שמחת בית וויזניץ – דעעש – ראדאמישלא: היינט קומט פאר די שמחת החתונה פון א אייניקל ביי כ"ק אדמו"ר מוויזניץ שליט"א פון ירושלים, די חתן א זון פון זיין זון הרב חיים מאיר האגער שליט"א, איידעם ביי כ"ק אדמו"ר מטעמעשוואר ב"פ זצ"ל, מיט די כלה א טאכטער פון הרב יהושע העשיל היילפערין שליט"א, זון פון הגה"צ אבד"ק ראדאמישלא ב"פ שליט"א, און א איידעם ביי כ"ק אדמו"ר מדעעש וומס"ב שליט"א. – די שמחת החתונה קומט פאר אין עטרת גאלדא זאל אין בארא פארק.
שמחת בית סקאליע: היינט קומט פאר די שמחת החתונה פון א אייניקל ביי כ"ק אדמו"ר מסקאליע שליט"א, די כלה א טאכטער פון זיין איידעם הגה"צ ר' יוסף פאללאק שליט"א ראה"כ צאנז בארא פארק, זון פון הגה"צ אבד"ק בראשוב שליט"א, מיט די חתן א זון פון הרב מרדכי גיפס שליט"א, איידעם ביי הגה"צ ר' אהרן דוד טווערסקי שליט"א מהארנסטייפל. – די שמחת החתונה קומט פאר אין עטרת חינקא זאל אין בארא פארק.
היינט קומט פאר די שמחת החתונה פונעם חתן א זון פון הרב יעקב שמעון שלאגער שליט"א, זון פון הגה"צ ר' יחיאל מיכל שלאגער שליט"א אבד"ק ספינקא לאנדאן, און איידעם ביי הגה"צ ר' הערשל כהנא שליט"א רב ביהמ"ד בית יעקב יצחק, זון פון כ"ק אדמו"ר מספינקא אנטווערפן שליט"א, און איידעם ביי הגה"צ גאב"ד פאלטישאן זצ"ל, מיט די כלה א טאכטער פון הגה"צ ר' יצחק אייזיק פיש שליט"א, זון פון כ"ק אדמו"ר מהאדאס שליט"א, און איידעם ביי הגה"צ ר' יודא אליעזר יונגער שליט"א אב"ד קהל יראים מאנסי. – די שמחת החתונה קומט פאר אין זאל תפארת עלקא אין מאנסי.
שמחת בית סקווירא – זוועהיל – ראחמיסטריווקא: היינט קומט פאר די שמחת האירוסין פון א אור אייניקל ביי כ"ק אדמו"ר מסקווירא שליט"א, עלטסטע אייניקל פון כ"ק אדמו"ר מזוועהיל ארה"ב שליט"א, די חתן א זון פון זיין זון הגה"צ ר' פנחס אהרן גאלדמאן שליט"א, איידעם ביי הגה"צ אבד"ק אוהעל מאנסי שליט"א, מיט די כלה א טאכטער פון הגה"צ ר' מנחם נחום טווערסקי שליט"א, זון פון הגה"צ ר' יהושע העשיל טווערסקי זצ"ל מראחמיסטריווקא, און איידעם ביי כ"ק אדמו"ר מראחמיסטריווקא זצ"ל. – די שמחה קומט פאר אין ביהמ"ד הגדול אין שיכון סקווירא.
שמחת בית ראחמיסטריווקא: היינט קומט פאר די לעצטע שמחת השבע ברכות פון א אייניקל ביי כ"ק אדמו"ר מראחמיסטריווקא שליט"א פון לעיקוואד, די חתן א זון פון זיין איידעם הגה"צ ר' איתמר מרדכי דוד רובין שליט"א, זון פון כ"ק אדמו"ר מסוליצא שליט"א פון פאראקאוועי, מיט די כלה א טאכטער פון הגה"צ ר' מרדכי דוב בעק שליט"א אב"ד טאלמיטש, זון פון כ"ק אדמו"ר מטשערקאס שליט"א, און איידעם ביי כ"ק אדמו"ר מסקולען זצ"ל. – די שמחת השבע ברכות קומט פאר אין ראחמיסטריווקא בית המדרש אין לעיקוואד.
עס איז געשלאסן געווארן די שידוך פונעם חתן א זון פון הגה"צ ר' שמואל הערש בלום שליט"א, זון פון כ"ק אדמו"ר מתולדות רפאל קאשוי שליט"א, און איידעם ביי הגה"צ אבד"ק שארמאש זצ"ל, מיט די כלה א טאכטער פון הגה"צ ר' חיים בער פישער שליט"א, זון פון הגה"צ ר' אלי' מרדכי פישער שליט"א ממאטערסדארף, און איידעם ביי הגה"צ ר' יעקב בער שפיטץ שליט"א מביסטריץ.
היינט קומט פאר די מעמד ושכנתי בתוכו בחצר הקודש באבוב 45, אין בעפארברייטונג צו די פתיחת שערים פון די נייע ביהמ"ד הגדול והחדש לקראת די ימים הנוראים הבעל"ט, די מעמד קומט פאר אינעם ביז יעצטיגן בנין ביהמ"ד אויף די פופצנטע עוועניו.
כ"ק אדמו"ר מצאנז שליט"א קומט היינט אן ירושלים עיה"ק, אויפצונעמען דעם ציבור חסידים לקראת די הייליגע טעג הממשמשים ובאים, בבית מדרשו אויף רחוב דברי חיים.
כ"ק אדמו"ר מוויזניץ שליט"א פון קייאמישע קומט היינט אן קיין בארא פארק, אויפצונעמען די חסידים לקראת די הייליגע טעג הממשמשים ובאים.
כ"ק אדמו"ר ממודזיץ שליט"א קומט היינט אן קיין מודיעין עילית, אויפצונעמען די חסידים לקראת די הייליגע טעג הממשמשים ובאים, בבית מדרשו אויף רחוב רשב"י.
כ"ק אדמו"ר מאלכסנדר שליט"א וועלכער איז אנגעקומען צוגאסט קיין ארץ ישראל בקרב חסידיו, וועט היינט אויפנעמען די חסידים אין שטאט אשדוד, לקראת די הייליגע טעג הממשמשים ובאים.
כ"ק אדמו"ר מסאסוב שליט"א קומט היינט אן קיין בית שמש אויפצונעמען די חסידים לקראת די הייליגע טעג, אין שטוב פון הרב יחזקאל שרגא ברעכער הי"ו.
כ"ק אדמו"ר מביאלא בני ברק שליט"א קומט היינט אן קיין ביתר אויפצונעמען די חסידים לקראת די הייליגע טעג, בבית מדרשו אויף רחוב הרב שך.
אריינצושיקן מודעות און נייעס, שיקט אן אימעיל צו NEWS@JDNMAIL.COM
