כ"ק אדמו"ר ממונקאטש שליט"א קומט היינט אן אויף א בליץ באזוך קיין לאנדאן ענגלאנד, צו באשיינען די שמחת החתונה פונעם יונגסטן קינד ביי הרה"ג ר' שמשון גליק זצ"ל דומ"ץ מונקאטש לאנדאן.
שמחת בית סאטמאר: היינט קומט פאר די שמחת החתונה פון א אייניקל ביי כ"ק אדמו"ר מסאטמאר שליט"א, די כלה א טאכטער פון זיין איידעם הגה"צ ר' אלעזר טייטלבוים שליט"א ראה"כ סאטמאר וומס"ב, זון פון הגה"צ אבד"ק בית אהרן שליט"א, מיט די חתן א זון פון זיין שוואגער הגה"צ ר' שמעון ישראל מייזליש שליט"א, זון פון כ"ק אדמו"ר משאפראן זצ"ל, און איידעם ביי הגה"צ אבד"ק בית אהרן שליט"א. – די שמחת החתונה קומט פאר אין ביהמ"ד הגדול דקהל יטב לב ד'סאטמאר אויף ראדני סטריט אין וויליאמסבורג.
שמחת בית מאשלוי – קאלוב: היינט קומט פאר די שמחת החתונה פון די כלה א טאכטער ביי כ"ק אדמו"ר ממאשלוי שליט"א, איידעם ביי כ"ק אדמו"ר מקאלוב שליט"א, מיט די חתן א זון פון הרב בערל מייזליש שליט"א, זון פון הגה"צ אבד"ק אוהעל מאנסי שליט"א, און איידעם ביי כ"ק אדמו"ר מקאסאן הילקרעסט שליט"א. – די שמחת החתונה קומט פאר אין עטרת גאלדא זאל אין בארא פארק.
היינט קומט פאר די שמחת החתונה פונעם חתן א זון פון הגה"צ ר' יוסף פאנעט שליט"א, זון פון כ"ק אדמו"ר מדעעש ב"פ שליט"א, און איידעם ביי כ"ק אדמו"ר מטשערקאס שליט"א, מיט די כלה א טאכטער פון הגה"צ ר' משה יחיאל איליאוויטש שליט"א, זון פון הגה"צ גאב"ד יעמערינג שליט"א, און איידעם ביי הגה"צ ר' לייבוש טויב זצ"ל מקאלוב. – די שמחת החתונה קומט פאר אין זאל עטרת חי' שרה אין מאנסי.
היינט קומט פאר די שמחת החתונה פונעם חתן א זון פון הגה"צ ר' קלמן האלבערשטאם שליט"א אדמו"ר מצאנז קרית יואל, איידעם ביי כ"ק אדמו"ר מדזיקוב זצ"ל, מיט די כלה א טאכטער פון הגה"צ ר' שמעון רובין שליט"א, זון פון הגה"צ ר' ישעי' רובין שליט"א אבד"ק קערעסטיר וומס"ב, און איידעם ביי הגה"צ ר' יחזקאל גלאנץ שליט"א אבד"ק בארדיוב. – די שמחת החתונה קומט פאר אין זאל גינת אסתר אין וויליאמסבורג.
היינט קומט פאר די שמחת החתונה פונעם חתן א זון פון הרה"ג ר' שמשון גליק זצ"ל דומ"ץ מונקאטש לאנדאן, איידעם ביי הגה"צ ר' חיים יוסף דוד ווייס שליט"א דומ"ץ סאטמאר אנטווערפן, מיט די כלה א טאכטער פון הרב יוסף יהושע לייפער שליט"א, זון פון כ"ק אדמו"ר מנדבורנא לאנדאן שליט"א, און איידעם ביי הגה"צ ר' יעקב שמשון יאקאבאוויטש שליט"א, איידעם ביי כ"ק אדמו"ר מגארליץ זצ"ל. – די שמחת החתונה קומט פאר אין זאל יסודי התורה אין לאנדאן.
היינט קומט פאר די שמחת החתונה פון א אייניקל ביי כ"ק אדמו"ר מביאלא פשיסחא שליט"א, די כלה א טאכטער פון זיין זון הגה"צ ר' פנחס אלי' ראבינאוויטש שליט"א, איידעם ביי כ"ק אדמו"ר מאוזרוב שליט"א, מיט די חתן א זון פון הרב ישכר דוב ווייס שליט"א פון בני ברק. – די שמחת החתונה קומט פאר אין זאל רויאל אין בני ברק.
שמחת בית מודזיץ: היינט קומט פאר די שמחת השבע ברכות פון א אייניקל ביי כ"ק אדמו"ר ממודזיץ שליט"א, די חתן א זון פון זיין איידעם הרב יוסף שיף שליט"א, זון פון כ"ק אדמו"ר מליזענסק ירושלים זצ"ל, מיט די כלה א טאכטער פון הרב העניך טייטלבוים שליט"א ראש ישיבת אהל תורה לאנדאן, זון פון הגה"צ אבד"ק סלאטפינא זצ"ל, און איידעם ביי הגה"צ ר' אשר אנשיל יונגרייז שליט"א אב"ד תפארת עמרם לאנדאן. – די שמחת השבע ברכות קומט פאר אין בית רחל זאל אין לאנדאן.
שמחת בית קראלי – שענדישוב: עס איז געשלאסן געווארן די שידוך פון א אייניקל ביי כ"ק אדמו"ר מקראלי שליט"א, די חתן א זון פון זיין זון הגה"צ ר' ישכר בער הורוויץ שליט"א, איידעם ביי כ"ק אדמו"ר משענדישוב שליט"א, מיט די כלה א טאכטער פון הגה"צ רבי משה אליעזר בלום שליט"א אבד"ק סיקסא, זון פון הגה"צ ר' שמואל מאיר בלום שליט"א, זון פון הגה"ק מקאשוי זי"ע בעל ברכת שמים.
היינט קומט פאר די שמחת הברית פון א אור אייניקל ביי כ"ק אדמו"ר מקאלוב שליט"א, אייניקל פון זיין זון הגה"צ ר' ישכר דוב טויב שליט"א אב"ד קאלוב וומס"ב, איידעם ביי כ"ק אדמו"ר מדעעש שליט"א, בן הנולד ביי זיין זון הרב נפתלי יחזקאל טויב שליט"א, איידעם ביי הגה"צ ר' חיים מאיר האגער שליט"א אב"ד קרית וויזניץ ב"ב, זון פון כ"ק אדמו"ר מוויזניץ שליט"א, און איידעם ביי הגה"צ אבד"ק נירבאטור שליט"א. – די שמחה קומט פאר אין ביהמ"ד קאלוב אין וויליאמסבורג.
היינט קומט פאר די שמחת הבר מצוה פון א אייניקל ביי כ"ק גאב"ד מאקאווא שליט"א, א זון פון זיין זון הגה"צ ר' משה נתן נטע לעמבערגער שליט"א, איידעם ביי הגה"צ ר' שלמה האפשטיין שליט"א, איידעם ביי כ"ק אדמו"ר מזוועהיל זצ"ל בעל אור אברהם. – די שמחה קומט פאר אין זאל אהל פיגא אין בית שמש.
כ"ק אדמו"ר מבלאזוב שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פון זקינו כ"ק אדמו"ר הרה"ק מבלאזוב זצ"ל וואס געפאלט אויס היינט נאכט בדר"ח חשון, בבית מדרשו אין בארא פארק.
כ"ק אדמו"ר מבלאזוב ריבאטיטש שליט"א וועט היינט נאכט אנקומען קיין לעיקוואד, און אפרעכטן די יארצייט טיש לרגל די הילולא קדישא פון זקינו כ"ק אדמו"ר הרה"ק מבלאזוב זצ"ל וואס געפאלט אויס היינט נאכט בדר"ח חשון, אין זאל עטרת ישעי'.
כ"ק אדמו"ר מקאסוב שליט"א וועט היינט אויפדערנאכט אפרעכטן שולחנו הטהור לכבוד ראש חודש, אין ביהמ"ד קאסוב אין בארא פארק.
ניחום אבלים:
צו די פטירה פון כ"ק הגה"צ גאב"ד ראדאמישלא רמות זצ"ל, זיצן שבעה די בני המשפחה בבית מדרשו אויף רחוב רקאנטי אין רמות ג' אין ירושלים, די קינדער כ"ק אדמו"ר מברעזאן און הרבנים הגאונים שליט"א, די ברידער הרבנים לבית ראדאמישלא, די רעבעצין, טעכטער, און שוועסטער'ס הרבניות תליט"א.
די שוועסטער'ס הרבנית הצדיקת ממאקאווא תליט"א, אשת חבר כ"ק גאב"ד מאקאווא שליט"א, און הרבנית הצדיקת מנדבורנא חיפה תליט"א, אשת חבר כ"ק אדמו"ר מנדבורנא חיפה שליט"א, זיצן שבעה אין שטוב פון כ"ק גאב"ד מאקאווא שליט"א אויף רחוב המגינים אין קרית אתא.
אריינצושיקן מודעות און נייעס, שיקט אן אימעיל צו NEWS@JDNMAIL.COM
