שמחת בית תולדות אברהם יצחק – מעליץ: עס איז געשלאסן געווארן די שידוך פון א אייניקל ביי כ"ק אדמו"ר מתולדות אברהם יצחק שליט"א, די חתן א זון פון זיין איידעם הגה"צ ר' משה הורוויץ שליט"א אבד"ק אור נפתלי אין פערל ריווער מאנסי, זון פון כ"ק אדמו"ר ממעליץ שליט"א, מיט די כלה א טאכטער פון הרב בנימין אייזנער שליט"א פון בארא פארק.
שמחת בית דעעש – לויעוו טשערנאביל: עס איז געשלאסן געווארן די שידוך פון א אייניקל ביי כ"ק אדמו"ר מדעעש שליט"א, די חתן א זון פון זיין זון הגה"צ ר' מרדכי פאנעט שליט"א, איידעם ביי כ"ק אדמו"ר מלויעוו טשערנאביל שליט"א, מיט די כלה א טאכטער פון הגה"צ ר' שלמה לייפער שליט"א, זון פון כ"ק אדמו"ר מטעמעשוואר ירושלים זצ"ל, און איידעם ביי הגה"צ ר' משה טובי' גרינצווייג זצ"ל.
שמחת בית קרעטשניף י"ם: היינט קומט פאר די שמחת החתונה פון א אייניקל ביי כ"ק אדמו"ר מקרעטשניף שליט"א פון י"ם, די כלה א טאכטער פון זיין איידעם הגה"צ ר' דוד צבי הירש מייזליש שליט"א, זון פון הגה"צ ר' בעריש מייזליש שליט"א מווייטצען לאנדאן, מיט די חתן א זון פון הגה"צ ר' יעקב אלימלך פאנעט שליט"א, זון פון כ"ק אדמו"ר מדעעש זצ"ל. – די שמחת החתונה קומט פאר אין זאל היכלי מלכות אין בני ברק.
שמחת בית ווערדאן: היינט קומט פאר די שמחת החתונה פונעם חתן א זון פון כ"ק אדמו"ר מווערדאן שליט"א פון ירושלים, איידעם ביי כ"ק אדמו"ר ממישקאלץ שליט"א פון פ"ת, מיט די כלה א טאכטער פון הרה"ג ר' משה לאבין שליט"א רב ביהמ"ד עטרת צבי זידטשויב אין בני ברק. – די שמחת החתונה קומט פאר אין זאל ארמונות פריעדמאן אין בני ברק.
שמחת בית טשארנאביל: היינט קומט פאר די שמחת השבע ברכות פונעם חתן א זון פון הגה"צ ר' ישראל האראנטשיק שליט"א אדמו"ר מראדאשיץ רמה ד' בית שמש, איידעם ביי כ"ק אדמו"ר מטשארנאביל שליט"א, מיט די כלה א טאכטער פון הגה"צ ר' חיים מאיר שנעעבאלג שליט"א אבד"ק סטרעליסק, זון פון כ"ק אדמו"ר מטשערנאוויץ שליט"א, און איידעם ביי כ"ק אדמו"ר מקרעטשניף סיגעט שליט"א. – די שמחת השבע ברכות קומט פאר אין ביהמ"ד טשארנאביל אין אשדוד.
שמחת בית בוהוש – מאקאווא: היינט קומט פאר די שמחת הבר מצוה פון א אייניקל ביי כ"ק אדמו"ר מבוהוש שליט"א, א זון פון בנו הגדול הגה"צ ר' משה יודא פריעדמאן שליט"א, איידעם ביי כ"ק גאב"ד מאקאווא שליט"א. – די שמחה קומט פאר אין ביהמ"ד בוהוש אין בני ברק.
היינט קומט פאר די שמחת הברית פון א אור אייניקל ביי כ"ק אדמו"ר מסאטמאר שליט"א, אייניקל פון זיין איידעם הגה"צ ר' דוד דוב דושינסקיא שליט"א רב ביהמ"ד אהל פיגא אין קרית יואל, זון פון כ"ק אדמו"ר מדושינסקיא שליט"א, בן הנולד ביי זיין זון הרב ישראל דושינסקיא שליט"א, איידעם ביי הגה"צ ר' אברהם יהושע איגר שליט"א, זון פון הגה"צ אבד"ק לובלין ב"פ שליט"א, און איידעם ביי הגה"צ אבד"ק פאלטישאן ב"פ שליט"א. – די שמחה קומט פאר אין ביהמ"ד אהל פיגא אין קרית יואל.
היינט נאכט כ"א אב געפאלט די יומא דהילולא קדישא פון כ"ק הרה"ק מבעלזא זי"ע, פילע אידן וועלן פוקד זיין דעם ציון הק' אויפן הר המנוחות להיפקד בדבר ישועה ורחמים, כ"ק אדמו"ר מבעלזא שליט"א וועט אפרעכטן די יארצייט טיש היינט אויפדערנאכט אין די גרויסע שטוב אין קרית בעלזא ירושלים.
היינט נאכט כ"א אב געפאלט די יומא דהילולא קדישא פון כ"ק אדמו"ר מסאדיגורא זצ"ל בעל עטרת ישראל, בנו כ"ק אדמו"ר מסאדיגורא שליט"א וועט ארויפגיין צום ציון הק' היינט נאכמיטאג בראש קהל חסידיו, אויפן בית החיים נחלת יצחק אין גבעתיים, און שפעטער ביינאכט אפרעכטן די יארצייט טיש אין ביהמ"ד הגדול סאדיגורא אויף רחוב גוטמאכר אין בני ברק.
כ"ק אדמו"ר מקאמארנא שליט"א וועט היינט אויפדערנאכט אפרעכטן די יארצייט טיש לרגל די יומא דהילולא קדישא פון זקינו הרה"ק רבי אלכסנדר סנדר מקאמארנא זי"ע בעל זכרון דברים, בבית מדרשו אין בית שמש.
לרגל די יומא דהילולא קדישא פון כ"ק אדמו"ר מפאריסוב זצ"ל וואס געפאלט היינט כ' אב ככלות השנה לפטירתו, וועט היינט צופרי פארקומען די מעמד עלי' לציון אויפן הר המנוחות, אין שפיץ פון די קינדער האדמורי"ם שליט"א.
היינט קומט פאר די מעמד כבוד התורה סיום חלק א' אין משנה ברורה, אין ראם פון די סדר הלימוד בני עולם הבא בחצר הקודש סטריקוב ירושלים, עס קומט פאר אין זאל פון ביהמ"ד סטריקוב אין ירושלים.
אריינצושיקן מודעות און נייעס, שיקט אן אימעיל צו NEWS@JDNMAIL.COM
