שמחת בית שומרי אמונים: היינט קומט פאר די שמחת החתונה פונעם חתן א זון פון כ"ק אדמו"ר משומרי אמונים שליט"א פון בני ברק, איידעם ביי הגה"צ ר' יהודה יחיאל שיינפעלד שליט"א מטאלטשאווא, מיט די כלה א טאכטער פון כ"ק אדמו"ר משומרי אמונים שליט"א פון ירושלים, איידעם ביי כ"ק אדמו"ר מהאלמין שליט"א. – די שמחת החתונה קומט פאר אין ביהמ"ד הגדול מאחנובקא בעלזא אין בני ברק.
היינט קומט פאר די שמחת החתונה פונעם חתן א זון פון הגה"צ ר' יוסף כ"ץ שליט"א אבד"ק דושינסקיא וומס"ב, איידעם ביי כ"ק אדמו"ר מחוסט שליט"א פון ב"פ, מיט די כלה א טאכטער פון הגה"צ ר' ישעי' יחיאל אלטר לאבין שליט"א, זון פון כ"ק אדמו"ר מבאלחוב שליט"א, און איידעם ביי כ"ק אדמו"ר מבורשטין שליט"א. – די שמחת החתונה קומט פאר אין זאל כתר ריזל אין וויליאמסבורג.
היינט קומט פאר די שמחת החתונה פונעם חתן א זון פון הגה"צ ר' אליעזר שמעון הורוויץ שליט"א אבד"ק דזיקוב ב"פ, איידעם ביי הגה"צ אבד"ק באבוב 45 שליט"א, מיט די כלה א טאכטער פון הגה"צ ר' אלטר זאב פרענקל שליט"א, זון פון כ"ק אדמו"ר מוויעליפאלי שליט"א, און איידעם ביי הגה"צ ר' אלישע סעקולא שליט"א אבד"ק סאדאוונא, איידעם ביי כ"ק אדמו"ר מסטריזוב שליט"א. – די שמחת החתונה קומט פאר אין זאל עטרת גאלדא אין בארא פארק.
היינט קומט פאר די שמחת החתונה פון א אור אייניקל ביי כ"ק אדמו"ר מספינקא אנטווערפן שליט"א, אייניקל פון זיין זון הגה"צ ר' נפתלי אלימלך כהנא שליט"א, די חתן א זון פון הגה"צ ר' אברהם מנחם שפיגל שליט"א אב"ד ראוונא, איידעם ביי כ"ק אדמו"ר מקארלסבורג מאנטריאל שליט"א, מיט די כלה א טאכטער פון הרב יעקב לייב וויינגארטן שליט"א. – די שמחת החתונה קומט פאר אין זאל ויואל משה אין וויליאמסבורג. – דער עלטער זיידע כ"ק אדמו"ר מספינקא אנטווערפן שליט"א איז אנגעקומען צוגאסט קיין ניו יארק לכבוד די שמחה.
היינט קומט פאר די שמחת החתונה פון א אייניקל ביי כ"ק אדמו"ר מנדבורנא באניא שליט"א, די חתן א זון פון זיין זון הגה"צ ר' שלמה זלמן לייפער שליט"א אב"ד קהל חסידים אין רמה ד' בית שמש, איידעם ביי הגה"צ אבד"ק סערדאהעלי בית שמש שליט"א, מיט די כלה א טאכטער פון הגה"צ ר' יצחק יוסף בריסק שליט"א, זון פון הגה"צ גאב"ד טשעקא זצ"ל. – די שמחת החתונה קומט פאר אין זאל היכלי מלכות אין בני ברק.
שמחת בית קרעטשניף – אודווארי – דעעש: היינט קומט פאר די שמחת התנאים פון א אייניקל ביי כ"ק אדמו"ר מקרעטשניף שליט"א פון י"ם, די חתן א זון פון זיין זון הגה"צ ר' מאיר איתמר ראזענבוים שליט"א, איידעם ביי הגה"צ אבד"ק אודווארי שליט"א, מיט די כלה א טאכטער פון הגה"צ ר' משה פאנעט שליט"א אבד"ק דעעש לעיקוואד, איידעם ביי הגה"צ ר' מרדכי בצלאל קליין שליט"א אבד"ק סאטמאר לעיקוואד. – די שמחה קומט פאר אין זאל פון ת"ת מסורת אבות אין לעיקוואד.
היינט קומט פאר די שמחת הבר מצוה פון הב' יעקב אשר קאפף נ"י, זון פון כ"ק אדמו"ר מלעלוב בראנוביץ שליט"א, איידעם ביי כ"ק אדמו"ר מלעלוב ירושלים זצ"ל. – די שמחה קומט פאר אין ביהמ"ד לעלוב בראנוביץ אויף רחוב רבינו גרשום אין ירושלים.
עס איז געשלאסן געווארן די שידוך פונעם חתן א זון פון הגה"צ ר' יואל זוסמאן מערץ שליט"א, זון פון כ"ק אדמו"ר מתולעת יעקב זצ"ל, און איידעם ביי כ"ק אדמו"ר מספינקא קרית יואל זצ"ל, מיט די כלה א טאכטער פון הגה"צ ר' אלטר יעקב יצחק טייטלבוים שליט"א, זון פון הגה"צ ר' לייבוש טייטלבוים זצ"ל דומ"ץ ויואל משה ד'סאטמאר אין וומס"ב, און איידעם ביי כ"ק אדמו"ר מבורשטין שליט"א.
היינט קומט פאר די שמחת הברית פונעם ערשטן אור אייניקל ביי כ"ק אדמו"ר משאץ שליט"א פון מאנסי, אייניקל פון בנו הגדול הגה"צ ר' ישראל מאסקאוויטש שליט"א ראש ישיבת אמרי חיים וויזניץ אין נייעק, איידעם ביי כ"ק אדמו"ר מוויזניץ שליט"א פון ירושלים, בן הנולד ביי זיין איידעם הרב פנחס טירנויער שליט"א, זון פון הגה"צ ר' חיים טירנויער שליט"א ר"ם בישיבת ווילרייק, זון פון הגה"צ רבי יצחק אייזיק טירנויער שליט"א אבד"ק שומרי שבת, און איידעם ביי הגה"צ ר' חיים יוסף דוד ווייס שליט"א דומ"ץ סאטמאר אנטווערפן. – די שמחה קומט פאר אין ביהמ"ד דעת שלום שאץ אין מאנסי.
היינט קומט פאר די שמחת הברית פון א אייניקל ביי כ"ק אדמו"ר מקרעטשניף קרית גת שליט"א, בן הנולד ביי זיין איידעם הרב חיים שלום דייטש שליט"א, זון פון הגה"צ ר' מתתיהו דייטש שליט"א גאב"ד רמת שלמה. – די שמחה קומט פאר אין ביהמ"ד קרעטשניף אין קרית גת.
כ"ק אדמו"ר מוויזניץ שליט"א פון ירושלים קומט היינט אן קיין מאנסי, אויפצונעמען דעם ציבור חסידים לקראת די הייליגע טעג הממשמשים ובאים, און לקראת די שמחת החתונה פון א אייניקל וואס קומט פאר די קומענדיגע וואך.
כ"ק אדמו"ר מאלכסנדר שליט"א קומט היינט אן קיין מודיעין עילית, אויפצונעמען דעם ציבור חסידים לקראת די הייליגע טעג הממשמשים ובאים.
כ"ק אדמו"ר ממודזיץ שליט"א קומט היינט אן קיין פתח תקוה, אויפצונעמען דעם ציבור חסידים לקראת די הייליגע טעג הממשמשים ובאים.
כ"ק אדמו"ר מתולדות מרדכי שליט"א קומט היינט אן קיין מאנסי, אויפצונעמען דעם ציבור חסידים לקראת די הייליגע טעג הממשמשים ובאים, אין שטוב פון הרב החסיד ר' דוד אליעזר וויינגארטן הי"ו.
ניחום אבלים:
כ"ק אדמו"ר מוויזניץ שליט"א פון קייאמישע זיצט שבעה אינאיינעם מיט די בני המשפחה צו די פטירה פון מחברתו הטהורה הרבנית הצדיקת ע"ה, היינט דינסטאג אין מאנסי אין שטוב פון הנגיד החסיד ר' יודא יואל ראזענפעלד הי"ו, און פון מארגן בביתו נאוה קודש אין קרית וויזניץ קייאמישע לעיק.
די ברידער כ"ק האדמורי"ם מראחמיסטריווקא, ראחמיסטריווקא פון לעיקוואד, און ראחמיסטריווקא פון וומס"ב שליט"א, זיצן שבעה דורכאויס אלע ימי השבעה בביתו נאוה קודש פונעם פאטער הרה"ק מראחמיסטריווקא זי"ע, אויף די פינף און פערציגסטע גאס אין בארא פארק.
כ"ק אדמו"ר מראחמיסטריווקא שליט"א פון מאנסי זיצט שבעה היינט דינסטאג בבית האבלים אין מאנסי, אינאיינעם מיטן שוואגער דער וויזניצער רבי, מיטוואך און דאנערשטאג אינאיינעם מיט די ברידער אין בארא פארק, און דערנאך בביתו נאוה קודש אין מאנסי.
אריינצושיקן מודעות און נייעס, שיקט אן אימעיל צו NEWS@JDNMAIL.COM
