היינט קומט פאר די צענטראלע סעודת הילולא און סיום הש"ס בחצר הקודש וויען, לקראת די הילולא קדישא פון הגה"ק גאב"ד וויען זצ"ל בעל עזר מיהודה, וואס געפאלט אויס די ערשטע טאג ראש השנה, עס קומט פאר היינט אויפדערנאכט אין ביהמ"ד הגדול וויען אין וויליאמסבורג, אין שפיץ פון כ"ק אדמו"ר מוויען שליט"א.
היינט קומט פאר די יערליכע כינוס פאר נדיבי ותומכי מוסדות תולדות אהרן אין אתרא קדישא מירון, אין שפיץ פון כ"ק אדמו"ר מתולדות אהרן שליט"א וועלכער וועט מתפלל זיין ביי די מקומות הקדושים אינאיינעם מיט די תומכים לרגל די ימי הרחמים והרצון.
היינט קומט פאר די מעמד קביעת מזוזה און מסיבת לחיים פאר די נייע סאטמארער בית המדרש "בנין שווארץ" אויף דר. פרענק אין מאנסי, אין שפיץ פון כ"ק גאב"ד סאטמאר מאנסי שליט"א.
שמחת בית קוידינוב – נאראל: היינט קומט פאר די שמחת השבע ברכות פונעם חתן א זון פון כ"ק אדמו"ר מקוידינוב שליט"א, איידעם ביי כ"ק אדמו"ר מנאראל שליט"א, מיט די כלה א טאכטער פון הרב דניאל שטערן שליט"א, זון פון הגה"צ ר' שמואל אליעזר שטערן שליט"א גאב"ד מערב ב"ב, און איידעם ביי הגה"צ ר' יעקב שמשון יאקאבאוויטש שליט"א מגארליץ. – די שמחת השבע ברכות קומט פאר אין ביהמ"ד קוידינוב אין בני ברק.
עס איז געשלאסן געווארן די שידוך פון א אייניקל ביי כ"ק אדמו"ר מזוועהיל ירושלים שליט"א, די כלה א טאכטער פון זיין זון הגה"צ ר' יהודה דוד גאלדמאן שליט"א רב חסידי זוועהיל אין ביתר, איידעם ביי הגה"צ ר' אברהם שמואל בנימין סופר שליט"א ראש ישיבת ערלוי, מיטן חתן א זון פון הרה"ג ר' זאב געלבשטיין שליט"א ראש כולל נדבורנא בני ברק.
כ"ק אדמו"ר מפאפא שליט"א וועט היינט אנקומען קיין לינדען, אויפצונעמען די חסידים בבית מדרשו לרגל די ימי הרחמים והרצון.
כ"ק אדמו"ר מראחמיסטריווקא שליט"א וועט היינט ארויספארן קיין מאנסי צו פוקד זיין דעם ציון הק' פונעם פאטער הרה"ק מראחמיסטריווקא זי"ע, און דעם ציון הק' פון זקינו הרה"ק מסקווירא זי"ע לרגל די ימי הרחמים והרצון, שפעטער נאכמיטאג וועט דער רבי אנקומען קיין לינדען און אויפנעמען דעם ציבור חסידים אין שטוב פון הרב החסיד ר' דוד דאפעלט הי"ו.
כ"ק אדמו"ר מקאסאן שליט"א קומט היינט אן קיין וויליאמסבורג אויפצונעמען די חסידים לקראת די הייליגע טעג, אין שטוב פון הרה"ח ר' משולם איסר קרויס הי"ו.
כ"ק אדמו"ר מנדבורנא אלעד שליט"א קומט היינט אן קיין ירושלים עיה"ק אויפצונעמען די חסידים לרגל די ימי הרחמים והרצון.
אריינצושיקן מודעות און נייעס, שיקט אן אימעיל צו NEWS@JDNMAIL.COM
