שמחת בית וויזניץ: עס איז געשלאסן געווארן די שידוך פון א אייניקל ביי כ"ק אדמו"ר מוויזניץ שליט"א, די חתן א זון פון זיין יונגסטע איידעם הגה"צ ר' מנחם מענדיל האגער שליט"א, זון פון הגה"צ אבד"ק סערט וויזניץ ירושלים שליט"א, מיט די כלה א טאכטער פון הגה"צ ר' זושא האראנטשיק שליט"א אבד"ק ראדאשיץ בית שמש, איידעם ביי הגה"צ ר' יהודה יחיאל שיינפעלד שליט"א אדמו"ר מטאלטשאווא.
עס איז געשלאסן געווארן די שידוך פונעם חתן א זון פון הגה"צ ר' יעקב יוסף מאיער שליט"א ראש ישיבת בית בנימין סטעמפארד, אייניקל פון הגה"צ אבד"ק אולם זצ"ל, מיט די כלה א טאכטער פון הגה"צ ר' מאיר יודא שפיטץ שליט"א, זון פון הגה"צ ר' יעקב בער שפיטץ שליט"א מביסטריץ, און איידעם ביי הגה"צ ר' שמעון יואל וויינבערגער שליט"א אבד"ק וויטקא.
היינט קומט פאר די שמחת הברית פון א אור אייניקל ביי כ"ק אדמו"ר מתולדות צבי ספינקא שליט"א, אייניקל פון זיין איידעם הגה"צ ר' יוסף דוד יואל טירנויער שליט"א, זון פון כ"ק אדמו"ר מחוסט שליט"א, בן הנולד ביי זיין זון הרב אלי' לייב טירנויער שליט"א, איידעם ביי הגה"צ ר' חיים בנימין כהנא שליט"א מספינקא קרית יואל. – די שמחה קומט פאר אין ביהמ"ד תולדות צבי ספינקא אויף טעטש קט. אין קרית יואל.
כ"ק אדמו"ר מוויען שליט"א וועלכער האט זיך אויפגעהאלטן די לעצטע וואך צייט אין פאלם ספרינגס קאליפארניע אויף אפרוה, קערט זיך היינט צוריק למעון קדשו אין וויליאמסבורג.
היינט ב' חשון געפאלט די יארצייט פון הגה"צ רבי מרדכי חודרוב זצ"ל האדמו"ר מטאלנא וויזניץ, פילע אידן וועלן פוקד זיין דעם ציון הק' אויפן יונייטעד היברו בית עלמין אין סטעטן איילענד.
שמחת בית סאטמאר: דעם שבת קומט פאר די שמחת השבע ברכות פון א אייניקל ביי כ"ק אדמו"ר מסאטמאר שליט"א, די כלה א טאכטער פון זיין איידעם הגה"צ ר' אלעזר טייטלבוים שליט"א ראה"כ סאטמאר וומס"ב, זון פון הגה"צ אבד"ק בית אהרן שליט"א, מיט די חתן א זון פון זיין שוואגער הגה"צ ר' שמעון ישראל מייזליש שליט"א, זון פון כ"ק אדמו"ר משאפראן זצ"ל, און איידעם ביי הגה"צ אבד"ק בית אהרן שליט"א. – די שמחת השבע ברכות קומט פאר אין ביהמ"ד הגדול דקהל יטב לב ד'סאטמאר אויף ראדני סטריט אין וויליאמסבורג.
שמחת בית מאשלוי – קאלוב: דעם שבת קומט פאר די שמחת השבע ברכות פון די כלה א טאכטער ביי כ"ק אדמו"ר ממאשלוי שליט"א, איידעם ביי כ"ק אדמו"ר מקאלוב שליט"א, מיט די חתן א זון פון הרב בערל מייזליש שליט"א, זון פון הגה"צ אבד"ק אוהעל מאנסי שליט"א, און איידעם ביי כ"ק אדמו"ר מקאסאן הילקרעסט שליט"א. – די שמחת השבע ברכות קומט פאר אין ביהמ"ד מאשלוי אין בארא פארק.
שמחת בית מודזיץ: דעם שבת קומט פאר די שמחת השבע ברכות פון א אייניקל ביי כ"ק אדמו"ר ממודזיץ שליט"א, די חתן א זון פון זיין איידעם הרב יוסף שיף שליט"א, זון פון כ"ק אדמו"ר מליזענסק ירושלים זצ"ל, מיט די כלה א טאכטער פון הרב העניך טייטלבוים שליט"א ראש ישיבת אהל תורה לאנדאן, זון פון הגה"צ אבד"ק סלאטפינא זצ"ל, און איידעם ביי הגה"צ ר' אשר אנשיל יונגרייז שליט"א אב"ד תפארת עמרם לאנדאן. – די שמחת השבע ברכות קומט פאר אין בית רחל זאל אין לאנדאן. דער זיידע כ"ק אדמו"ר ממודזיץ שליט"א איז צוגאסט אויף שבת אין לאנדאן לכבוד די שמחה, און וועט אפרעכטן די תפילות און טישן אין זאל פון בית רחל.
שמחת בית באיאן – דזיקוב וויזניץ: דעם שבת קומט פאר די שמחת האויפרוף פון א אייניקל ביי כ"ק אדמו"ר מבאיאן שליט"א, די חתן עלטסטע קינד פון זיין זון הגה"צ ר' מרדכי שלמה ברייאר שליט"א רב חסידי באיאן אין אמעריקע, איידעם ביי כ"ק אדמו"ר מדזיקוב וויזניץ שליט"א, מיט די כלה א טאכטער פון הגה"צ ר' אהרן אויערבאך שליט"א, זון פון הגה"צ ר' מרדכי אויערבאך שליט"א רב ביהמ"ד אביר יעקב אין תל אביב. – די שמחת האויפרוף קומט פאר אין ביהמ"ד הגדול דחסידי באיאן אין ירושלים.
שמחת בית וויזניץ: דעם שבת קומט פאר די שמחת האויפרוף פון א אייניקל ביי כ"ק אדמו"ר מוויזניץ שליט"א פון וויליאמסבורג, די חתן א זון פון זיין איידעם הגה"צ ר' חיים מאיר הורוויץ שליט"א דומ"ץ וויזניץ וומס"ב, מיט די כלה א טאכטער פון הגה"צ ר' לייבוש טויב שליט"א, זון פון הגה"צ ר' ישכר דוב טויב שליט"א אב"ד זכרון נפתלי ארי' נעשכיז, און איידעם ביי כ"ק אדמו"ר מוויזניץ שליט"א פון מאנטריאל. – די שמחת האויפרוף קומט פאר אין ביהמ"ד הגדול וויזניץ אין וויליאמסבורג.
שמחת בית פאפא – סערדאהעלי – בורשטין: דעם שבת קומט פאר די שמחת האויפרוף פונעם חתן א זון פון הגה"צ ר' ישכר דוב כ"ץ שליט"א, זון פון כ"ק אדמו"ר מסערדאהעלי שליט"א, און איידעם ביי הגה"צ אבד"ק בעסערמין זצ"ל, מיט די כלה א טאכטער פון הגה"צ ר' לוי יצחק גרינוואלד שליט"א דומ"ץ פאפא ב"פ, זון פון כ"ק אדמו"ר מפאפא שליט"א, און איידעם ביי כ"ק אדמו"ר מבורשטין שליט"א. – די שמחת האויפרוף קומט פאר אין ביהמ"ד סערדאהעלי אין בארא פארק.
שמחת בית ספינקא – ספינקא ירושלים – טשאקאווא: דעם שבת קומט פאר די שמחת האויפרוף פון א אייניקל ביי כ"ק אדמו"ר מספינקא שליט"א, די חתן א זון פון זיין זון הגה"צ ר' אהרן משה ווייס שליט"א, איידעם ביי הגה"צ אבד"ק מאקאווא ב"ב זצ"ל, מיט די כלה א טאכטער פון הגה"צ ר' חיים שמואל געשטעטנער שליט"א אבד"ק טשאקאווא בראכפעלד, זון פון כ"ק אדמו"ר מטשאקאווא שליט"א, און איידעם ביי כ"ק אדמו"ר מספינקא ירושלים שליט"א. – די שמחת האויפרוף קומט פאר אין ספינקא בית המדרש אויף רחוב דונולו אין בני ברק.
שמחת בית סקווירא מב"פ: דעם שבת קומט פאר די שמחת האויפרוף פונעם חתן א זון פון כ"ק אדמו"ר מסקווירא מב"פ שליט"א, מיט די כלה א טאכטער פונעם רבינ'ס ברודער הגה"צ ר' פנחס טווערסקי שליט"א, איידעם ביי הגה"צ ר' דוד משה טווערסקי שליט"א מטריסק לאנדאן. – די שמחת האויפרוף קומט פאר אין די ליפשיץ זאל אין בארא פארק.
שמחת בית קרעטשניף קרית גת: דעם שבת קומט פאר די שמחת האויפרוף פונעם חתן א זון פון כ"ק אדמו"ר מקרעטשניף קרית גת שליט"א, איידעם ביי כ"ק אדמו"ר מפאריסוב זצ"ל, מיט די כלה א טאכטער פון הרב ישראל יצחק סאפרין שליט"א, זון פון כ"ק אדמו"ר מקאמארנא שליט"א פון בית שמש, און איידעם ביי כ"ק אדמו"ר מאשלג זצ"ל פון אבן עזרא. – די שמחת האויפרוף קומט פאר אין קרעטשניפער בית המדרש אין קרית גת.
שמחת בית קאשוי – טענקא – טערצאל: דעם שבת קומט פאר די שמחת האויפרוף פון א אייניקל ביי כ"ק אדמו"ר מקאשוי שליט"א, די חתן א זון פון זיין איידעם הגה"צ ר' יהושע העשיל ראזנער שליט"א, זון פון הגה"צ אבד"ק טערצאל שליט"א, מיט די כלה א טאכטער פון הגה"צ ר' זלמן שווארץ שליט"א ראה"כ וויזניץ בארא פארק, זון פון הגה"צ ר' אברהם יונה שווארץ שליט"א גאב"ד וויען עסטרייך, און איידעם ביי כ"ק הגה"צ גאב"ד טענקא שליט"א. – די שמחת האויפרוף קומט פאר אין ביהמ"ד טערצאל אין מאנסי. דער זיידע כ"ק אדמו"ר מקאשוי שליט"א איז צוגאסט אויף שבת אין מאנסי לכבוד די שמחה, און וועט אפרעכטן שלש סעודות בבית מדרשו התאחדות אברכים ברכת שמים קאשוי.
דעם שבת קומט פאר די שמחת האויפרוף פון חתן כלה אייניקלעך פון כ"ק הגה"צ בעל אור שלום מוויזניץ זצ"ל, די חתן א זון פון זיין איידעם הגה"צ ר' יעקב יוסף פיש שליט"א, זון פון כ"ק אדמו"ר מביקסאד שליט"א, מיט די כלה א טאכטער פון זיין איידעם הגה"צ ר' ברוך בעק שליט"א, זון פון כ"ק אדמו"ר מטשערקאס שליט"א. – די שמחת האויפרוף קומט פאר אין ביהמ"ד הגדול וויזניץ אין בארא פארק. דער זיידע כ"ק אדמו"ר מביקסאד שליט"א איז צוגאסט אויף שבת אין בארא פארק לכבוד די שמחה.
דעם שבת קומט פאר די שמחת האויפרוף פונעם חתן א זון פון הגה"צ ר' ישראל דוד ניישלאס שליט"א דומ"ץ ברעזנא וראה"כ קארלסבורג, זון פון הגה"צ אבד"ק ברעזנא שליט"א, און איידעם ביי כ"ק אדמו"ר מזימיגראד שליט"א, מיט די כלה א טאכטער פון הגה"צ ר' ישראל דוב סטרולאוויטש שליט"א אב"ד בוטשאטש לעיקוואד, איידעם ביי הגה"צ ר' מענדיל טאגער שליט"א אב"ד לעלוב לאנדאן. – די שמחת האויפרוף קומט פאר אין ביהמ"ד אפסי ארץ ברעזנא אין בארא פארק.
דעם שבת קומט פאר די שמחת הקידושא רבא פון א אייניקל ביי כ"ק אדמו"ר מבאבוב שליט"א, א טאכטער פון זיין זון הגה"צ ר' יחזקאל שרגא האלבערשטאם שליט"א, איידעם ביי הגה"צ ר' אברהם ברוך הורוויץ שליט"א, זון פון הגה"צ ר' חיים יעקב הורוויץ שליט"א מציעשנוב, און איידעם ביי הגה"צ אבד"ק סאדאוונא זצ"ל. – די שמחה קומט פאר אין ביהמ"ד הגדול באבוב אין בארא פארק.
כ"ק אדמו"ר מטאהש שליט"א וויילט דעם שבת אין אפ נארט קאנאדע אויף אפרוה.
כ"ק אדמו"ר מוויזניץ שליט"א פון בית שמש איז צוגאסט אויף דעם שבת אין שטאט ליזענסק אין פוילין, אינאיינעם מיט די חסידים תומכי המוסדות, אין ראם פון די מסע הקודש בני היכלא.
כ"ק אדמו"ר מבוהוש שליט"א איז צוגאסט אויף דעם שבת אין שטאט בוהוש אין ראמעניע, לרגל די יומא דהילולא קדישא פונעם הייליגן רוזינער זי"ע, די תפילות און טישן קומען פאר אינעם נאסטאלגישן אלטן קלויז פון די פריערדיגע בוהוש'ער רביים.
כ"ק אדמו"ר מקוידינוב שליט"א איז צוגאסט אויף דעם שבת אין באלטימאר לטובת מוסדותיו הקדושים, די תפילות און טישן קומען פאר אין ביהמ"ד מרכז תורה ותפלה, בנשיאות כ"ק אדמו"ר מזידטשויב באלטימאר שליט"א.
כ"ק אדמו"ר מסאדיגורא ירושלים שליט"א איז צוגאסט אויף דעם שבת אין שטאט סאדיגורא אין אוקראינע, לרגל די יומא דהילולא קדישא פונעם הייליגן רוזינער זי"ע.
כ"ק אדמו"ר מזלאטשוב נתני' שליט"א איז צוגאסט אויף שבת אין חיפה לרגל די שמחת הבר מצוה פון א אייניקל.
כ"ק אדמו"ר מלינסק שליט"א איז צוגאסט אויף שבת אין ירושלים לרגל די שמחת השלום זכר פון א אייניקל.
הגה"צ המשפיע ר' יצחק משה ערלאנגער שליט"א איז צוגאסט אויף דעם שבת אין אנטווערפן, בצל הקודש פון כ"ק אדמו"ר מפשעווארסק שליט"א.
דעם שבת קומט פאר די שבת חנוכת הבית פון די נייע קלויז אור ישראל דחסידי סאדיגורא אין לאנדאן, אין שפיץ פון כ"ק אדמו"ר מסאדיגורא לאנדאן שליט"א, ביומא דהילולא קדישא פונעם הייליגן רוזינער זי"ע.
דעם שבת קומט פאר די פתיחת שערים פאר די נייע ביהמ"ד לב אהרן דקהל יטב לב ד'סאטמאר אין בארא פארק, אינעם צייטווייליגן לאקאציע אין בנין פון ישיבה קטנה אמרי חיים וויזניץ בנין לעבאוויטש אויף די זעכציגסטע סטריט, אין שפיץ פון הגה"צ ר' שאול יחזקאל שווארץ שליט"א דומ"ץ הביהמ"ד.
אריינצושיקן מודעות און נייעס, שיקט אן אימעיל צו NEWS@JDNMAIL.COM
