היינט קומט פאר די שמחת הברית פון א אייניקל ביי כ"ק אדמו"ר מאמשינאוו ארה"ב שליט"א, בן הנולד ביי זיין זון הרב מרדכי קאליש שליט"א, איידעם ביי הגה"צ ר' יחיאל יהודה משה דאנציגער שליט"א, זון פון כ"ק אדמו"ר מאלכסנדר שליט"א, און איידעם ביי הגה"צ ר' עמרם געשטעטנער שליט"א אבד"ק קרית אגודת ישראל. – די שמחה קומט פאר אין אלכסנדר בית המדרש אין בני ברק.
כ"ק אדמו"ר מאמשינאוו ארה"ב שליט"א וועלכער איז צוגאסט די טעג אין ארץ ישראל לכבוד די שמחה, וועט היינט נאכמיטאג אויפנעמען דעם ציבור חסידים לרגל די ימי הרחמים והרצון, בבית האכסניא אויף רחוב עזרא אין ירושלים, און שפעטער ביינאכט ארויספארן אויפן וועג צוריק אהיים קיין ניו יארק.
היינט נאכט ליל ערב ראש השנה געפאלט די יומא דהילולא קדישא פון כ"ק הגה"ק גאב"ד אונגוואר זצ"ל בעל משנה הלכות, די קינדער כ"ק האדמורי"ם מאונגוואר שליט"א וועלן אפרעכטן די יארצייט טישן היינט אויפדערנאכט אין די בתי מדרשים.
היינט נאכט ליל ערב ראש השנה געפאלט די יומא דהילולא קדישא פון כ"ק אדמו"ר מביאלא רמת אהרן זצ"ל בעל אהבת יעקב, בנו ממלא מקומו כ"ק אדמו"ר מביאלא רמת אהרן שליט"א וועט אפרעכטן די יארצייט טיש היינט אויפדערנאכט בבית מדרשו אויף רחוב רוזנהיים אין בני ברק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
