כ"ק אדמו"ר מסאטמאר שליט"א איז צוגאסט אויף יום הקדוש אין שטאט וויליאמסבורג, דער רבי שליט"א וועט אפרעכטן די טיש ערב יוה"ק בהיכל ביהמ"ד הגדול אויף הופפער סטריט, מוצאי יוה"ק וועט דער רבי שליט"א אפרעכטן שולחנו הטהור בתופים ובמחולות בהיכל ביהמ"ד הגדול.
כ"ק אדמו"ר מסאטמאר שליט"א איז צוגאסט אויף יום הקדוש אין קרית יואל, דער רבי שליט"א וועט דאווענען די תפילות ברוב עם הדרת מלך אין די גרויסע היכל ביהמ"ד אלטר יחזקאל בבנין ביהמ"ד סאטמאר אויף גארפיעלד, מוצאי יוה"ק וועט דער רבי שליט"א אפרעכטן שולחנו הטהור בתופים ובמחולות בהיכל ביהמ"ד הגדול.
כ"ק אדמו"ר מוויזניץ שליט"א פון קייאמישע איז צוגאסט אויף יום הקדוש אין שטאט מאנסי, און וועט אפרעכטן די תפילות במקום שהתפלל בו אביו הרה"ק בעל תורת מרדכי זי"ע, אינאיינעם מיט זיין עלטערער ברודער כ"ק אדמו"ר מוויזניץ שליט"א פון מאנסי.
כ"ק אדמו"ר מוויזניץ שליט"א פון ירושלים וועט פראווענען יום הקדוש בקרב חסידיו אין ירושלים עיה"ק, בהיכל בית מדרשו קהל תורת חיים וויזניץ אויף רחוב אדוניהו.
כ"ק אדמו"ר מוויזניץ שליט"א פון בארא פארק וועט פראווענען יום הקדוש אין עטרת גאלדא זאל אין בארא פארק, ווי איינגעפירט יאר יערליך צוליב דעם גרויסן ציבור.
כ"ק אדמו"ר מסקולען שליט"א וועט פראווענען יום הקדוש אין די ריגער זאל אין בארא פארק, אינאיינעם מיט פילע חסידים וחברי הקהילה.
כ"ק אדמו"ר משענדישוב שליט"א וועט פראווענען יום הקדוש אין מאנסי בקרב חסידיו, די תפילות קומען פאר אין ביהמ"ד שענדישוב אין מאנסי.
מוצאי יום הקדוש וועט כ"ק אדמו"ר מפשעווארסק שליט"א אפרעכטן די יארצייט טיש לרגל די הילולא קדישא פון זקינו הרה"ק ר' איציקל מפשעווארסק זי"ע, אין פשעווארסקע בית המדרש אין אנטווערפען.
מוצאי יום הקדוש וועט כ"ק אדמו"ר מלעלוב שליט"א אפרעכטן די יארצייט טיש לרגל די הילולא קדישא פונעם פאטער כ"ק אדמו"ר מלעלוב זצ"ל וואס געפאלט יום הקדוש, אין די גרויסע היכל הטישן ביים לעלובער בית המדרש אין בית שמש.
מוצאי יום הקדוש וועט כ"ק אדמו"ר ממאחנובקא בעלזא שליט"א אפרעכטן די המבדיל טיש אינאיינעם מיט די יארצייט טיש לרגל די הילולא קדישא פון הרה"ק רבי אברהם יהושע העשיל ממאחנובקא זי"ע, אין ביהמ"ד הגדול מאחנובקא בעלזא אין בני ברק.
מוצאי יום הקדוש וועט כ"ק אדמו"ר מבוהוש שליט"א אפרעכטן די יארצייט טיש לרגל די הילולא קדישא פון זקינו הרה"ק ר' מנחם מענדיל מבוהוש זי"ע, בבית מדרשו אין בני ברק.
מוצאי יום הקדוש וועט כ"ק אדמו"ר מאשלג שליט"א אפרעכטן די יארצייט טיש לרגל די הילולא קדישא פון זקינו הרה"ק בעל הסולם פון אשלג זי"ע, בבית מדרשו אויף רחוב שד"ל אין בני ברק.
מוצאי יום הקדוש וועלן פילע אדמורי"ם פראווענען דעם טיש לכבוד היום, ויו"ט היה עושה בצאתו בשלום מן הקודש.
אריינצושיקן מודעות און נייעס, שיקט אן אימעיל צו NEWS@JDNMAIL.COM
