JDN

שמחת בית סאטמאר: עס איז געשלאסן געווארן די שידוך פון א אייניקל ביי כ"ק אדמו"ר מסאטמאר שליט"א, די חתן א זון פון זיין איידעם הגה"צ ר' יואל שמעון פריעדמאן שליט"א, זון פון הגה"צ ר' ירמי' פריעדמאן שליט"א דומ"ץ שאפראן, זון פון הגה"צ ראב"ד סאטמאר זצ"ל, און איידעם ביי כ"ק אדמו"ר משאפראן זצ"ל, מיט די כלה א טאכטער פון הגה"צ ר' ברוך יודא האלבערשטאם שליט"א, זון פון הגה"צ אבד"ק טשאקאווא וומס"ב זצ"ל, און איידעם ביי הגה"צ ר' אברהם רוקח שליט"א אדמו"ר מקאזלאוו.

שמחת בית תולדות אהרן – מאקאווא – קרעטשניף טשערנאוויץ: עס איז געשלאסן געווארן די שידוך פון א אייניקל ביי כ"ק גאב"ד מאקאווא שליט"א, די חתן א זון פון זיין זון הגה"צ ר' יואל יצחק לעמבערגער שליט"א, איידעם ביי הגה"צ ר' יהושע רובין שליט"א אבד"ק טאמאשוב ב"ב, מיט די כלה א טאכטער פון כ"ק אדמו"ר מקרעטשניף טשערנאוויץ שליט"א, זון פון כ"ק אדמו"ר מקרעטשניף קרית גת זצ"ל, און איידעם ביי כ"ק אדמו"ר מתולדות אהרן שליט"א.

היינט ערב שבת קומט פאר די שמחת הברית פון א אייניקל ביי כ"ק אדמו"ר מספינקא מאנסי שליט"א, איידעם ביי כ"ק אדמו"ר מתולדות אברהם יצחק שליט"א, בן הנולד ביי זיין איידעם הרב יהושע ראזענפעלד שליט"א, זון פון הגה"צ ר' אפרים פישל ראזענפעלד שליט"א, זון פון כ"ק אדמו"ר מדאראג שליט"א, און איידעם ביי כ"ק אדמו"ר מבערעגסאז בית שמש שליט"א. – די שמחה קומט פאר אין ביהמ"ד אהלי צבי ספינקא אין די עירמאנט געגנט אין מאנסי.

דעם שבת קומט פאר די שמחת הברית פון א אור אייניקל ביי כ"ק אדמו"ר מבאבוב שליט"א, אייניקל פון בנו הגדול הגה"צ ר' חיים שלום האלבערשטאם שליט"א, איידעם ביי הגה"צ גאב"ד סאטמאר ב"פ שליט"א, בן הנולד ביי זיין זון הרב אלעזר האלבערשטאם שליט"א, איידעם ביי הגה"צ ר' פנחס ישראל זעלטענרייך שליט"א, זון פון הגה"צ אבד"ק טשאקאווא קערעסטיר שליט"א, און איידעם ביי הגה"צ אבד"ק טאלטשאווא קרית יואל שליט"א. - די שמחה קומט פאר אין ביהמ"ד הגדול באבוב אין בארא פארק.

כ"ק אדמו"ר מוויזניץ שליט"א פון ירושלים וועלכער איז צוגאסט אין ארץ ישראל לרגל די ימים הנוראים, וועט פראווענען דעם שבת בבית מדרשו קהל תורת חיים וויזניץ אויף רחוב אדוניהו הכהן אין ירושלים עיה"ק.

כ"ק אדמו"ר מוויזניץ שליט"א פון בית שמש איז צוגאסט אויף דעם שבת אין מושב אורה נעבן ירושלים, בצל חותנו הגדול כ"ק אדמו"ר מוויזניץ שליט"א לרפואה שלימה.

כ"ק גאב"ד מאקאווא שליט"א וועט דעם מוצאי שבת אנקומען אויף א תפילה צום קבר רחל לרגל די ימי הרחמים והרצון, דערנאך וועט דער רב ארויספארן בראש קהל חסידיו צום מערת המכפלה אין חברון אויף אמירת סליחות ברוב עם.

כ"ק אדמו"ר ממבקשי אמונה שליט"א איז צוגאסט אויף דעם שבת אין מודיעין עילית בקרב חסידיו, די טיש פרייטאג צונאכטס און שלש סעודות קומט פאר אין ביהמ"ד שער מלכות אויף רחוב רבי עקיבא.

הגה"צ ר' אברהם מרדכי אלתר שליט"א אייניקל פון הרה"ק בעל פני מנחם מגור זי"ע, וועט פראווענען דעם שבת בקרב חברי ק"ק פני מנחם אין בארא פארק, די תפילות אין די שטיבלעך און ישיבה לצעירים, און שלש סעודות אויף א גרויסע פארנעם אין די ספינקא זאל אויף די זעקס און פופציגסטע סטריט.