז מתפלל למען רפואתו ובריאתו השלימה פון כ"ק אדמו"ר מוויזניץ שליט"א לרפואה שלימה, וועלכער גייט היינט אריבער א מעדיצינישע פראצעדור אין מינכען דייטשלאנד, באשטימט אויף אכט אזייגער צופרי ארטיגע זייגער, די פעולות רפואה זאלן עושה רושם זיין לטובה, און דער רבי זאל ווי שנעלער צוריקקומען צו די כוחות בבריות גופא ונהורא מעליא, כ"ק מרן ישראל בן לאה אסתר בתוך שאר חולי ישראל.
שמחת בית מאקאווא: היינט קומט פאר די שמחת החתונה פונעם חתן א זון פון הגה"צ ר' דוד משולם פייש שיינפעלד שליט"א גאב"ד קרית הרצוג, אייניקל פון כ"ק אדמו"ר הרה"ק רבי אברהם שלמה מלעלוב זי"ע, מיט די כלה א טאכטער פון הגה"צ ר' משה נתן נטע לעמבערגער שליט"א, זון פון כ"ק גאב"ד מאקאווא שליט"א, און איידעם ביי הגה"צ ר' שלמה האפשטיין שליט"א, איידעם ביי כ"ק אדמו"ר בעל אור אברהם מזוועהיל זי"ע. – די שמחת החתונה קומט פאר אין זאל היכלי מלכות אין בני ברק.
היינט קומט פאר די שמחת החתונה פונעם חתן א זון פון הרב אליעזר ראזענבערגער שליט"א, אייניקל פון הגה"ק מנייטרא און אבד"ק דיערעש זצ"ל, מיט די כלה א טאכטער פון הרב מנחם זאב וויינבערגער שליט"א, זון פון הגה"צ גאב"ד וויטקא שליט"א, און איידעם ביי הגה"צ ר' יהושע לייפער שליט"א אבד"ק פרעמישלאן, חתן כלה אור אייניקלעך פון הגה"צ אבד"ק פאיע זצ"ל. – די שמחת החתונה קומט פאר אין זאל עטרת חי' שרה אין מאנסי.
היינט קומט פאר די שמחת הברית פון א אור אייניקל ביי כ"ק אדמו"ר מסקווירא שליט"א, אייניקל פון בנו הגדול הגה"צ ר' אהרן מענדיל טווערסקי שליט"א, בן הנולד ביי זיין זון הרב יצחק טווערסקי שליט"א מנהל ישיבה קטנה תולדות יעקב יוסף סקווירא אין מאנטיסעלא, איידעם ביי כ"ק אדמו"ר מביקסאד שליט"א. – די שמחה קומט פאר אין ביהמ"ד הגדול אין שיכון סקווירא, די סעודת ברית וועט פארקומען שפעטער פארנאכטס בביתו נאוה קודש פון כ"ק אדמו"ר מסקווירא שליט"א, אינאיינעם מיט די סעודת עניים לקראת די צוויי חתונות וואס קומען פאר בחצר הקודש סקווירא אין די קומענדיגע וואכן.
היינט קומט פאר די שמחת החתן מאהל פונעם חתן א זון פון הגה"צ ר' ישראל האראנטשיק שליט"א אדמו"ר מראדאשיץ רמה ד' בית שמש, איידעם ביי כ"ק אדמו"ר מטשארנאביל שליט"א, מיט די כלה א טאכטער פון הגה"צ ר' חיים מאיר שנעעבאלג שליט"א אבד"ק סטרעליסק, זון פון כ"ק אדמו"ר מטשערנאוויץ שליט"א, און איידעם ביי כ"ק אדמו"ר מקרעטשניף סיגעט שליט"א. – די שמחה קומט פאר אין ביהמ"ד ראדאשיץ אין די רמה ד' געגנט אין בית שמש.
כ"ק אדמו"ר מנדבורנא ירושלים שליט"א וועט היינט מאנטאג אנקומען אויף תפילת שחרית בבית מדרשו אויף רחוב עזרא אין בני ברק, לרגל די שמחת הנחת תפילין פון א אייניקל, א זון פון בנו הגדול הגה"צ ר' יוחנן ראזענבוים שליט"א, איידעם ביי הגה"צ אבד"ק סקולען ב"ב שליט"א.
עס איז געשלאסן געווארן די שידוך פונעם חתן א זון פון הגה"צ ר' דוד צבי שנעעבאלג שליט"א, זון פון כ"ק אדמו"ר מזידטשויב באר שבע שליט"א, און איידעם ביי כ"ק אדמו"ר מטעמעשוואר שליט"א, מיט די כלה א טאכטער פון הגה"צ ר' יצחק גאלדמאן שליט"א, זון פון כ"ק אדמו"ר מזוועהיל ירושלים שליט"א, און איידעם ביי הגה"צ ר' שלמה גאלדמאן שליט"א ראה"כ יד אליעזר מעליץ ב"ב, זון פון הגה"צ ר' שמואל גאלדמאן שליט"א מזוועהיל פון שיכון סקווירא.
כ"ק אדמו"ר מקוידינוב שליט"א וועט היינט פארנאכטס אפרעכטן די יארצייט טיש לרגל די הילולא קדישא פון זקינו הרה"ק רבי שלמה חיים האדמו"ר הזקן מקוידינוב זי"ע, אין די אכסניא פונעם רבי'ן אין די רמות ג' געגנט אין ירושלים, וואו דער רבי וויילט אצינד אויף אפרוה.
צו די פטירה פון הרבנית הצדיקת מנעשכיז ע"ה, אשת חבר כ"ק אדמו"ר מנעשכיז זצ"ל, און טאכטער פון כ"ק אדמו"ר משומרי אמונים זצ"ל בעל חוקי חיים, זיצן שבעה די בני המשפחה אין ביהמ"ד נעשכיז אויף רחוב רבי יוסי בן חלפתא אין אשדוד.
כ"ק אדמו"ר משומרי אמונים שליט"א פון אשדוד זיצט שבעה בבית האבלים אין אשדוד, און אין די פארמיטאג שעות בביתו נאוה קודש אין אשדוד.
כ"ק אדמו"ר משומרי אמונים שליט"א פון ירושלים זיצט שבעה בביתו נאוה קודש אין קרית שומרי אמונים אין ירושלים, און דינסטאג וועט ער זיצן בבית האבלים אין אשדוד.
כ"ק אדמו"ר משומרי אמונים שליט"א פון קרית גת, זיצט שבעה היינט מאנטאג בביתו נאוה קודש אין קרית גת.
אריינצושיקן מודעות און נייעס, שיקט אן אימעיל צו NEWS@JDNMAIL.COM
