שמחת בית באיאן: עס איז געשלאסן געווארן די שידוך פון א אייניקל ביי כ"ק אדמו"ר מבאיאן שליט"א, די כלה א טאכטער פון זיין עלטסטן איידעם כ"ק אדמו"ר מזידטשויב שיקאגא שליט"א, מיט די חתן א זון פון הגה"צ ר' נפתלי צבי הורוויץ שליט"א, זון פון הגה"צ ר' יעקב שרגא הורוויץ שליט"א אבד"ק זרע קודש וראש ישיבת בית מאיר, און איידעם ביי הגה"צ ר' יהושע ליבערמאן שליט"א ראש ישיבת שומרי החומות.
שמחת בית צאנז: היינט קומט פאר די שמחת התנאים פון א אייניקל ביי כ"ק אדמו"ר מצאנז שליט"א, די כלה א טאכטער פון זיין זון הגה"צ רבי יוסף משה דוב האלבערשטאם שליט"א אבד"ק צאנז ארה"ב, איידעם ביי הגה"צ אבד"ק מאקאווא אלעד זצ"ל, מיט די חתן מורינו יקותיאל זלמן צבי גליק נ"י, זון פון הרב נפתלי גליק שליט"א פון לאנדאן, זון פון הרה"ג ר' יוסף שלמה גליק שליט"א, און איידעם ביי הגה"צ ר' משה יהודה היילפערין שליט"א אבד"ק בית שמואל ראדאמישלא גאלדערסגרין אין לאנדאן. – די שמחה קומט פאר אינעם היכל המתיבתא אין קרית צאנז נתני'.
שמחת בית פשעווארסק – קאסאן: היינט קומט פאר די שמחת התנאים פונעם חתן א זון פון הגה"צ ר' מאיר יהוסף קלוגהופט שליט"א, זון פון הגה"צ ר' אפרים מרדכי קלוגהופט שליט"א מסטרעליסק, און איידעם ביי הגה"צ ר' משה שמואל ראטטענבערג שליט"א אבד"ק קאסאני וומס"ב, איידעם ביי כ"ק אדמו"ר מפשעווארסק שליט"א, מיט די כלה א טאכטער פון הגה"צ ר' משה שמואל ראטטענבערג שליט"א, זון פון כ"ק אדמו"ר מקאסאן לעיקוואד שליט"א, און איידעם ביי הגה"צ ר' משה יוסף אונגער שליט"א אבד"ק ווייטצען שיקאגא. - די שמחה קומט פאר אין ביהמ"ד חקל ישראל קאסאן אין לעיקוואד.
עס איז געשלאסן געווארן די שידוך פון א אייניקל ביי כ"ק אדמו"ר מפארשעי שליט"א, די חתן א זון פון זיין זון הגה"צ ר' משה שמואל ראטטענבערג שליט"א ראש ישיבת תורת ישראל פארשעי, איידעם ביי הגה"צ ר' מאיר הורוויץ שליט"א אדמו"ר מדזיקוב מאנסי, מיט די כלה א טאכטער פון הגה"צ ר' לוי יצחק גרינבערג שליט"א אבד"ק מיהאלאוויץ לעיקוואד, זון פון הגה"צ אבד"ק פאלייענא שליט"א, און איידעם ביי כ"ק אדמו"ר מווערדאן זצ"ל.
עס איז געשלאסן געווארן די שידוך פונעם חתן א זון פון הגה"צ ר' שאול יחזקאל כהנא שליט"א, זון פון הגה"צ ר' יצחק אייזיק כהנא שליט"א דיין אין די עדה החרדית, און איידעם ביי הגה"צ ר' משה זאב זארגער שליט"א דומ"ץ סאטמאר ירושלים, מיט די כלה א טאכטער פון הגה"צ ר' יואל פאללאק שליט"א דומ"ץ תולדות אהרן לאנדאן, זון פון הגה"צ אבד"ק נאנאש וומס"ב שליט"א, און איידעם ביי הגה"צ ר' בעריש מייזליש שליט"א מווייטצען לאנדאן.
היינט קומט פאר די שמחת הבר מצוה פון א אייניקל ביי כ"ק אדמו"ר ממודזיץ שליט"א, א זון פון זיין זון הגה"צ ר' דוד דוב טאוב שליט"א רב חסידי מודזיץ אין ביתר, איידעם ביי כ"ק אדמו"ר מזוועהיל ירושלים שליט"א. – די שמחה קומט פאר אין ביהמ"ד הגדול מודזיץ אין ב"ב.
היינט קומט פאר די שמחת הברית פון א אייניקל ביי כ"ק אדמו"ר מראחמיסטריווקא שליט"א, בן הנולד ביי זיין יונגסטן זון הרב נחמן יוסף טווערסקי שליט"א, איידעם ביי כ"ק אדמו"ר מזידטשויב חודרוב שליט"א. – די שמחה קומט פאר אין ביהמ"ד הגדול ראחמיסטריווקא אין בארא פארק.
היינט נאכט ה' אלול געפאלט די ערשטע הילולא קדישא פון כ"ק אדמו"ר הרה"ק מסקולען זצ"ל, די צענטראלע יארצייט טיש און סיום הש"ס וועט פארקומען היינט נאכט אין זאל עטרת חי' אין בארא פארק, אין שפיץ פון בניו ממשיכי דרכו כ"ק האדמורי"ם שליט"א, מיט די באטייליגונג פון די ברידער כ"ק האדמורי"ם שליט"א. נאכן יארצייט טיש וועט מען ארויספארן קיין מאנסי צו פוקד זיין דעם ציון הק' אויפן וויזניצע בית החיים, און מארגן ערב שבת קודש וועט פארקומען די מעמד התחלת כתיבת ספר תורה לזכרו הטהור, אין ביהמ"ד סקולען אין בארא פארק.
היינט נאכט ה' אלול געפאלט די יומא דהילולא קדישא פון כ"ק אדמו"ר משומרי אמונים זצ"ל בעל חוקי חיים, די קינדער און אייניקלעך כ"ק האדמורי"ם שליט"א לבית שומרי אמונים וועלן אפרעכטן די יארצייט טישן און פוקד זיין דעם ציון הק' אויפן הר הזיתים.
אין היכל ישיבת שומרי אמונים קומט פאר די יערליכע סיום הש"ס אינאיינעם מיט די סעודת הילולא, אין שפיץ פון הגה"צ ראש ישיבת שומרי אמונים שליט"א נכד בעל ההילולא.
כ"ק אדמו"ר מלעלוב שליט"א וועט היינט אויפדערנאכט אפרעכטן די יארצייט טיש לרגל די יומא דהילולא קדישא פון זקינו הרה"ק רבי דוד צבי שלמה מלעלוב זי"ע, אינעם גרויסן שאטער ביי ביהמ"ד הגדול לעלוב אין בית שמש.
כ"ק אדמו"ר מבאסטאן ביתר שליט"א וועט היינט אויפדערנאכט אפרעכטן די יארצייט טיש לרגל די יומא דהילולא קדישא פונעם פעטער הרה"ק רבי דוד צבי שלמה מלעלוב זי"ע, בבית מדרשו אין ביתר עילית.
כ"ק אדמו"ר מראחמיסטריווקא שליט"א פון אוקענוויין קומט היינט אן קיין בארא פארק, אויפצונעמען דעם ציבור חסידים לקראת די ימי הרחמים והרצון, און לקראת די שמחת החתונה פון בתו הכלה וואס קומט פאר די קומענדיגע וואך, אין שטוב פון הרב החסיד ר' לוי יצחק יאקאב הי"ו משמש ביהמ"ד הגדול ראחמיסטריווקא.
כ"ק אדמו"ר מלעלוב שליט"א איז אנגעקומען צוגאסט קיין ארץ ישראל, לרגל די הילולא קדישא פון זקינו הרה"ק רבי דוד צבי שלמה מלעלוב זי"ע וואס געפאלט היינט נאכט ה' אלול.
היינט קומט פאר די מעמד חגיגת התורה בחצר הקודש סאדיגורא, צום הרחבת גבולי ההוראה מיטן גרינדונג פון די בית הוראה, און דאס אויפנעמען נייע דיינים אין די קהילות הקודש דחסידי סאדיגורא אין ארץ ישראל, די מעמד קומט פאר אין גרויסן סאלאש נעבן ביהמ"ד הגדול סאדיגורא אין בני ברק, אין שפיץ פון כ"ק אדמו"ר מסאדיגורא שליט"א.
היינט קומט פאר א מעמד כבוד התורה אינערהאלב כולל תולדות יעקב יוסף דחסידי סקווירא אין בית שמש, סיום הלכות שבת וואס איז געלערנט געווארן ברוב עמל ויגיעה דורך די חברי ורבני הכולל, עס קומט פאר אין זאל בית האלה נעבן בית שמש.
ניחום אבלים:
צו די פטירה פון כ"ק אדמו"ר מקרעטשניף סיגעט זצ"ל, זיצן שבעה די קינדער האדמורי"ם שליט"א און די בני המשפחה, אין ביהמ"ד קרעטשניף סיגעט אויף רחוב ראפאפורט אין ירושלים.
כ"ק אדמו"ר מקרעטשניף שליט"א פון ירושלים זיצט שבעה בבית מדרשו אויף רחוב אבינועם ילין אין ירושלים.
אריינצושיקן מודעות און נייעס, שיקט אן אימעיל צו NEWS@JDNMAIL.COM
