שמחת בית וויזניץ – ביקסאד – טשערקאס: היינט קומט פאר די שמחת החתונה פון חתן כלה אייניקלעך פון כ"ק הגה"צ בעל אור שלום מוויזניץ זצ"ל, די חתן א זון פון זיין איידעם הגה"צ ר' יעקב יוסף פיש שליט"א, זון פון כ"ק אדמו"ר מביקסאד שליט"א, מיט די כלה א טאכטער פון זיין איידעם הגה"צ ר' ברוך בעק שליט"א, זון פון כ"ק אדמו"ר מטשערקאס שליט"א. – די שמחת החתונה קומט פאר אין זאל אור החיים וויזניץ אין בארא פארק.
שמחת בית באיאן: היינט קומט פאר די שמחת השבע ברכות פון א אייניקל ביי כ"ק אדמו"ר מבאיאן שליט"א, די חתן עלטסטע קינד פון זיין זון הגה"צ ר' מרדכי שלמה ברייאר שליט"א רב חסידי באיאן אין אמעריקע, איידעם ביי כ"ק אדמו"ר מדזיקוב וויזניץ שליט"א, מיט די כלה א טאכטער פון הגה"צ ר' אהרן אויערבאך שליט"א, זון פון הגה"צ ר' מרדכי אויערבאך שליט"א רב ביהמ"ד אביר יעקב אין תל אביב, און איידעם ביי הגה"צ ר' אליהו שטערנבוך זצ"ל ראב"ד אנטווערפן, איידעם ביי הרה"ק בעל מקור ברוך מסערט וויזניץ זי"ע. – די שמחת השבע ברכות קומט פאר געאייגענט פאר די חסידים וואס זענען געקומען צו פארן פון אמעריקע לכבוד די שמחה.
שמחת בית בורשטין: עס איז געשלאסן געווארן די שידוך פון א אייניקל ביי כ"ק אדמו"ר מבורשטין שליט"א, די חתן א זון פון בנו הגדול הגה"צ רבי שלמה יעקב זיידא אייכענשטיין שליט"א דומ"ץ בורשטין, איידעם ביי הגה"צ אבד"ק תולדות אהרן וומס"ב זצ"ל, מיט די כלה א טאכטער פון הגה"צ ר' יקותיאל טייטלבוים שליט"א, זון פון הגה"צ ר' שמואל טייטלבוים זצ"ל ראה"כ מעוררי השחר, און איידעם ביי הגה"צ ר' יואל צבי שטיינמעטץ שליט"א אבד"ק באגאד.
עס איז געשלאסן געווארן די שידוך פונעם חתן א זון פון הרב דוד פנחס מענדלאוויטש שליט"א, זון פון הגה"צ אבד"ק לאדאני שליט"א, און איידעם ביי הגה"צ אבד"ק מאנטיוואדעיא שליט"א, מיט די כלה א טאכטער פון הרב יואל שטויבער שליט"א, איידעם ביי הגה"צ אבד"ק מיהאלדי שליט"א.
עס איז געשלאסן געווארן די שידוך פונעם חתן א זון פון הרב חיים יודא קרויס ז"ל, זון פון הגה"צ ר' אהרן קרויס שליט"א אבד"ק בית שמואל, מיט די כלה א טאכטער פון הרב ליפא מייזעלס שליט"א, זון פון הגה"צ אבד"ק אבני שלמה זצ"ל, און איידעם ביי הגה"צ ר' שמואל שמעלקא קליין שליט"א אבד"ק צרור החיים סעליש קרית יואל.
היינט קומט פאר די שמחת החתונה פונעם חתן א זון פון הגה"צ ר' משה בלומינג שליט"א רב ביהמ"ד שבט הלוי אין רמת שלמה, איידעם ביי הגה"צ ר' בנציון יעקב הלוי וואזנער שליט"א אבד"ק שבט הלוי בית שמש, מיט די כלה א טאכטער פון הגה"צ ר' ישראל יעקב אונסדארפער שליט"א, זון פון הגה"צ ר' שלמה זלמן אונסדארפער שליט"א אדמו"ר מזלאזשיץ, און איידעם ביי הגה"צ אבד"ק ערלוי צפת זצ"ל. – די שמחה קומט פאר אין הכרמים זאל אין בית שמש.
היינט קומט פאר א גרויסע עצרת מחאה פארנט פון די ציוניסטישע קאנסולאט אין מאנטריאל קאנאדע, במקהלות אלפי תושבי העיר און די ארטיגע רבנים, אין ליכט פון די שרעקליכע רדיפת הדת בארץ הקודש.
כ"ק אדמו"ר מביאלא שליט"א וועט היינט אויפדערנאכט אפרעכטן די יארצייט טיש לרגל די יומא דהילולא קדישא פון זקינו הרה"ק רבי נתן דוד משידלובצא זי"ע, און זיין אייניקל הרה"ק רבי ירחמיאל צבי משעדליץ זי"ע, אין ביהמ"ד הגדול ביאלא אין ירושלים.
אריינצושיקן מודעות און נייעס, שיקט אן אימעיל צו NEWS@JDNMAIL.COM
