היינט דאנערשטאג ערב ראש חודש אלול מוקדם, קומען פאר פילע עצרות תפילה בכל רחבי ארץ הקודש, על פי קריאת הקודש פון די גדולי הדור פון אלע שיכטן און קרייזן, איינצורייסן רחמי שמים לביטול רוע הגזירה פון גיוס בני הישיבות, וואס פלאגט אחינו בני ישראל בארץ הקודש. אזוי אויך וועט מען אין די גאנצע וועלט זיך צוזאמנעמען כנהוג אויף אמירת תהלים און תפילת יום כיפור קטן, צום אנהייב פון די ימי הרחמים והרצון.
שמחת בית צאנז: היינט קומט פאר די שמחת הבר מצוה פון א אייניקל ביי כ"ק אדמו"ר מצאנז שליט"א, הב' חיים נ"י זון פונעם רבינ'ס זון הגה"צ ר' יוסף משה דוב האלבערשטאם שליט"א אבד"ק צאנז ארה"ב, איידעם ביי הגה"צ אבד"ק מאקאווא אלעד זצ"ל. – די שמחה קומט פאר אינעם גרויסן זאל היכל רוזנבערג אין קרית צאנז נתני', בעפאר די שמחה וועט מען זאגן ברוב עם תפילת יום כיפור קטן לכבוד ערב ראש אלול מוקדם.
כ"ק אדמו"ר מסקווירא שליט"א קומט היינט אן אויף א געהויבענער באזוך אין די נייע שטעטל "קרית סקווירא" אין בעטהעל ניו יארק, לקראת די ערשטע שבת אין שטעטל וואס דער רבי שליט"א וועט פראווענען אינאיינעם מיט די תושבי הקריה און נדיבי לב, היינט דאנערשטאג וועט דער רבי שליט"א קובע זיין מזוזות בביתו נאוה קודש וואס איז פראכטפול צוגעשטעלט געווארן פארן רבי'ן, אינאיינעם מיט א מעמד קבלת פנים לכבודם פון די נחשונים די תושבי הקריה.
היינט קומט פאר די מעמד ועידת בית חיינו בחצר הקודש אלכסנדר, אין בעפארברייטונג צו די היסטארישע פראיעקט איבערצובויען בנין ביהמ"ד הגדול דחסידי אלכסנדר אין בני ברק. עס קומט פאר אין די ווענישאן זאל אין פתח תקוה, אין שפיץ פון כ"ק אדמו"ר מאלכסנדר שליט"א.
כ"ק אדמו"ר מפאפא שליט"א וועט היינט ארויפגיין צום ציון הק' פון אביו הרה"ק מפאפא זי"ע אויפן בית החיים אין קרית פאפא וועסטשעסטער, און אויסזאגן גאנץ ספר תהלים כנהוג אין ערב ראש חודש אלול, אינאיינעם מיט די תלמידי הישיבה אין קרית פאפא.
לקראת די צווייטע הילולא קדישא פון כ"ק אדמו"ר הרה"ק מראחמיסטריווקא זצ"ל וואס געפאלט דעם קומענדיגן שבת כ"ט אב, וועלן די קינדער כ"ק האדמורי"ם שליט"א ארויפגיין צום ציון הק' היינט דאנערשטאג אויפן בית החיים הר שלום אין מאנסי, אינאיינעם מיט פילע חסידים ואנשי מעשה.
היינט ז"ך אב געפאלט די יומא דהילולא קדישא פון כ"ק אדמו"ר הרה"ק מטאהש זי"ע, פילע אידן קומען אן קיין קרית טאהש קאנאדע צו פוקד זיין דעם ציון הק' בעצם יומא דהילולא קדישא, בנו ממלא מקומו כ"ק אדמו"ר מטאהש שליט"א וועט ארויפגיין צום ציון הק' נאך תפילת שחרית בראש קהל חסידיו, און אויסזאגן גאנץ ספר תהלים כנהוג. דערנאך וועט מען זיך צוזאמנעמען אין ביהמ"ד אויף אמירת יום כיפור קטן און תפילת מנחה, נאכגעפאלגט מיט א מסיבת לחיים ברוב עם. אין פילע בתי מדרשים איבער די וועלט וועט געפראוועט ווערן סעודות הילולא לכבוד די יארצייט.
היינט ז"ך אב געפאלט די יומא דהילולא קדישא פון כ"ק אדמו"ר הרה"ק מספינקא זי"ע, פילע אידן גייען ארויף צום ציון הק' אין ניו דזשערזי להיפקד בדבר ישועה ורחמים.
בנו כ"ק אדמו"ר מבית יצחק ספינקא שליט"א וועט ארויפגיין צום ציון הק' אין די מיטאג שעה'ן, און שפעטער פארנאכטס אפרעכטן די יארצייט טיש בהיכל ביהמ"ד הגדול בית יצחק ספינקא אויף קיעפ סטריט אין וויליאמסבורג.
בנו כ"ק אדמו"ר מתולדות צבי ספינקא שליט"א וועט ארויפגיין צום ציון הק' אין ניו דזשערזי זעקס אזייגער נאכמיטאג, און דערביי אויפטרעטן מיט דברי כיבושין והתעוררות, נאכן מעמד עלי' לציון וועט דער רבי שליט"א אפרעכטן די יארצייט טיש אין א גרויסע זאל אין ניו בראנסוויק ניו דזשערזי, נישט ווייט פונעם ציון הק' אויפן וואשינגטאן סעמעטערי.
היינט ז"ך אב געפאלט די יומא דהילולא קדישא פון הגה"צ אבד"ק טערצאל זצ"ל, חתנו כ"ק אדמו"ר מקאשוי שליט"א וועט אפרעכטן א מסיבת לחיים היינט צופרי נאך שחרית בהיכל הישיבה אין מחנה ברכת שמים קאשוי אין אלסטערהייטס, פארמיטאג וועלן די קינדער הרבנים שליט"א און די איידימער כ"ק אדמו"ר מקאשוי שליט"א און הגה"צ אבד"ק פאיע שליט"א, אנקומען צום ציון הק' אין לאנג איילענד, און דערנאך וועט פארקומען תפילת יום כיפור קטן און די סעודת הילולא אין מאנסי אין ביהמ"ד טערצאל אויף סידער לעין.
ניחום אבלים:
צו די פטירה פון הרבנית מווייטצען ע"ה, אשת חבר הגה"צ רבי דוד דוב מייזליש שליט"א אבד"ק ווייטצען וומס"ב, און טאכטער פון כ"ק אדמו"ר הרה"ק רבי דוד משה מקרעטשניף זי"ע, זיצן שבעה די בני המשפחה אין שטוב פונעם איידעם הגה"צ ר' מרדכי אהרן מייזליש שליט"א רב ביהמ"ד בית מנחם צבי ד'סאטמאר אין וויליאמסבורג.
דער ברודער כ"ק אדמו"ר מקרעטשניף שליט"א זיצט שבעה בביתו נאוה קודש אין קרית קרעטשניף רחובות, אזוי אויך זיצט דארט די שוועסטער הרבנית מסאסוב תליט"א, אשת חבר כ"ק אדמו"ר מסאסוב שליט"א.
דער ברודער כ"ק אדמו"ר מפרימישלאן שליט"א זיצט שבעה אין די מיטאג שעות בביתו נאוה קודש אין בני ברק, און שפעטער נאכמיטאג און ביינאכט אינאיינעם מיט אחיו הגדול כ"ק אדמו"ר מקרעטשניף שליט"א אין רחובות.
אריינצושיקן מודעות און נייעס, שיקט אן אימעיל צו NEWS@JDNMAIL.COM
