דעם שבת ווערט אפגעצייכנט היסטאריע בחצר הקודש באבוב 45, מיט די פתיחת שערים פון די נייע ביהמ"ד הגדול והחדש מרכז העולמי באבוב 45, וואס איז געבויעט געווארן לשם ולתפארת אין הארץ פונעם עיר ואם בישראל בארא פארק, נאך גאנצע צוואנציג יאר וואס די חסידים קוקן ארויס אויף דעם מאמענט, להרחיב גבולי הקדושה מיט הרחבת הדעת.
שמחת בית בעלזא: דעם מוצאי שבת קומט פאר די שמחת הבר מצוה פון א אייניקל ביי כ"ק אדמו"ר מבעלזא שליט"א, הב' משה יהושע נ"י זון פון בנו יחידו הגה"צ ר' אהרן מרדכי רוקח שליט"א, איידעם ביי כ"ק גאב"ד מאקאווא שליט"א. – די שמחה קומט פאר אין ביהמ"ד הגדול אין קרית בעלזא ירושלים.
דעם שבת קומט פאר די שמחת הקידושא רבא פון א אור אייניקל ביי כ"ק אדמו"ר מצאנז שליט"א, אייניקל פון זיין זון הגה"צ ר' יוסף משה דוב האלבערשטאם שליט"א אבד"ק צאנז ארה"ב, בת הנולדה ביי זיין איידעם הרב לוי יצחק האלבערשטאם שליט"א, זון פון הרב אהרן יוסף האלבערשטאם שליט"א, זון פון הגה"צ ר' שמואל האלבערשטאם שליט"א מטשאקאווא. – די שמחה קומט פאר אינעם היכל המתיבתא אין קרית צאנז נתני'.
היינט קומט פאר די שמחת פדיון הבן פון א אייניקל ביי כ"ק אדמו"ר מביאלא בית שמש שליט"א, בן הנולד ביי זיין זון הרב דוד מתתיהו ראבינאוויטש שליט"א, איידעם ביי כ"ק אדמו"ר מליעזש ראדוואן שליט"א. – די שמחה קומט פאר אין ביהמ"ד ביאלא בית שמש.
כ"ק גאב"ד מאקאווא שליט"א איז צוגאסט אויף דעם שבת בחצר הקודש בעלזא אין ירושלים, לרגל די שמחת הבר מצוה פון א אייניקל.
כ"ק אדמו"ר מוויזניץ שליט"א פון ירושלים וועלכער איז אנגעקומען צוגאסט קיין ארץ ישראל לקראת די ימים הנוראים, וועט פראווענען דעם שבת בבית מדרשו קהל תורת חיים וויזניץ אויף רחוב אדוניהו הכהן אין ירושלים עיה"ק.
כ"ק אדמו"ר מאמשינאוו ארה"ב שליט"א איז צוגאסט אויף דעם שבת אין ירושלים עיה"ק, לרגל די שמחת השלום זכר פון א אייניקל, בן הנולד ביי זיין זון הרב מרדכי קאליש שליט"א. די תפילות און טישן קומען פאר אין ביהמ"ד נועם השם אויף רחוב אביתר הכהן.
כ"ק אדמו"ר ממבקשי אמונה שליט"א איז צוגאסט אויף דעם שבת אין בני ברק בקרב חסידיו, די טיש פרייטאג צונאכטס וועט פארקומען אין ביהמ"ד שטעפינעשט אויף רחוב מהרש"ל, און שלש סעודות אין בית המדרש אש קודש אויף רחוב רש"י.
דעם מוצאי שבת קומט פאר א כינוס פאר תלמידי וחסידי צאנז זוועהיל לרגל די ימי הרחמים והרצון, אין שפיץ פון כ"ק אדמו"ר מצאנז זוועהיל שליט"א וועלכער וועט אויפטרעטן מיט א שמועס לקראת די הייליגע טעג, עס קומט פאר אין היכל ישיבת אהל שלמה צאנז זוועהיל אין פאסעיק ניו דזשערזי.
שמחת בית תולדות אברהם יצחק: עס איז געשלאסן געווארן די שידוך פון א אייניקל ביי כ"ק אדמו"ר מתולדות אברהם יצחק שליט"א, די כלה א טאכטער פון זיין איידעם הגה"צ ר' אפרים אהרן לעמבערגער שליט"א, זון פון הגה"צ אבד"ק מאקאווא ב"ב זצ"ל, מיט די חתן א זון פון הגה"צ ר' פנחס אלי' וויינבערגער זצ"ל ר"ם בישיבת סאטמאר מאנסי, זון פון הגה"צ אבד"ק סערדאהעלי ודומ"ץ נייטרא שליט"א, און איידעם ביי הגה"צ ר' שלמה יעקב יאזעפאוויטש שליט"א אבד"ק אהל תורה.
שמחת בית ספינקא – חוסט: עס איז געשלאסן געווארן די שידוך פון א אייניקל ביי כ"ק אדמו"ר מתולדות צבי ספינקא שליט"א, די חתן א זון פון זיין איידעם הגה"צ ר' יוסף דוד יואל טירנויער שליט"א, זון פון כ"ק אדמו"ר מחוסט שליט"א פון וומס"ב, מיט די כלה א טאכטער פון הגה"צ ר' אהרן חיים דוד לאנדא שליט"א, זון פון הגה"צ אבד"ק עדעלין קערעסטיר שליט"א, און איידעם ביי כ"ק אדמו"ר מתולעת יעקב זצ"ל.
עס איז געשלאסן געווארן די שידוך פונעם חתן א זון פון הגה"צ ר' ישראל אליעזר אדלער שליט"א אדמו"ר מדזיקוב וויזניץ ב"פ, איידעם ביי כ"ק אדמו"ר מוויעליפאלי שליט"א, מיט די כלה א טאכטער פון הגה"צ ר' מאיר דוד סעקולא שליט"א אבד"ק כליל תפארת סקולען ב"פ, זון פון הגה"צ אבד"ק סאדאוונא זצ"ל, און איידעם ביי הגה"צ אבד"ק סקולען ב"ב שליט"א.
עס איז געשלאסן געווארן די שידוך פונעם חתן א זון פון הרב ישראל דוד וואגשאהל שליט"א, זון פון הגה"צ ר' נפתלי וואגשאהל שליט"א מלאנצוהט, און איידעם ביי הגה"צ אבד"ק נאנאש ריווערדעיל שליט"א, מיט די כלה א טאכטער פון הגה"צ ר' יצחק לייפער שליט"א אדמו"ר מחוסט נדבורנא, זון פון כ"ק אדמו"ר מחוסט ארה"ק שליט"א, און איידעם ביי הגה"צ ר' אהרן דוד פאנעט זצ"ל ראש כולל זיבענבערגן.
אריינצושיקן מודעות און נייעס, שיקט אן אימעיל צו NEWS@JDNMAIL.COM
