שמחת בית סערט וויזניץ – מודזיץ: היינט קומט פאר די שמחת הבר מצוה פון א אייניקל ביי כ"ק אדמו"ר מסערט וויזניץ שליט"א, א זון פון זיין זון הרב יחיאל יהושע האגער שליט"א, איידעם ביי כ"ק אדמו"ר ממודזיץ שליט"א. – די שמחה קומט פאר אין ביהמ"ד הגדול אין רמת וויזניץ חיפה.
היינט קומט פאר די שמחת החתונה פונעם חתן א זון פון הגה"צ ר' דוד צבי שנעעבאלג שליט"א דומ"ץ וויזניץ ירושלים, זון פון הגה"צ בעל שרגא המאיר זצ"ל, און איידעם ביי כ"ק אדמו"ר מדעעש ירושלים זצ"ל, מיט די כלה א טאכטער פון הגה"צ ר' שלום לעמבערגער שליט"א, זון פון הגה"צ אבד"ק מאקאווא ב"ב זצ"ל, און איידעם ביי כ"ק אדמו"ר ממעליץ שליט"א פון אשדוד. – די שמחת החתונה קומט פאר אין זאל אחוזת פרידמאן אין אשדוד.
היינט קומט פאר די היסטארישע מעמד חגיגת חנוכת הקריה אין די נייע סקווירא שטעטל אין בעטהעל ניו יארק, אינאיינעם מיט די מעמד הכנסת ספר תורה וואס ווערט אריינגעגעבן דורך הנגיד החסיד ר' שמואל אברהם ברייער הי"ו, אין שפיץ פון כ"ק אדמו"ר מסקווירא שליט"א.
היינט קומט פאר די מעמד יובל השבעים כינוס הנדיבים בחצר הקודש סאטמאר, פאר די צענדליגע נגידי ותומכי המוסדות צום חנוכת הבית פון די נייע בנין עטרת אברהם מאיר אין מחנה קויפמאן מחנה רב טוב ד'סאטמאר אין אלסטערהייטס, אין שפיץ פון כ"ק אדמו"ר מסאטמאר שליט"א.
היינט קומט פאר בחצר הקודש נדבורנא ירושלים א ספעציעלע התכנסות מבקשי רצונך, אין שפיץ פון כ"ק אדמו"ר מנדבורנא ירושלים שליט"א.
כ"ק אדמו"ר ממודזיץ שליט"א וועט היינט נאכמיטאג אויפטרעטן מיט די דרשת פתיחת הזמן פאר די תלמידי הישיבה, אין היכל ישיבה קטנה נחלת דן מודזיץ אין בני ברק.
היינט קומט פאר די מעמד קביעת מזוזה פאר די נייע בנין פון ישיבה נתיבות התורה אין מאנסי, אין די נייע בנין אויף סאוט מאנסי אין עירמאונט.
כ"ק אדמו"ר מצאנז שליט"א קומט היינט אן קיין עיה"ק צפת, אויפצונעמען דעם ציבור חסידים לקראת די הייליגע טעג הממשמשים ובאים, אין ביהמ"ד צאנז אויף רחוב תרפ"ט אין אלטשטאט צפת.
היינט קומט פאר א ספעציעלע יום שכולו תורה בחצר הקודש צאנז זוועהיל, כהכנה דרבה לקראת חודש אלול די ימי הרחמים והרצון, אין ביהמ"ד הגדול אהל שלמה אין מחנה דברי חיים אין קאניאנגא לעיק.
כ"ק אדמו"ר מתולדות אהרן שליט"א וועלכער האט געוויילט אין לויף פון די זוממער וואכן אין אונגארן, קערט זיך היינט צוריק למעון קדשו אין ירושלים עיה"ק.
כ"ק אדמו"ר מטאהש שליט"א וועט היינט פארנאכטס אפרעכטן שולחנו הטהור לכבוד ראש חודש, אין ביהמ"ד הגדול אין קרית טאהש.
כ"ק אדמו"ר מוויזניץ שליט"א פון מאנסי וועט היינט מיטאג אפרעכטן שולחנו הטהור לכבוד ראש חודש, אין היכל ישיבה גדולה אמרי חיים וויזניץ אין נייעק.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד תורת מרדכי וויזניץ אויף רחוב שמגר אין ירושלים, נדבת הרב החסיד ר' מאיר פרוש הי"ו, אין שפיץ פון כ"ק אדמו"ר מוויזניץ שליט"א פון בית שמש.
אריינצושיקן מודעות און נייעס, שיקט אן אימעיל צו NEWS@JDNMAIL.COM
