שמחת בית לעלוב – קוזמיר: היינט קומט פאר די שמחת החתונה פון א אייניקל ביי כ"ק אדמו"ר מלעלוב שליט"א, די חתן א זון פון בנו הגדול הגה"צ ר' יואל זושא בידערמאן שליט"א, איידעם ביי הגה"צ אבד"ק מאקאווא אלעד זצ"ל, מיט די כלה א טאכטער פון הגה"צ ר' אהרן נחום טאוב שליט"א, זון פון כ"ק אדמו"ר מקוזמיר שליט"א, און איידעם ביי כ"ק אדמו"ר מלעלוב בית שמש שליט"א. – די שמחת החתונה קומט פאר אין ביהמ"ד הגדול לעלוב אין בית שמש.
שמחת בית סקווירא - ראחמיסטריווקא: היינט קומט פאר די שמחת השבע ברכות פון א אור אייניקל ביי כ"ק אדמו"ר מסקווירא שליט"א, אייניקל פון זיין איידעם כ"ק אדמו"ר מראחמיסטריווקא שליט"א פון מאנסי, די כלה א טאכטער פון זיין איידעם הרב צבי אלימלך טווערסקי שליט"א, אייניקל פון אדמור"י בית לויעוו טשערנאביל זי"ע, מיט די חתן א זון פון הרב שמעון דוב טווערסקי שליט"א, זון פון כ"ק אדמו"ר מלויעוו טשערנאביל פארשעי שליט"א, און איידעם ביי הגה"צ אבד"ק מאקאווא ב"פ זצ"ל. – די שמחת השבע ברכות קומט פאר אין ביהמ"ד ראחמיסטריווקא אויף האופעל לעין אין מאנסי.
היינט קומט פאר די שמחת הבר מצוה פון די יונגסטע קינד ביי כ"ק אדמו"ר מסקולען שליט"א פון ירושלים, איידעם ביי זיין שוואגער הגה"צ ר' חיים דוב שטערן שליט"א אבד"ק סקולען ב"ב, איידעם ביי כ"ק אדמו"ר הרה"ק בעל מאור ישראל מסקולען זצ"ל. – די שמחה קומט פאר אין ביהמ"ד קאליב אויף רחוב חנה אין ירושלים.
שמחת בית דעעש – לויעוו טשערנאביל: היינט קומט פאר די שמחת התנאים פון א אייניקל ביי כ"ק אדמו"ר מדעעש שליט"א, די חתן א זון פון זיין זון הגה"צ ר' מרדכי פאנעט שליט"א, איידעם ביי כ"ק אדמו"ר מלויעוו טשערנאביל שליט"א, מיט די כלה א טאכטער פון הגה"צ ר' שלמה לייפער שליט"א, זון פון כ"ק אדמו"ר מטעמעשוואר ירושלים זצ"ל, און איידעם ביי הגה"צ ר' משה טובי' גרינצווייג זצ"ל. – די שמחה קומט פאר אין זאל פון ת"ת סאטמאר אויף מאנסי באלערוואד אין מאנסי.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד הגדול ביאלא אויף רחוב יעקובזון אין ירושלים, לע"נ הרב החסיד ר' ישראל מאיר קעניג ע"ה גבאי ביהמ"ד הגדול ביאלא, אין שפיץ פון כ"ק אדמו"ר מביאלא שליט"א.
היינט כ"ג אב געפאלט די יומא דהילולא קדישא פון כ"ק אדמו"ר משומרי אמונים זצ"ל בעל תפארת אהרן, בנו ממלא מקומו כ"ק אדמו"ר משומרי אמונים שליט"א וועט ארויפגיין צום ציון הק' אין די מיטאג שעה'ן בראש קהל חסידיו, און שפעטער פארנאכטס אפרעכטן די יארצייט טיש און סיום הש"ס אין ביהמ"ד שומרי אמונים אין בני ברק.
כ"ק אדמו"ר מקוידינוב שליט"א וועט היינט זונטאג ארויספארן צו די מקומות הקדושים מתפלל זיין לקראת די שמחת החתונה פון בנו החתן וואס קומט פאר דעם קומענדיגן חודש אלול, דער רבי וועט אנקומען בראש קהל חסידיו צום כותל המערבי, הר הזיתים, מערת המכפלה און קבר רחל.
אריינצושיקן מודעות און נייעס, שיקט אן אימעיל צו NEWS@JDNMAIL.COM
