שמחת בית מודזיץ: היינט קומט פאר די שמחת החתונה פון א אייניקל ביי כ"ק אדמו"ר ממודזיץ שליט"א, די חתן א זון פון זיין איידעם הרב יוסף שיף שליט"א, זון פון כ"ק אדמו"ר מליזענסק ירושלים זצ"ל, מיט די כלה א טאכטער פון הרב העניך טייטלבוים שליט"א ראש ישיבת אהל תורה לאנדאן, זון פון הגה"צ אבד"ק סלאטפינא זצ"ל, און איידעם ביי הגה"צ ר' אשר אנשיל יונגרייז שליט"א אב"ד תפארת עמרם לאנדאן. – די שמחת החתונה קומט פאר אין זאל יסודי התורה אין לאנדאן.
שמחת בית תולדות אהרן – מאקאווא – קרעטשניף טשערנאוויץ: היינט קומט פאר די שמחת התנאים פון א אייניקל ביי כ"ק גאב"ד מאקאווא שליט"א, די חתן א זון פון זיין זון הגה"צ ר' יואל יצחק לעמבערגער שליט"א, איידעם ביי הגה"צ ר' יהושע רובין שליט"א אבד"ק טאמאשוב ב"ב, מיט די כלה א טאכטער פון כ"ק אדמו"ר מקרעטשניף טשערנאוויץ שליט"א, זון פון כ"ק אדמו"ר מקרעטשניף קרית גת זצ"ל, און איידעם ביי כ"ק אדמו"ר מתולדות אהרן שליט"א. – די שמחה קומט פאר אין ביהמ"ד תולדות אהרן אין ירושלים עיה"ק.
שמחת בית ספינקא: היינט קומט פאר די שמחת התנאים פון די כלה א טאכטער ביי כ"ק אדמו"ר מספינקא שליט"א, איידעם ביי כ"ק אדמו"ר מסאסרעגען זצ"ל, מיט די חתן א זון פון הגה"צ ר' יוסף משה מייזליש שליט"א אבד"ק לאסק, זון פון הגה"צ גאב"ד סיגעיט זצ"ל, און איידעם ביי הגה"צ גאב"ד קראסנא זצ"ל. – די שמחה קומט פאר אין ספינקא בית המדרש אין בארא פארק.
עס איז געשלאסן געווארן די שידוך פונעם חתן א זון פון הרב יואל פאללאק שליט"א, זון פון הגה"צ אבד"ק וואדקערט שליט"א, און איידעם ביי הגה"צ ר' ישראל מענדיל וואגשאהל שליט"א מלאנצוהט, מיט די כלה א טאכטער פון הרב נפתלי צבי מאסקאוויטש שליט"א, זון פון הגה"צ ר' יצחק אלעזר מאסקאוויטש שליט"א אדמו"ר משאץ, און איידעם ביי הגה"צ ר'יחזקאל דייטש שליט"א אבד"ק מקור חיים.
היינט קומט פאר אין לאס אנדזשעלעס א גרויסע מעמד כבוד התורה מקבל צו זיין די חשובע געסט, די גדולי ראשי הישיבות פון ארץ ישראל, וואס זענען געקומען קיין אמעריקע אויפצוטרייבן שטיצע לטובת דעם קרן עולם התורה, עס קומט פאר אין די גיגאנטישע סאבאן טיאטער זאל, וואו עס וועט אויפטרעטן הגה"צ ר' אפרים וואקסמאן שליט"א ראש ישיבת מאור יצחק.
כ"ק אדמו"ר מוויזניץ שליט"א פון מאנטריאל קומט היינט אן צוגאסט אויף א קורצע באזוך אין ניו יארק, היינט מיטאג וועט דער רבי שליט"א פוקד זיין דעם ציון הק' פון אביו הרה"ק בעל תורת מרדכי מוויזניץ זי"ע, לקראת די שמחת החתונה פון א אייניקל וואס קומט פאר די קומענדיגע וואך אין מאנטריאל, היינט און מארגן וועט דער רבי שליט"א אויפנעמען דעם ציבור מיט קוויטלעך לכבוד די שמחה אין שטאט מאנסי, און היינט אויפדערנאכט אין ביהמ"ד הגדול וויזניץ אין וויליאמסבורג.
כ"ק אדמו"ר משעדליץ שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פון הרה"ק רבי גרשון משעדליץ זי"ע, בבית מדרשו אין לעיקוואד.
אריינצושיקן מודעות און נייעס, שיקט אן אימעיל צו NEWS@JDNMAIL.COM
