כ"ק אדמו"ר מסאטמאר שליט"א קומט היינט אן קיין קרית יואל אויפצונעמען דעם ציבור חסידים לקראת די הייליגע טעג הממשמשים ובאים, דער רבי וועט פארבלייבן אין קרית יואל ביז מיטוואך, און אויפנעמען די חסידים בבית האכסניא אין שטוב פון הנגיד החסיד ר' מענדיל שווימער הי"ו ראש הקהל.
כ"ק אדמו"ר מטשערנאביל שליט"א קומט היינט אן קיין וויליאמסבורג, אויפצונעמען דעם ציבור חסידים לקראת די הייליגע טעג, אין שטוב פון הנגיד החסיד ר' נפתלי ברוך וועבער הי"ו.
כ"ק אדמו"ר מוויזניץ שליט"א פון קייאמישע וועט היינט אנקומען קיין מאנסי צו פוקד זיין די קברי צדיקים לקראת די הייליגע טעג, און אויפנעמען די חסידים מיט קוויטלעך להיזכר לטובה. דער רבי וועט דאווענען שחרית בבית מדרשו אויף רוט 306, און דערנאך אויפנעמען דעם ציבור דארט אין ביהמ"ד, דערנאך וועט דער רבי פוקד זיין דעם ציון הק' פון אביו הרה"ק בעל תורת מרדכי מוויזניץ זי"ע, זקינו הרה"ק מסקווירא זי"ע, און חותנו כ"ק אדמו"ר מראחמיסטריווקא זצ"ל, און שפעטער נאכמיטאג ווייטער אויפנעמען דעם ציבור אין שטוב פון הנגיד החסיד ר' יודא יואל ראזענפעלד הי"ו.
כ"ק אדמו"ר מוויזניץ שליט"א פון בית שמש קומט היינט אן קיין ירושלים, אויפצונעמען דעם ציבור חסידים לקראת די הייליגע טעג, אין ביהמ"ד קהל תורת חיים וויזניץ אויף רחוב אדוניהו הכהן, און אין ביהמ"ד תורת מרדכי וויזניץ אויף רחוב שמגר.
כ"ק אדמו"ר מקאשוי שליט"א קומט היינט אן קיין בארא פארק אויפצונעמען דעם ציבור חסידים לקראת די הייליגע טעג, אין שטוב פון הנגיד החסיד ר' מרדכי עוזר בלוי הי"ו.
כ"ק אדמו"ר מנדבורנא ירושלים שליט"א לאזט זיך היינט ארויס אויף א מסע הקודש בראש קהל חסידיו, צו פוקד זיין די קברי אבות אין אייראפע לקראת די ימי הרחמים והרצון.
כ"ק אדמו"ר מבוהוש שליט"א קומט היינט אן אויף א תפילת רבים בראש קהל חסידיו צום ציון הק' פונעם אור החיים הקדוש זי"ע אויפן הר הזיתים, מתפלל זיין לקראת די ימים הנוראים הבעל"ט.
כ"ק אדמו"ר מדינוב שליט"א קומט היינט אן קיין בארא פארק, אויפצונעמען די חסידים בבית מדרשו לקראת די הייליגע טעג.
כ"ק אדמו"ר מסטריקוב שליט"א קומט היינט אן קיין בית שמש אויפצונעמען די חסידים לקראת די הייליגע טעג, בבית מדרשו אין די רמה ד' געגנט.
כ"ק אדמו"ר משידלובצא שליט"א קומט היינט אן קיין בני ברק, אויפצונעמען דעם ציבור חסידים לקראת די הייליגע טעג, אין שטוב פון זיין איידעם הרב מתתיהו האלבערשטאם שליט"א.
כ"ק אדמו"ר מסאדיגורא ירושלים שליט"א קומט היינט אן קיין בני ברק, אויפצונעמען דעם ציבור חסידים לקראת די הייליגע טעג.
היינט קומט פאר א היסטארישע מעמד אין שטאט לאנדאן, בהתאסף אלפי ילדי תשב"ר צו מקבל זיין פני כבודם פון די גדולי הדור, מרנן ורבנן ראשי הישיבות בארץ הקודש, וואס זענען אנגעקומען קיין לאנדאן אויפצוטרייבן שטיצע פארן קרן עולם התורה, די מעמד קומט פאר אין די זאל פון מערידיען גרענד אין לאנדאן.
היינט קומט פאר אין בארא פארק די מעמד יסוד הבית לטובת די נייע ראחמיסטריווקא בית המדרש אין וויליאמסבורג, אינאיינעם מיט א מסיבת צאתכם לשלום לכבודו פון כ"ק אדמו"ר מראחמיסטריווקא שליט"א פון וומס"ב, וועלכער ציהט זיך אריבער די טעג למעונו החדש אין וויליאמסבורג צו שטיין אין שפיץ פון די קהילה נאה וחסודה, די מעמד קומט פאר אין שטוב פון הנגיד החסיד ר' פנחס ווילהעלם הי"ו, אין שפיץ פון כ"ק האדמורי"ם מראחמיסטריווקא שליט"א.
היינט קומט פאר די מעמד הקמת המצבה על קברה פון הרבנית מווייטצען ע"ה, אשת חבר הגה"צ אבד"ק ווייטצען וומס"ב שליט"א, און טאכטער פון כ"ק אדמו"ר הרה"ק רבי דוד משה מקרעטשניף זי"ע, עס קומט פאר אויפן סאטמארער בית החיים אין ניו דזשערזי, און שפעטער נאכמיטאג די סעודת שלושים אין ביהמ"ד ווייטצען אין וויליאמסבורג.
היינט אויפדערנאכט כ"ג אלול געפאלט די יומא דהילולא קדישא פון הרה"ק בעל עקידת יצחק מאלכסנדר זי"ע, כ"ק אדמו"ר מאלכסנדר שליט"א וועט אפרעכטן די יארצייט טיש היינט נאכט אין אלכסנדר בית המדרש אין בני ברק.
שמחת בית וויזניץ: היינט קומט פאר די לעצטע שמחת השבע ברכות פון א אייניקל ביי כ"ק אדמו"ר מוויזניץ שליט"א פון ירושלים, די חתן א זון פון זיין זון הרב חיים מאיר האגער שליט"א, איידעם ביי כ"ק אדמו"ר מטעמעשוואר ב"פ זצ"ל, מיט די כלה א טאכטער פון הרב יהושע העשיל היילפערין שליט"א, זון פון הגה"צ אבד"ק ראדאמישלא ב"פ שליט"א, און א איידעם ביי כ"ק אדמו"ר מדעעש וומס"ב שליט"א. – די שמחת השבע ברכות קומט פאר אין בית אסתר זאל אין בארא פארק.
עס איז געשלאסן געווארן די שידוך פונעם חתן א זון פון הגה"צ ר' צבי אביגדור יאזעפאוויטש שליט"א, זון פון הגה"צ ר' יוסף ברוך יאזעפאוויטש שליט"א אבד"ק צלותא דשלמה, און איידעם ביי הגה"צ אבד"ק סענדזשארץ שליט"א, מיט די כלה א טאכטער פון הגה"צ ר' ישראל זילה זילבער שליט"א, זון פון כ"ק אדמו"ר מתולדות יהודה סטוטשין שליט"א.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד דעעש אויף רחוב רבי טרפון אין בני ברק, לע"נ הרב החסיד ר' בערל הירש ע"ה, אין שפיץ פון כ"ק אדמו"ר מדעעש שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
