היינט קומט פאר די שמחת הבר מצוה פון א אור אייניקל ביי כ"ק אדמו"ר מטשערנאביל שליט"א, אייניקל פון זיין איידעם הגה"צ ר' יעקב בער אשכנזי שליט"א אדמו"ר מסטאניסלאוו אלעסק, א זון פון זיין איידעם הרב דוד צבי שנעעבאלג שליט"א, זון פון הגה"צ ר' אברהם זאב שנעעבאלג שליט"א, איידעם ביי הגה"צ אבד"ק באבוב אנטווערפן זצ"ל. – די שמחה קומט פאר אין טערצאל זאל אין מאנסי.
היינט קומט פאר די שמחת הברית פון א אור אייניקל ביי כ"ק אדמו"ר מתולדות אברהם יצחק שליט"א, אייניקל פון זיין איידעם הגה"צ ר' אליעזר צבי טויב שליט"א אבד"ק קאלוב ביתר, זון פון כ"ק אדמו"ר מקאלוב שליט"א, בן הנולד ביי זיין איידעם הרב יהודה לעמבערגער שליט"א, זון פון הגה"צ אבד"ק מאקאווא ב"ב זצ"ל. – די שמחה קומט פאר אין ביהמ"ד הגדול תולדות אברהם יצחק אין ירושלים.
כ"ק אדמו"ר מסאטמאר שליט"א וועט היינט אנקומען קיין בארא פארק אויפצונעמען די חסידים לרגל די ימי הרחמים והרצון.
כ"ק אדמו"ר מצאנז זוועהיל שליט"א וועט היינט אנקומען קיין לעיקוואד אויפצונעמען די חסידים לרגל די ימי הרחמים והרצון, אין שטוב פון הנגיד החסיד ר' יונה מארגענשטערן הי"ו.
כ"ק אדמו"ר מסאסוב שליט"א וועט היינט אויפדערנאכט אויפטרעטן מיט די שבת שובה דרשה, בבית מדרשו אויף רחוב רש"י אין בני ברק.
כ"ק אדמו"ר מקאפיטשניץ שליט"א וועט היינט מיטאג אנקומען אויף א תפילת רבים צום מערת המכפלה אין חברון, מתפלל צו זיין לרגל די ימי הרחמים והרצון, שפעטער נאכמיטאג וועט דער רבי זאגן תשליך ברוב עם פארנט פון ביהמ"ד קאפיטשניץ אין ירושלים.
ווי איינגעפירט בחצרות הקודש לבית רוזין, וועלן כ"ק האדמורי"ם מבוהוש און סאדיגורא שליט"א ארויסגיין היינט אויף אמירת תשליך ברוב עם הדרת מלך.
הגה"צ ר' אברהם מרדכי אלתר שליט"א אייניקל פון הרה"ק בעל פני מנחם מגור זי"ע, וועט היינט אויפדערנאכט אויפטרעטן מיט א שמועס לרגל די ימי הרחמים והרצון, אין בעלזא בית המדרש אויף די פופצנטע עוועניו אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
