היינט קומט פאר די שמחת הנחת תפילין פון א דאפלטע אור אייניקל ביי כ"ק אדמו"ר מסקווירא שליט"א, אייניקל פון זיין איידעם כ"ק אדמו"ר מראחמיסטריווקא מאנסי שליט"א, א זון פון זיין זון הרב יעקב יוסף טווערסקי שליט"א, איידעם ביים רבינ'ס זון הגה"צ ר' יצחק טווערסקי שליט"א, איידעם ביי כ"ק אדמו"ר מוויזניץ שליט"א. – די שמחה קומט פאר אין ביהמ"ד הגדול אין שיכון סקווירא.
היינט קומט פאר די שמחת הבר מצוה פון א אור אייניקל ביי כ"ק אדמו"ר מוויזניץ שליט"א פון מאנסי, אייניקל פון זיין זון הגה"צ ר' דוד דוב האגער שליט"א, א זון פון זיין זון הרב יצחק יחיאל מיכל האגער שליט"א, איידעם ביי הגה"צ ר' אשר ישעי' רובין שליט"א מטאמאשוב, איידעם ביי הגה"צ ר' ירמי' טייטלבוים שליט"א. – די שמחה קומט פאר אין ביהמ"ד הגדול וויזניץ אין מאנסי.
היינט קומט פאר די שמחת הברית פון א אור אייניקל ביי כ"ק אדמו"ר מבאבוב 45 שליט"א, אייניקל פון זיין זון הגה"צ ר' שלום אונגער שליט"א, איידעם ביי כ"ק אדמו"ר מאלכסנדר שליט"א, בן הנולד ביי זיין איידעם הרב פנחס שלום שנעעבאלג שליט"א, זון פון הגה"צ ר' זלמן לייב שנעעבאלג שליט"א אבד"ק קנין תורה, זון פון הגה"צ אבד"ק קהל אברכים מאנסי שליט"א, און איידעם ביי כ"ק אדמו"ר מלויעוו טשערנאביל פארשעי שליט"א. – די שמחה קומט פאר אין ביהמ"ד הגדול באבוב 45 אין בארא פארק.
היינט קומט פאר די שמחת הברית פון א אור אייניקל ביי כ"ק אדמו"ר מראחמיסטריווקא שליט"א, אייניקל פון זיין איידעם הגה"צ ר' הערש אלימלך טייטלבוים שליט"א אבד"ק תפלה למשה סאטמאר ב"פ, זון פון הגה"צ אבד"ק בית אהרן שליט"א, בן הנולד ביי זיין זון הרב אהרן טייטלבוים שליט"א, איידעם ביי הגה"צ ר' אברהם יהושע העשיל טווערסקי שליט"א, איידעם ביי כ"ק אדמו"ר מבארניב שליט"א. – די שמחה קומט פאר אין ביהמ"ד בארניב אין מאנסי.
היינט קומט פאר די מעמד ואני תפילה אין ביהמ"ד הגדול וויזניץ אין וויליאמסבורג, זיך צו מחזק זיין בעניני תפילה, אין שפיץ פון כ"ק אדמו"ר מוויזניץ שליט"א פון וויליאמסבורג, אלס נואם הכבוד וועט אויפטרעטן כ"ק אדמו"ר מצאנז זוועהיל שליט"א.
כ"ק אדמו"ר ממודזיץ שליט"א פארט היינט ארויס קיין לאנדאן, צו באשיינען די שמחת החתונה פון א אייניקל וואס קומט פאר מארגן דינסטאג.
כ"ק אדמו"ר מאלכסנדר שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פון הרה"ק בעל תפארת שמואל מאלכסנדר זי"ע, אין אלכסנדר בית המדרש אויף רחוב אחיעזר אין בני ברק.
ניחום אבלים:
הגה"צ אבד"ק טארטיקוב שליט"א און זיינע קינדער, זיצן שבעה צו די פטירה פון זיין זון הרה"ג ר' משה יצחק באב"ד ז"ל, אין שטוב פונעם נפטר אויף די ניינצנטע עוועניו אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
