היינט כ"ו אב ביומא דהילולא קדישא פון כ"ק אדמו"ר הרה"ק מסאטמאר זי"ע, וועט ממשיך דרכו בקודש כ"ק אדמו"ר מסאטמאר שליט"א ארויפגיין צום ציון הק' אין קרית יואל אין די מיטאג שעה'ן, און שפעטער פארנאכטס אפרעכטן די צענטראלע יארצייט טיש און סיום הש"ס אין ביהמ"ד הגדול אין קרית יואל אינאיינעם מיט די יערליכע דינער לטובת די ישיבה ומתיבתא תורה ויראה ד'סאטמאר.
היינט כ"ו אב ביומא דהילולא קדישא פון כ"ק אדמו"ר הרה"ק מסאטמאר זי"ע, וועט ממשיך דרכו בקודש כ"ק אדמו"ר מסאטמאר שליט"א ארויפגיין צום ציון הק' אין קרית יואל ארום פיר אזייגער נאכמיטאג, און שפעטער פארנאכטס אפרעכטן די צענטראלע יארצייט טיש און סיום הש"ס אינעם גרויסן היכל אלטר יחזקאל בבנין ביהמ"ד בנין אליהו סאטמאר אין קרית יואל.
היינט נאכט ז"ך אב געפאלט די יומא דהילולא קדישא פון כ"ק אדמו"ר הרה"ק מטאהש זי"ע, פילע אידן פארן ארויס קיין קרית טאהש קאנאדע צו פוקד זיין דעם ציון הק' בעצם יומא דהילולא קדישא, בנו ממלא מקומו כ"ק אדמו"ר מטאהש שליט"א וועט אפרעכטן די צענטראלע יארצייט טיש היינט נאכט בהיכל ביהמ"ד הגדול אין קרית טאהש.
היינט פארנאכטס וועט פארקומען א באזונדערע סעודת הילולא פאר די הונדערטער תלמידי הישיבות דחסידי טאהש, אין זאל פון בית צירל אין קרית טאהש, אין שפיץ פון כ"ק אדמו"ר מטאהש שליט"א וועלכער וועט משמיע זיין דברי ברכה והדרכה.
היינט נאכט ז"ך אב געפאלט די יומא דהילולא קדישא פון כ"ק אדמו"ר הרה"ק ר' הערשעלע מספינקא זי"ע, אין אלע ספינקא שוהלן איבער די וועלט וועלן געפראוועט ווערן יארצייט סעודות און מסיבות לחיים, פילע אידן וועלן פוקד זיין דעם ציון הק' אויפן ספינקא בית החיים אין ניו דזשערזי להיפקד בדבר ישועה ורחמים.
בנו כ"ק אדמו"ר מטבא דשמואל ספינקא שליט"א וועט אפרעכטן די יארצייט טיש היינט אויפדערנאכט בבית מדרשו אין בארא פארק, און מארגן דאנערשטאג ארויפגיין צום ציון הק' אויפן בית החיים אין ניו דזשערזי.
בנו כ"ק אדמו"ר מקראלי שליט"א וועט אפרעכטן די יארצייט טיש היינט אויפדערנאכט אין קראלי ביהמ"ד אין וויליאמסבורג, און שפעטער ביינאכט כחצות הלילה ארויפגיין צום ציון הק' בראש קהל חסידיו.
חתנו הגה"צ אב"ד קראלי מאנסי שליט"א וועט אפרעכטן די יארצייט סעודה היינט נאכט בבית מדרשו אין מאנסי.
כ"ק אדמו"ר מפשעווארסק שליט"א וועט היינט פארנאכטס אפרעכטן די יארצייט טיש לרגל די הילולא קדישא פון הרה"ק מסאטמאר זי"ע, במעון הנופש אין ניס פראנקרייך, אינאיינעם מיט א קבוצה נדיבי לב וואס זענען געלאדנט געווארן צום רבי'ן אויף שבת, תומכי קרן הבנין צום איבערבוי פון ביהמ"ד הגדול והחדש דחסידי פשעווארסק אין אנטווערפן.
כ"ק אדמו"ר מבוהוש שליט"א וועלכער געפונט זיך אין אונגארן אויף א מסע הקודש מיט די תומכי המוסדות, וועט היינט פוקד זיין דעם ציון הק' פונעם הייליגן ישמח משה זי"ע אין שטאט אוהעל, ביומא דהילולא קדישא פון נכדו ממשיך דרכו הרה"ק מסאטמאר זי"ע צו וועם דער רבי שליט"א האלט זיך אדוק ומקושר.
היינט קומט פאר די מעמד הנחת אבן הפינה פאר די נייע בנין הקהילה והמוסדות סאטמאר אין ירושלים, אויפן שטח הבניה אויף רחוב הושע.
כ"ק אדמו"ר ממודזיץ שליט"א וועט היינט נאכמיטאג אויפטרעטן מיט די דרשת פתיחת הזמן פאר די תלמידי הישיבה, אין היכל ישיבה גדולה נחלת אברהם מודזיץ אין בני ברק.
הגה"צ ר' פנחס חיים גרינוואלד שליט"א אבד"ק פאפא מאנסי בן כ"ק אדמו"ר מפאפא שליט"א, לאזט זיך היינט ארויס אויף א נסיעה צו די מקומות הקדושים אין אייראפע, אינאיינעם מיט די חברי הקהילה כהכנה לקראת די ימים הנוראים.
ניחום אבלים:
צו די פטירה פון הרבנית מווייטצען ע"ה, אשת חבר הגה"צ רבי דוד דוב מייזליש שליט"א אבד"ק ווייטצען וומס"ב, און טאכטער פון כ"ק אדמו"ר הרה"ק רבי דוד משה מקרעטשניף זי"ע, זיצן שבעה די בני המשפחה אין שטוב פונעם איידעם הגה"צ ר' מרדכי אהרן מייזליש שליט"א רב ביהמ"ד איחוד התלמידים ד'סאטמאר אין וויליאמסבורג.
דער ברודער כ"ק אדמו"ר מקרעטשניף שליט"א זיצט שבעה בביתו נאוה קודש אין קרית קרעטשניף רחובות, אזוי אויך זיצט דארט די שוועסטער הרבנית מסאסוב תליט"א, אשת חבר כ"ק אדמו"ר מסאסוב שליט"א.
דער ברודער כ"ק אדמו"ר מפרימישלאן שליט"א זיצט שבעה אין די מיטאג שעות בביתו נאוה קודש אין בני ברק, און שפעטער נאכמיטאג און ביינאכט אינאיינעם מיט אחיו הגדול כ"ק אדמו"ר מקרעטשניף שליט"א אין רחובות.
אריינצושיקן מודעות און נייעס, שיקט אן אימעיל צו NEWS@JDNMAIL.COM
