כ"ק אדמו"ר מבאבוב שליט"א וועט היינט ב' דראש חודש אלול אנקומען אויף תפילת שחרית אין ביהמ"ד הגדול אין מחנה שלוה ד'באבוב זכרון צבי דוד, נאכן דאווענען אמירת תהלים און תקיעת שופר, וועט דער רבי שליט"א אפרעכטן שולחנו הטהור לכבוד ראש חודש, אין ביהמ"ד פון מחנה כרם שלמה ד'באבוב, קרית משה אין סאוט פאולסבורג.
כ"ק אדמו"ר מבאבוב 45 שליט"א וועט היינט ב' דראש חודש אלול אנקומען אויף תפילת שחרית אינעם גרויסן זאל אין קעמפ העסק, וואס געפונט זיך קעגן איבער מחנה מתיבתא באבוב 45 אין פארקסוויל, נאכן דאווענען אמירת תהלים און תקיעת שופר, וועט דער רבי שליט"א אפרעכטן שולחנו הטהור לכבוד ראש חודש, אין ביהמ"ד פון מחנה מתיבתא באבוב 45 אין פארקסוויל.
שמחת בית סטריקוב: היינט קומט פאר די שמחת החתונה פון א אייניקל ביי כ"ק אדמו"ר מסטריקוב שליט"א, די חתן א זון פון זיין איידעם הגה"צ ר' יחזקאל שלום בלום שליט"א, זון פון הגה"צ ר' בנציון בלום שליט"א דומ"ץ באבוב לאנדאן, מיט די כלה א טאכטער פון הרב יצחק האגער שליט"א, זון פון הגה"צ ר' אביש האגער שליט"א ראש כולל פאפא ירושלים, און איידעם ביי הגה"צ ר' אהרן אלי' פעלדמאן שליט"א, איידעם ביי הרה"ק בעל ברכת משה מסערט וויזניץ זצ"ל. – די שמחת החתונה קומט פאר אין זאל היכלי מלכות אין בני ברק.
שמחת בית ספינקא: היינט קומט פאר די שמחת החתונה פון די חתן א זון פון כ"ק אדמו"ר מספינקא רמת אהרן שליט"א, מיט די כלה א טאכטער פון הרה"ג ר' נחמן ראזנער שליט"א אב"ד ראשית חכמה ירושלים. – די שמחת החתונה קומט פאר אין ביהמ"ד הגדול מאחנובקא בעלזא אין בני ברק.
היינט נאכט ב' אלול געפאלט די יומא דהילולא קדישא פון כ"ק אדמו"ר מזוועהיל זצ"ל, בנו ממלא מקומו כ"ק אדמו"ר מזוועהיל שליט"א וועט אפרעכטן די יארצייט טיש היינט אויפדערנאכט אין ביהמ"ד הגדול זוועהיל אין די בית ישראל געגנט אין ירושלים, און מארגן דינסטאג ארויפגיין צום ציון הק' אויפן הר הזיתים בראש קהל חסידיו.
היינט נאכט ב' אלול געפאלט די יומא דהילולא קדישא פון הרה"ק בעל דמשק אליעזר מוויזניץ זי"ע, פילע אידן וועלן פוקד זיין דעם ציון הק' אויפן הר הזיתים להיפקד בדבר ישועה ורחמים, אין ביהמ"ד הגדול אין קרית וויזניץ בני ברק וועט פארקומען א גרויסע יארצייט סעודה, אין שפיץ פון הגה"צ ר' מנחם ארנסטר שליט"א ראש ישיבת וויזניץ, הגאוה"צ בני כ"ק אדמו"ר מוויזניץ שליט"א, און כ"ק אדמו"ר מסקולען שליט"א פון ירושלים.
כ"ק אדמו"ר מאלעסק שליט"א וועלכער איז אנגעקומען אויף א נסיעה צו די מקומות הקדושים אין אייראפע, לקראת די שמחת החתונה פון א קינד בשעטו"מ, וועט היינט מאנטאג פארטאגס פוקד זיין דעם ציון הק' פון זקינו הרה"ק בעל לב שמח מאלעסק זי"ע, לרגל די הילולא קדישא וואס געפאלט היינט ראש חודש אלול.
כ"ק אדמו"ר מצאנז שליט"א וועט היינט אנקומען צום שטאט חיפה, אויפצונעמען קהל חסידיו מיט קוויטלעך לקראת די הייליגע טעג הממשמשים ובאים, בהיכל בית מדרשו אויף רחוב מיכאל.
כ"ק אדמו"ר מקאליב ארה"ק שליט"א וועט היינט נאכט אויפטרעטן מיט א שמועס לקראת חודש אלול הבעל"ט, אין ביהמ"ד קרעטשניף אין שטאט ביתר.
אריינצושיקן מודעות און נייעס, שיקט אן אימעיל צו NEWS@JDNMAIL.COM
