כ"ק אדמו"ר מפאפא שליט"א לאזט זיך היינט ארויס אויף א בליץ באזוך קיין טאראנטא קאנאדע, צו פוקד זיין דעם ציון הק' פונעם שווער הגה"צ אבד"ק טעטש זצ"ל לקראת די הילולא קדישא וואס געפאלט די קומענדיגע וואך.
כ"ק אדמו"ר מדושינסקיא שליט"א וועלכער האט געוויילט די לעצטע פאר טעג אין שטאט לאנדאן, איז נעכטן מאנטאג אנגעקומען אויף א בליץ באזוך פון איין טאג קיין אנטווערפן, היינט נאכט וועט זיך דער רבי שליט"א אומקערן אהיים קיין ארץ ישראל, נאך קרוב צו צוויי חדשים וויילן אין חוץ לארץ.
שמחת בית תולדות אברהם יצחק – מעליץ – דעעש: היינט קומט פאר די שמחת התנאים פונעם חתן א זון פון הגה"צ ר' אהרן בעק שליט"א מנכ"ל מוסדות וויזניץ ב"פ, זון פון הגה"צ ר' ברוך בעק שליט"א, זון פון הגה"צ גאב"ד מעלבארן זצ"ל, און איידעם ביי כ"ק אדמו"ר מדעעש ב"פ שליט"א, מיט די כלה א טאכטער פון הגה"צ ר' משה הורוויץ שליט"א אבד"ק אור נפתלי פערל ריווער, זון פון כ"ק אדמו"ר ממעליץ שליט"א, און איידעם ביי כ"ק אדמו"ר מתולדות אברהם יצחק שליט"א. – די שמחה קומט פאר אין זאל פון טערצאל אין מאנסי.
היינט קומט פאר די שמחת הבר מצוה פון א אייניקל ביי כ"ק אדמו"ר מראחמיסטריווקא שליט"א פון לעיקוואד, א זון פון זיין זון הרב מנחם מענדיל טווערסקי שליט"א, איידעם ביי הגה"צ ר' אלטר טויב שליט"א אבד"ק תולדות נפתלי קאלוב ב"פ. – די שמחה קומט פאר אין זאל פון ת"ת סקווירא אין בארא פארק.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד הגדול דקהל יטב לב ד'סאטמאר אויף הופפער סטריט אין וויליאמסבורג, נדבת הרב החסיד ר' שלמה יעקב ליבערמאן הי"ו.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד אור לישרים אויף ראטלידזש סטריט אין וויליאמסבורג, נדבת הגה"צ ר' ישעי' אשר אנשיל ווייס שליט"א אבד"ק אור לישרים.
כ"ק אדמו"ר מבאבוב 45 שליט"א קומט היינט אן קיין וויליאמסבורג, אויפצונעמען די חסידים לקראת די הייליגע טעג, אין שטוב פון הנגיד החסיד ר' יצחק אייזיק דייטש הי"ו ראש הקהל.
כ"ק אדמו"ר מקרעטשניף שליט"א פון ירושלים וועט היינט נאך שחרית בהיכל ישיבתו מבצר התורה קרעטשניף אין אלעד, אויפטרעטן מיט דברי התעוררות לקראת די ימים הנוראים הבעל"ט, שפעטער נאכמיטאג וועט דער רבי אנקומען קיין קרית אתא און אויפנעמען די חסידים מיט קוויטלעך לרגל די ימי הרחמים והרצון.
כ"ק אדמו"ר מוויזניץ שליט"א פון וויליאמסבורג קומט היינט אן קיין מאנסי, אויפצונעמען דעם ציבור חסידים לקראת די הייליגע טעג, אין שטוב פון הנגיד החסיד ר' הערשיל גרינבוים הי"ו.
כ"ק אדמו"ר מוויזניץ שליט"א פון בארא פארק וועט היינט מיטאג אנקומען קיין מאנסי בראש קהל חסידיו, צו פוקד זיין דעם ציון הק' פון זקינו הרה"ק בעל תורת מרדכי מוויזניץ זי"ע לקראת די הייליגע טעג הבאים לקראתינו לשלום, דערנאך וועט דער רבי אויפנעמען די חסידים לקראת די הייליגע טעג, אין שטוב פון הנגיד החסיד ר' מאיר זלמן שטעג הי"ו.
כ"ק אדמו"ר מוויען שליט"א וועט היינט אנקומען קיין בארא פארק אויפצונעמען די חסידים לרגל די ימי הרחמים והרצון, אין שטוב פון הרה"ח ר' אהרן הערש עלבויגן הי"ו.
כ"ק אדמו"ר מקאסאן שליט"א קומט היינט אן קיין מאנסי אויפצונעמען דעם ציבור חסידים לקראת די הייליגע טעג, אין שטוב פון הנגיד החסיד ר' חיים רויזמאן הי"ו.
כ"ק אדמו"ר מדינוב שליט"א קומט היינט אן קיין קרית יואל, אויפצונעמען די חסידים בבית מדרשו לקראת די הייליגע טעג.
כ"ק אדמו"ר מקאסוב שליט"א קומט היינט אן קיין מאנסי, אויפצונעמען דעם ציבור חסידים לקראת די הייליגע טעג הממשמשים ובאים, אין שטוב פון הנגיד החסיד ר' איסר ראטה הי"ו.
כ"ק אדמו"ר מסאדיגורא ירושלים שליט"א קומט היינט אן קיין בית שמש, אויפצונעמען דעם ציבור חסידים לקראת די הייליגע טעג.
אריינצושיקן מודעות און נייעס, שיקט אן אימעיל צו NEWS@JDNMAIL.COM
