היינט קומט פאר די מעמד התחלת כתיבת ספר תורה לזכר נשמתו פון כ"ק אדמו"ר הרה"ק מסקולען זצ"ל, לרגל די ערשטע הילולא קדישא וואס געפאלט היינט ה' אלול, די מעמד קומט פאר אין ביהמ"ד סקולען אין בארא פארק, אין שפיץ פון כ"ק אדמו"ר מסקולען שליט"א.
היינט קומט פאר בחצר הקודש באיאן א ספעציעלע מעמד פאר די בחורי החסידות, וואו די בחורים וועלן האבן די זכיה אריבערצוגיין ביים רבי'ן זיך וואונטשן לקראת די ימי הרחמים והרצון, נאך תפילת שחרית און אמירת תהלים וועט כ"ק אדמו"ר מבאיאן שליט"א משמיע זיין דברות קודש פאר די בחורי חמד.
כ"ק אדמו"ר מסאטמאר שליט"א איז צוגאסט אויף דעם שבת אין די ארמון האטעל אין סטעמפארד קאנעקטיקוט, אויף א גרויסארטיגע שבת התאחדות מיט תלמידי וחסידי סאטמאר אין מאנסי, ביומא דהילולא קדישא פונעם זיידן הרה"ק בעל ייטב לב מסיגוט זי"ע. מוצאי שבת וועט פארקומען די מעמד התחלת כתיבת ספר תורה פאר די ספר תורה וואס ווערט געשריבן דורך כלל חסידי סאטמאר אין מאנסי, לכבודו ולזכותו פון כ"ק אדמו"ר מסאטמאר שליט"א.
דעם שבת וועלן כ"ק האחים האדמורי"ם מקרעטשניף סיגעט שליט"א פראווענען דעם ערשטן שבת נאכן איבערנעמען די כתר האדמורו"ת, אין די גרויסע שאטער ביי ביהמ"ד פינסק קארלין אין די בית ישראל געגנט אין ירושלים.
כ"ק אדמו"ר מדושינסקיא שליט"א איז צוגאסט אויף דעם שבת אין סיגעיט, בבית חותנו הגה"צ גאב"ד סיגעיט זצ"ל, די תפילות און טישן קומען פאר אין ביהמ"ד קהל יראים.
כ"ק אדמו"ר מלעלוב שליט"א וועלכער איז צוגאסט די טעג אין ארץ ישראל בקרב חסידיו, וועט פראווענען דעם שבת אין אלטשטאט ירושלים, בבית מדרשו אויף רחוב ביכורים.
כ"ק אדמו"ר מבוטושאן שליט"א פון ב"פ איז צוגאסט אויף דעם שבת אין בני ברק, בבית גיסו הרב מרדכי זאב בלוי שליט"א.
שמחת בית סקווירא – וויזניץ – ראחמיסטריווקא – קאלוב: דעם שבת קומט פאר די שמחת האויפרוף פונעם חתן דאפלטע אור אייניקל פון כ"ק אדמו"ר מסקווירא שליט"א, א זון פון הרב יעקב יוסף טווערסקי שליט"א, זון פון בנו הגדול הגה"צ ר' אהרן מענדיל טווערסקי שליט"א, און איידעם ביי זיין זון הגה"צ ר' יצחק טווערסקי שליט"א, איידעם ביי כ"ק אדמו"ר מוויזניץ שליט"א, מיט די כלה א טאכטער פון כ"ק אדמו"ר מראחמיסטריווקא שליט"א פון אוקענוויין, איידעם ביי כ"ק אדמו"ר מקאלוב שליט"א. – די שמחה קומט פאר אין ביהמ"ד הגדול אין שיכון סקווירא.
שמחת בית ראחמיסטריווקא – סוליצא – טשערקאס: דעם שבת קומט פאר די שמחת האויפרוף פון א אייניקל ביי כ"ק אדמו"ר מראחמיסטריווקא שליט"א פון לעיקוואד, די חתן א זון פון זיין איידעם הגה"צ ר' איתמר מרדכי דוד רובין שליט"א, זון פון כ"ק אדמו"ר מסוליצא שליט"א פון פאראקאוועי, מיט די כלה א טאכטער פון הגה"צ ר' מרדכי דוב בעק שליט"א אב"ד טאלמיטש, זון פון כ"ק אדמו"ר מטשערקאס שליט"א, און איידעם ביי כ"ק אדמו"ר מסקולען זצ"ל. – די שמחת האויפרוף קומט פאר אין ביהמ"ד סוליצא אין פאראקאוועי. דער זיידע כ"ק אדמו"ר מראחמיסטריווקא שליט"א פון לעיקוואד איז צוגאסט אויף שבת אין פאראקאוועי לכבוד די שמחה.
שמחת בית בוהוש – מאקאווא: דעם שבת קומט פאר די שמחת האויפרוף פון חתן כלה אייניקלעך פון כ"ק אדמו"ר מבוהוש שליט"א, די חתן א זון פון בנו הגדול הגה"צ ר' משה יהודה פריעדמאן שליט"א, איידעם ביי כ"ק הגה"צ גאב"ד מאקאווא שליט"א, מיט די כלה א טאכטער ביים רבינ'ס איידעם הגה"צ ר' משה נתן נטע לעמבערגער שליט"א, זון פון הגה"צ אבד"ק מאקאווא ב"ב זצ"ל. – די שמחת האויפרוף קומט פאר אין ביהמ"ד בוהוש אין בני ברק. דער זיידע כ"ק גאב"ד מאקאווא שליט"א איז צוגאסט אויף שבת אין בני ברק לכבוד די שמחה.
שמחת בית סאסוב – קוסוב וויזניץ: דעם שבת קומט פאר די שמחת האויפרוף פונעם חתן א זון פון הרב ישראל קארנרייך שליט"א, זון פון כ"ק אדמו"ר מקוסוב וויזניץ שליט"א, און איידעם ביי כ"ק אדמו"ר מסאסוב שליט"א, מיט די כלה א טאכטער פון הרב שלמה ראזענפעלד שליט"א, זון פון כ"ק אדמו"ר מקארלין לעלוב זצ"ל, און איידעם ביי הגה"צ ר' אליהו זאלמענאוויטש זצ"ל, איידעם ביי כ"ק אדמו"ר מגארליץ זצ"ל. – די שמחת האויפרוף קומט פאר אין ביהמ"ד קוסוב וויזניץ אין בית שמש. דער זיידע כ"ק אדמו"ר מסאסוב שליט"א איז צוגאסט אויף שבת אין בית שמש לכבוד די שמחה.
שמחת בית שומרי אמונים: דעם שבת קומט פאר די שמחת האויפרוף פונעם חתן א זון פון כ"ק אדמו"ר משומרי אמונים שליט"א פון בני ברק, איידעם ביי הגה"צ ר' יהודה יחיאל שיינפעלד שליט"א מטאלטשאווא, מיט די כלה א טאכטער פון כ"ק אדמו"ר משומרי אמונים שליט"א פון ירושלים, איידעם ביי כ"ק אדמו"ר מהאלמין שליט"א. – די שמחת האויפרוף קומט פאר אין ביהמ"ד שומרי אמונים אין בני ברק.
שמחת בית ביאלא בית שמש: דעם שבת קומט פאר די שמחת האויפרוף פונעם חתן א זון פון כ"ק אדמו"ר מביאלא בית שמש שליט"א, מיט די כלה א טאכטער פון הגה"צ ר' אהרן וואזנער שליט"א, זון פון הגה"צ גאב"ד זכרון מאיר זצ"ל בעל מחשבת הלוי, און איידעם ביי הגה"צ גאב"ד לאנדאן שליט"א. – די שמחת האויפרוף קומט פאר אין מושב הר שמואל.
דעם שבת קומט פאר די שמחת האויפרוף פונעם חתן א זון פון הגה"צ ר' אליעזר שמעון הורוויץ שליט"א אבד"ק דזיקוב ב"פ, איידעם ביי הגה"צ אבד"ק באבוב 45 שליט"א, מיט די כלה א טאכטער פון הגה"צ ר' אלטר זאב פרענקל שליט"א, זון פון כ"ק אדמו"ר מוויעליפאלי שליט"א, און איידעם ביי הגה"צ ר' אלישע סעקולא שליט"א אבד"ק סאדאוונא, איידעם ביי כ"ק אדמו"ר מסטריזוב שליט"א. – די שמחת האויפרוף קומט פאר אין ביהמ"ד עטרת ישועה דזיקוב אין בארא פארק.
דעם שבת קומט פאר די שמחת האויפרוף פונעם חתן א זון פון הגה"צ ר' שלמה פריעדמאן שליט"א, זון פון הגה"צ ראב"ד סאטמאר זצ"ל, און איידעם ביי הגה"צ ר' ליפא טייטלבוים שליט"א אבד"ק בית אהרן, מיט די כלה א אייניקל ביי כ"ק אדמו"ר מפאפא שליט"א, א טאכטער פון זיין איידעם הגה"צ ר' אהרן כ"ץ שליט"א אבד"ק תולדות אהרן וומס"ב. – די שמחה קומט פאר אין ביהמ"ד בית אהרן אין וויליאמסבורג.
דעם שבת קומט פאר די שמחת האויפרוף פון א אייניקל ביי כ"ק אדמו"ר מקאסאן לאנדאן שליט"א, די חתן א זון פון זיין איידעם הגה"צ ר' יוסף טובי' האניג שליט"א, זון פון הגה"צ ר' יעקב האניג שליט"א מקאזעווע, מיט די כלה א טאכטער פון כ"ק אדמו"ר מראדוויל שליט"א פון בארא פארק, איידעם ביי כ"ק אדמו"ר מטשערנאביל שליט"א. – די שמחת האויפרוף קומט פאר אין ביהמ"ד עדות לישראל קאסאן אין לאנדאן.
דעם שבת קומט פאר די שמחת האויפרוף פון א אייניקל ביי כ"ק אדמו"ר מנדבורנא באניא שליט"א, די חתן א זון פון זיין זון הגה"צ ר' שלמה זלמן לייפער שליט"א אב"ד קהל חסידים אין רמה ד' בית שמש, איידעם ביי הגה"צ אבד"ק סערדאהעלי בית שמש שליט"א, מיט די כלה א טאכטער פון הגה"צ ר' יצחק יוסף בריסק שליט"א, זון פון הגה"צ גאב"ד טשעקא זצ"ל. – די שמחת האויפרוף קומט פאר אין ביהמ"ד קהל חסידים אין רמה ד' בית שמש. דער זיידע כ"ק אדמו"ר מנדבורנא באניא שליט"א איז צוגאסט אויף שבת אין רמה ד' בית שמש לכבוד די שמחה.
דעם שבת קומט פאר די שמחת האויפרוף פונעם חתן א זון פון הגה"צ ר' זלמן שווארץ שליט"א ראה"כ וויזניץ ב"פ, זון פון הגה"צ ר' אברהם יונה שווארץ שליט"א גאב"ד וויען עסטרייך, און איידעם ביי הגה"צ גאב"ד טענקא שליט"א, מיט די כלה א טאכטער פון הרב יוסף יעקב ניישלאס שליט"א, זון פון הגה"צ אבד"ק ברעזנא שליט"א, און איידעם ביי כ"ק אדמו"ר מגאלאנטא שליט"א. – די שמחת האויפרוף קומט פאר אין ביהמ"ד טענקא אין בארא פארק.
שמחת בית ספינקא: דעם שבת קומט פאר די שמחת השבע ברכות פון די חתן א זון פון כ"ק אדמו"ר מספינקא רמת אהרן שליט"א, מיט די כלה א טאכטער פון הרה"ג ר' נחמן ראזנער שליט"א אב"ד ראשית חכמה ירושלים. – די שמחת השבע ברכות קומט פאר אין ספינקא בית המדרש אין די רמת אהרן געגנט אין בני ברק.
דעם שבת קומט פאר די שמחת השבע ברכות פונעם חתן א זון פון הגה"צ ר' דוד צבי שנעעבאלג שליט"א דומ"ץ וויזניץ ירושלים, זון פון הגה"צ בעל שרגא המאיר זצ"ל, און איידעם ביי כ"ק אדמו"ר מדעעש ירושלים זצ"ל, מיט די כלה א טאכטער פון הגה"צ ר' שלום לעמבערגער שליט"א, זון פון הגה"צ אבד"ק מאקאווא ב"ב זצ"ל, און איידעם ביי כ"ק אדמו"ר ממעליץ שליט"א פון אשדוד. – די שמחת השבע ברכות קומט פאר אין ביהמ"ד מעליץ אין אשדוד.
שמחת בית דאראג: עס איז געשלאסן געווארן די שידוך פון א אייניקל ביי כ"ק אדמו"ר מדאראג שליט"א, די כלה א טאכטער פון זיין איידעם הגה"צ ר' יעקב ארי' קאסטעליץ שליט"א, זון פון הגה"צ ר' נתנאל יצחק קאסטעליץ שליט"א אבד"ק מחזיקי תורה באלטימאר, מיט די חתן א זון פון הרב יוסף יודא קרויס שליט"א מחשובי חסידי דאראג, איידעם ביי הרה"ג ר' משה פארקאש שליט"א מח"ס עקידת משה.
דעם שבת קומט פאר די שמחת הקידושא רבא פון א אור אייניקל ביי כ"ק אדמו"ר מפאפא שליט"א, אייניקל פון בנו הגדול הגה"צ ר' מאיר גרינוואלד שליט"א דומ"ץ פאפא, א טאכטער פון זיין איידעם הרב שלמה פריעדמאן שליט"א, זון פון הגה"צ אבד"ק ברעזאן שליט"א, זון פון הגה"צ אבד"ק אולם שליט"א, און איידעם ביי הגה"צ אבד"ק זאליזשא שליט"א. – די שמחה קומט פאר אין ביהמ"ד הגדול פאפא אין וויליאמסבורג.
דעם שבת קומט פאר די שמחת השלום זכר פונעם ערשטן אור אייניקל ביי כ"ק אדמו"ר משאץ שליט"א פון, אייניקל פון בנו הגדול הגה"צ ר' ישראל מאסקאוויטש שליט"א ראש ישיבת אמרי חיים וויזניץ אין נייעק, איידעם ביי כ"ק אדמו"ר מוויזניץ שליט"א פון ירושלים, בן הנולד ביי זיין איידעם הרב פנחס טירנויער שליט"א, זון פון הגה"צ ר' חיים טירנויער שליט"א ר"ם בישיבת ווילרייק, זון פון הגה"צ רבי יצחק אייזיק טירנויער שליט"א אבד"ק שומרי שבת, און איידעם ביי הגה"צ ר' חיים יוסף דוד ווייס שליט"א דומ"ץ סאטמאר אנטווערפן. – די שמחה קומט פאר אין ביהמ"ד דעת שלום שאץ אין מאנסי.
אריינצושיקן מודעות און נייעס, שיקט אן אימעיל צו NEWS@JDNMAIL.COM
