שמחת בית קוידינוב – נאראל: היינט קומט פאר די שמחת החתונה פונעם חתן א זון פון כ"ק אדמו"ר מקוידינוב שליט"א, איידעם ביי כ"ק אדמו"ר מנאראל שליט"א, מיט די כלה א טאכטער פון הרב דניאל שטערן שליט"א, זון פון הגה"צ ר' שמואל אליעזר שטערן שליט"א גאב"ד מערב ב"ב, און איידעם ביי הגה"צ ר' יעקב שמשון יאקאבאוויטש שליט"א מגארליץ. – די שמחת החתונה קומט פאר אין זאל היכלי הפאר אין בני ברק.
היינט קומט פאר די שמחת החתונה פונעם חתן א זון פון הרב יעקב יוסף שטערן שליט"א ראש ישיבה קטנה וויזניץ לאנדאן, מיט די כלה א טאכטער פון הגה"צ ר' ישראל יוסף מייזליש שליט"א רב דקהל חברה ש"ס אין די טאטענהעם געגנט אין לאנדאן, איידעם ביי הגה"צ ר' בנציון בלום שליט"א דומ"ץ באבוב לאנדאן, איידעם ביי כ"ק אדמו"ר הרה"ק בעל דברי שלמה מבאבוב זי"ע. – די שמחת החתונה קומט פאר אין זאל ישמח משה בעלזא אין לאנדאן.
כ"ק אדמו"ר מדושינסקיא שליט"א וועלכער האט זיך אויפגעהאלטן די לעצטע פאר וואכן אין אמעריקע לטובת מוסדותיו הקדושים, וועט היינט אנקומען אויף א קורצע באזוך אין שטאט לאנדאן, וואו דער רבי וועט פראווענען שבת סליחות בקרב חסידיו תושבי העיר.
כ"ק אדמו"ר מסאטמאר שליט"א קומט היינט אן קיין מאנסי אויפצונעמען די חסידים לקראת די הייליגע טעג, אין שטוב פון הנגיד החסיד ר' אברהם שלום מענדלאוויטש הי"ו.
כ"ק אדמו"ר מוויזניץ שליט"א פון וויליאמסבורג וועט היינט אנקומען קיין מאנסי, צו פוקד זיין דעם ציון הק' פונעם פאטער הרה"ק בעל תורת מרדכי מוויזניץ זי"ע לקראת די הייליגע טעג הממשמשים ובאים, דערנאך וועט דער רבי אויפנעמען די חסידים מיט קוויטלעך, בבית האכסניא אין שטוב פון הנגיד החסיד ר' הערשיל גרינבוים הי"ו.
כ"ק אדמו"ר מראחמיסטריווקא שליט"א פון לעיקוואד וועלכער איז אנגעקומען קיין מאנסי אויפצונעמען דעם ציבור חסידים מיט קוויטלעך לקראת די הייליגע טעג, וועט היינט נאך שחרית פוקד זיין דעם ציון הק' פונעם פאטער כ"ק אדמו"ר הרה"ק מראחמיסטריווקא זי"ע אויפן בית החיים הר שלום אין מאנסי, און דעם ציון הק' פון זקינו הרה"ק מסקווירא זי"ע אין שיכון סקווירא.
כ"ק אדמו"ר ממודזיץ שליט"א קומט היינט אן קיין ירושלים אויפצונעמען די חסידים לקראת די הייליגע טעג, בבית מדרשו אויף רחוב הסנהדרין.
כ"ק אדמו"ר מבארניב שליט"א קומט היינט אן קיין לעיקוואד אויפצונעמען די חסידים לקראת די הייליגע טעג, אין שטוב פון הרה"ח ר' דוד אייזען הי"ו, נאך מעריב וועט דער רבי איבערגעבן א שמועס הכנה לימים הנוראים.
כ"ק אדמו"ר מסאסוב שליט"א קומט היינט אן קיין בני ברק אויפצונעמען די חסידים לקראת די הייליגע טעג, בבית מדרשו אויף רחוב רש"י.
כ"ק אדמו"ר מבלאזוב ריבאטיטש שליט"א קומט היינט אן קיין לעיקוואד אויפצונעמען די חסידים לקראת די הייליגע טעג, אין שטוב פון הרה"ח ר' מנחם מאניש דעלמאן הי"ו, נאך מעריב וועט דער רבי איבערגעבן א שמועס הכנה לימים הנוראים.
כ"ק אדמו"ר מבישטינא שליט"א פון פתח תקוה קומט היינט אן קיין בית שמש אויפצונעמען די חסידים לקראת די הייליגע טעג, בבית מדרשו אויף רחוב רב עמרם.
היינט קומט פאר א גרויסע כינוס פאר תלמידי וחסידי ק"ק אמונת ישראל, זיך צו מחזק זיין קעגן די נסיונות הדור די פגעי הטעכנעלאגיע, די מעמד קומט פאר אין ביהמ"ד הגדול אמונת ישראל אין בארא פארק, וואו הגה"צ רבי שמואל יהודה זילבער שליט"א אבד"ק אמונת ישראל וועט אויפטרעטן מיטן משא המעמד.
היינט קומט פאר די מעמד סיום מסכת ברכות והתחלת מסכת סוכה במסגרת הלימוד עמוד היומי דחסידי נדבורנא ביתר, אין די פלטיניום זאל אין שטאט ביתר, אין שפיץ פון כ"ק אדמו"ר מנדבורנא ביתר שליט"א.
היינט קומט פאר א ספעציעלע כינוס קדמנוך פאר די בחורי החסידות בחצר הקודש דעעש, אין בעפארברייטונג צו די ימי הרחמים והסליחות, אין שפיץ פון כ"ק אדמו"ר מדעעש שליט"א.
היינט י"ח אלול געפאלט די יארצייט פון הרה"צ רבי יוסף ברוך פנחס ראבינאוויטץ זצ"ל מסקאליע, בנו כ"ק אדמו"ר מסקאליע שליט"א וועט פוקד זיין דעם ציון הק' היינט פארמיטאג, און שפעטער פארנאכטס אפרעכטן די יארצייט טיש אין סקאליע בית המדרש אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL
