מיט צער און טרויער איז אנגעקומען די שווערע בשורה איבער די פטירה פון הרבנית בת קדושים, מרת בלומא רויזא הורוויץ ע"ה, אשת חבר הגה"צ ר' אלטר אליעזר הורוויץ שליט"א אבד"ק אגודת ישראל זכרון משה אין בארא פארק, וועלכער איז די נאכט נפטר געווארן אין עלטער פון זיבן און זיבעציג יאר.
די רעבעצין ע"ה איז געווען די עלטסטע טאכטער פון הגה"צ רבי אהרן ארי' כ"ץ זצ"ל אבד"ק בית אהרן אין פלעטבוש, און אן אייניקל פון כ"ק אדמו"ר הרה"ק רבי אלעזר מפאלטישאן זצ"ל בעל פקודת אלעזר, פון וואו זי האט געצויגן א הערליכע יחוס צו די הייליגע צדיקים לבית טשערנאביל, סקווירא, בעלזא, ראפשיץ, און נאך פיל.
די לוויה קומט פאר היינט נאכמיטאג איינס אזייגער ביי שומרי הדת אין בארא פארק, און זי וועט קומען לקבורה אויפן בית החיים אין ניו דזשערזי.
די רעבעצין ע"ה לאזט איבער איר חשובער מאן דער רב שליט"א, א הערליכע דור פון חשובע קינדער און אייניקלעך, די זיהן הגה"צ ר' נפתלי צבי הורוויץ שליט"א, איידעם ביי הגה"צ ר' חיים פייוויל שנעעבאלג שליט"א אבד"ק קהל אברכים מאנסי, הגה"צ ר' מרדכי אברהם שליט"א, און הגה"צ ר' ישראל יוסף שליט"א, און דער איידעם הגה"צ ר' חיים בנציון פרישוואסער שליט"א.
אויך האט זי פאראבל'ט אירע חשובע געשוויסטער, די ברידער הרבנים הגאונים הצדיקים, הגה"צ רבי דוד שלמה כ"ץ שליט"א אבד"ק בית אהרן פלעטבוש, הגה"צ רבי מאיר כ"ץ שליט"א ראש כולל ש"ס אין רמת וויזניץ חיפה, הגה"צ רבי יהושע כ"ץ שליט"א אבד"ק מאגרוב, הגה"צ רבי יונתן בנימין כ"ץ שליט"א אבד"ק פאלטישאן סקווירא פלעטבוש, די שוועסטערס הרבנית מחוסט תליט"א, אשת חבר כ"ק אדמו"ר מחוסט שליט"א פון בארא פארק, און אשת הגה"צ ר' אברהם מרדכי רובין שליט"א.
