היינט קומט פאר די גרויסארטיגע מעמד עצרת תפילה דורך אירגון מתעסקים, וואו טויזענטער קינדער תינוקות של בית רבן וועלן זיך צוזאמנעמען אין ביהמ"ד הגדול באבוב אין בארא פארק, אין צוגאב צו צענדליגע טויזענטער קינדער וואס וועלן עס מיטהאלטן איבער די גארער וועלט, און איינרייסן בכח תשב"ר לישועת הכלל והפרט בראשות אדמורי"ם ורבנים.
היינט קומט פאר א גרויסע מעמד זעקת הגולה אינעם עיר התורה לעיקוואד, אויסצושרייען די וויי געשריי פון די יהדות החרדית אין ליכט פון די שרעקליכע גזירת הגיוס בארץ הקודש, עס קומט פאר אויפן גיגאנטישן שטח אויף לעקסינגטאן עוועניו צווישן די ניינטע און צענטע סטריט, אין שפיץ פון מרנן ורבנן ראשי הישיבות שליט"א.
היינט קומט פאר די מעמד היסוד פאר די נייע מתיבתא תורה ויראה ד'סאטמאר, וואס ווערט געעפנט צום נייעם שנת הלימודים אין שטאט מאנסי, וואו עס וועט אויפטרעטן מיטן דבר המתיבתא הגה"צ ר' שלום גליק שליט"א דומ"ץ טאהש וומס"ב ראש הישיבה.
שמחת בית וויזניץ: עס איז געשלאסן געווארן די שידוך פון א אייניקל ביי כ"ק אדמו"ר מוויזניץ שליט"א, די כלה א טאכטער פון זיין איידעם הגה"צ ר' נפתלי צבי טייטלבוים שליט"א, זון פון הגה"צ אבד"ק וואלאווע שליט"א, מיט די חתן א זון פון הרב שמעון מוטצען שליט"א ראה"כ צאנז קלויזענבורג מאנסי, איידעם ביי הרב החסיד ר' אברהם איילענדער ז"ל מחשובי חסידי וויזניץ.
היינט קומט פאר די שמחת הברית פון א אייניקל ביי כ"ק אדמו"ר מסאטמאר שליט"א, בן הנולד ביי זיין איידעם הגה"צ ר' יוסף רוקח שליט"א רב ביהמ"ד בית חיים יעקב אין קרית יואל, זון פון הגה"צ ר' יואל רוקח שליט"א אבד"ק קאזלאוו מאנסי, איידעם ביי הגה"צ אבד"ק טערצאל שליט"א. – די שמחה קומט פאר אין ביהמ"ד הגדול אין קרית יואל.
היינט קומט פאר די שמחת הברית פון א אייניקל ביי כ"ק אדמו"ר מוויזניץ שליט"א פון בארא פארק, איידעם ביי הגה"צ אבד"ק ראחמיסטריווקא מאנסי שליט"א, בן הנולד ביי בנו הגדול הגה"צ ר' נפתלי האגער שליט"א, איידעם ביי כ"ק אדמו"ר מביקסאד שליט"א. – די שמחה קומט פאר אין וויזניצע בית המדרש אין בארא פארק.
עס איז געשלאסן געווארן די שידוך פון א אייניקל ביי כ"ק אדמו"ר מכוונת הלב שליט"א, די חתן א זון פון זיין זון הרב הלל ליכטער שליט"א, איידעם ביי הגה"צ ר' חנני' יו"ט ליפא גראס שליט"א משארמאש, איידעם ביי כ"ק אדמו"ר מכוונת הלב זצ"ל, מיט די כלה א טאכטער פון הרב יעקב יצחק יאקאבאוויטש שליט"א, זון פון הגה"צ ר' מרדכי ישעי' יאקאבאוויטש שליט"א, איידעם ביי הגה"צ אבד"ק אראד זצ"ל.
כ"ק אדמו"ר מראחמיסטריווקא מאנסי שליט"א וועט היינט אנקומען קיין בארא פארק אויפצונעמען דעם ציבור חסידים לרגל די ימי הרחמים והרצון, אין ביהמ"ד הגדול ראחמיסטריווקא.
כ"ק אדמו"ר מזוועהיל ארה"ב שליט"א וועט היינט אנקומען קיין בארא פארק אויפצונעמען די חסידים לרגל די ימי הרחמים והרצון, אין שטוב פון הרה"ח ר' אליעזר דוד חיימאוויטש הי"ו.
פילע אדמורי"ם ורבנים וועלן היינט ארויסגיין אויף אמירת תשליך, כנהוג בחצרות הקודש צו זאגן תשליך אינעם יום הקריאה בעפאר יום הקדוש.
אריינצושיקן מודעות און נייעס, שיקט אן אימעיל צו NEWS@JDNMAIL.COM
