שמחת בית קרעטשניף סיגעט – טשארנאביל – טשערנאוויץ: היינט קומט פאר די שמחת החתונה פונעם חתן א זון פון הגה"צ ר' ישראל האראנטשיק שליט"א אדמו"ר מראדאשיץ רמה ד' בית שמש, איידעם ביי כ"ק אדמו"ר מטשארנאביל שליט"א, מיט די כלה א טאכטער פון הגה"צ ר' חיים מאיר שנעעבאלג שליט"א אבד"ק סטרעליסק, זון פון כ"ק אדמו"ר מטשערנאוויץ שליט"א, און איידעם ביי כ"ק אדמו"ר מקרעטשניף סיגעט שליט"א. – די שמחת החתונה קומט פאר אין פארהאנד זאל אין בית שמש.
היינט קומט פאר די שמחת החתונה פונעם חתן א זון פון כ"ק אדמו"ר מספינקא גני גד שליט"א, אייניקל פון כ"ק אדמו"ר מגארליץ זצ"ל, מיט די כלה א טאכטער פון הרב נתן נטע פאנעט שליט"א, זון פון הגה"צ ר' אהרן דוד פאנעט זצ"ל ראה"כ זיבענבערגן, און איידעם ביי הגה"צ ר' צמח דוד ראבינאוויטש שליט"א אדמו"ר מביאלא פשיסחא ישרי לב. – די שמחת החתונה קומט פאר אין זאל היכלי מלכות אין בני ברק.
שמחת בית סקווירא: היינט קומט פאר די שמחת החתן מאהל פון א אור אייניקל ביי כ"ק אדמו"ר מסקווירא שליט"א, אייניקל פון זיין איידעם כ"ק אדמו"ר מראחמיסטריווקא שליט"א פון מאנסי, די כלה א טאכטער פון זיין איידעם הרב צבי אלימלך טווערסקי שליט"א, אייניקל פון אדמור"י בית לויעוו טשערנאביל זי"ע, מיט די חתן א זון פון הרב שמעון דוב טווערסקי שליט"א, זון פון כ"ק אדמו"ר מלויעוו טשערנאביל פארשעי שליט"א, און איידעם ביי הגה"צ אבד"ק מאקאווא ב"פ זצ"ל. – די שמחת החתן מאהל קומט פאר אין ביהמ"ד הגדול אין שיכון סקווירא.
היינט קומט פאר די שמחת החתן מאהל פון א אייניקל ביי כ"ק אדמו"ר מטשערנאביל שליט"א, די כלה א טאכטער פון זיין איידעם הגה"צ ר' חיים מאיר ראטטענבערג שליט"א ראש ישיבת וויזניץ בית שמש, זון פון כ"ק אדמו"ר מקאסאני שליט"א, מיט די חתן א אייניקל פונעם רבינ'ס ברודער הגה"צ ר' יעקב מרדכי טווערסקי שליט"א אב"ד טשערנאביל אלעד, איידעם ביי הגה"צ גאב"ד ראדאמישלא רמות שליט"א, א זון פון זיין איידעם הרב בעריש שניאורסאן שליט"א, זון פון הגה"צ ר' נחום שניאורסאן שליט"א נשיא ישיבת טשעבין. – די שמחת החתן מאהל קומט פאר אין היכל ישיבת אמרי חיים וויזניץ אין בית שמש.
כ"ק אדמו"ר מוויזניץ שליט"א פון בארא פארק לאזט זיך היינט ארויס אויף א מסע הקודש אהבת קדומים צו די קברי צדיקים אין אייראפע, לקראת די שמחת החתונה פון בנו החתן וואס קומט פאר קומענדיגן ווינטער תשפ"ו.
כ"ק אדמו"ר מראחמיסטריווקא שליט"א פון ספרינג וואלי קומט היינט אן אויף א מסע הקודש צו די קברי צדיקים אין אייראפע, אינאיינעם מיט א קבוצה בחורים תלמידי ישיבת שער אפרים, וואו דער רבי שליט"א דינט אלס מרביץ תורה.
כ"ק אדמו"ר מביאלא שליט"א פארט היינט ארויס צום שטאט אלעד, וואו עס וועט פארקומען די ישיבת בין הזמנים בני ציון פאר די בחורי החסידות.
כ"ק אדמו"ר מלעלוב שליט"א וועט היינט אנקומען אויף א תפילת רבים ביים מערת המכפלה אין חברון, לקראת די שמחת החתונה פון א אייניקל וואס קומט פאר די קומענדיגע וואך.
היינט קומט פאר אין מאנסי א מסיבה לטובת כולל אברכים וויזניץ אין וויליאמסבורג, אין ביהמ"ד תורת מרדכי וויזניץ אויף סוזען, אין שפיץ פון כ"ק אדמו"ר מוויזניץ שליט"א פון וויליאמסבורג.
כ"ק אדמו"ר מאמשינוב שליט"א וועט היינט אנקומען קיין עיה"ק צפת, לרגל די יומא דהילולא קדישא פון זקינו הרה"ק רבי שמעון שלום מאמשינוב זי"ע, דער רבי שליט"א וועט אפרעכטן די יארצייט טיש בבית מדרשו אין צפת, און דערנאך פוקד זיין דעם ציון הק' אויפן אלטן בית החיים אין צפת.
לרגל די יארצייט פון הרה"ק בעל שבחי כהן מראדאמסק זי"ע און זיין איידעם הרה"ק בעל תורת העולות זי"ע, וועט היינט צופרי פארקומען א סעודת הילולא אין ביהמ"ד ראדאמסק אין בארא פארק.
ניחום אבלים:
צו די פטירה פון הרבנית הצדיקת מנעשכיז ע"ה, אשת חבר כ"ק אדמו"ר מנעשכיז זצ"ל, און טאכטער פון כ"ק אדמו"ר משומרי אמונים זצ"ל בעל חוקי חיים, זיצן שבעה די בני המשפחה, און די ברידער כ"ק האדמורי"ם משומרי אמונים פון אשדוד און קרית גת, אין ביהמ"ד נעשכיז אויף רחוב רבי יוסי בן חלפתא אין אשדוד.
כ"ק אדמו"ר משומרי אמונים שליט"א פון ירושלים זיצט שבעה בביתו נאוה קודש אין קרית שומרי אמונים אין ירושלים, און מארגן מיטוואך וועט ער זיצן בבית האבלים אין אשדוד.
אריינצושיקן מודעות און נייעס, שיקט אן אימעיל צו NEWS@JDNMAIL.COM
