ערב שבת פרשת לך לך:

היינט קומט פאר די מעמד עלי' לציון אויפן הר המנוחות, ביים ציון הק' פון הגה"ק מטשעבין זי"ע בעל כוכב מיעקב, לקראת די הילולא קדישא וואס געפאלט דעם שבת קודש י' חשון, שבת נאכמיטאג וועט פארקומען די קידושא רבא און די צענטראלע סעודת הילולא ביי שלש סעודות בהיכל ישיבת טשעבין אין ירושלים.

היינט קומט פאר אין די שמחת הברית פון א אור אייניקל ביי כ"ק אדמו"ר מספינקא שליט"א, אייניקל פון זיין איידעם הגה"צ ר' זלמן לייב מייזליש שליט"א מו"ץ בקהל יטב לב ד'סאטמאר ב"פ, זון פון הגה"צ גאב"ד סאטמאר ב"פ שליט"א, בן הנולד ביי זיין זון הרב יעקב יוסף מייזליש שליט"א, אידיעם ביי הגה"צ ר' אברהם יודא לעוו שליט"א גאב"ד תפארת אליעזר. – די שמחה קומט פאר אין ספינקא בית המדרש אין בארא פארק.

עס איז געשלאסן געווארן די שידוך פונעם חתן א זון פון הגה"צ ר' יעקב יוסף גרינפעלד שליט"א אבד"ק סעמיהאי לאנדאן, זון פון הגה"צ רבי יהודה גרינפעלד זצ"ל מסעמיהאלי ודומ"ץ בעלזא אנטווערפן, און איידעם ביי הגה"צ ר' דוד היילפערין שליט"א גאב"ד הענדאן, מיט די כלה א טאכטער פון הגה"צ ר' מאיר שיינפעלד שליט"א, זון פון הגה"צ ר' יהודה יחיאל שיינפעלד שליט"א אדמו"ר מטאלטשאווא, און איידעם ביי כ"ק אדמו"ר מלעלוב ניקלשבורג שליט"א.

שבת פרשת לך לך:

שמחת בית באבוב 45: דעם שבת קומט פאר די שמחת השבע ברכות פון א אייניקל ביי כ"ק אדמו"ר מבאבוב 45 שליט"א, די כלה א טאכטער פון זיין עלטסטן איידעם הגה"צ ר' חיים ברוך האלבערשטאם שליט"א, זון פון הגה"צ ר' בנציון אברהם האלבערשטאם שליט"א אבד"ק בית אברהם פאקשעוויץ, מיט די חתן א זון פון הגה"צ ר' יהושע פרץ הורוויץ שליט"א, זון פון הגה"צ אבד"ק זרע קודש וראש ישיבת בית מאיר שליט"א, און איידעם ביי הגה"צ ר' ישעי' תאומים פרענקל שליט"א רב דקהל קדושי קראקא בני ברק. – די שמחת השבע ברכות קומט פאר אין יוניאן ניו דזשערזי, דער זיידע כ"ק אדמו"ר מבאבוב 45 שליט"א איז צוגאסט אויף שבת אין יוניאן לכבוד די שמחה.

שמחת בית באיאן – דזיקוב וויזניץ: דעם שבת קומט פאר די שמחת השבע ברכות פון א אייניקל ביי כ"ק אדמו"ר מבאיאן שליט"א, די חתן עלטסטע קינד פון זיין זון הגה"צ ר' מרדכי שלמה ברייאר שליט"א רב חסידי באיאן אין אמעריקע, איידעם ביי כ"ק אדמו"ר מדזיקוב וויזניץ שליט"א, מיט די כלה א טאכטער פון הגה"צ ר' אהרן אויערבאך שליט"א, זון פון הגה"צ ר' מרדכי אויערבאך שליט"א רב ביהמ"ד אביר יעקב אין תל אביב. – די שמחת השבע ברכות קומט פאר אין ביהמ"ד הגדול דחסידי באיאן אין ירושלים.

שמחת בית פאפא – סערדאהעלי – בורשטין: דעם שבת קומט פאר די שמחת השבע ברכות פונעם חתן א זון פון הגה"צ ר' ישכר דוב כ"ץ שליט"א, זון פון כ"ק אדמו"ר מסערדאהעלי שליט"א, און איידעם ביי הגה"צ אבד"ק בעסערמין זצ"ל, מיט די כלה א טאכטער פון הגה"צ ר' לוי יצחק גרינוואלד שליט"א דומ"ץ פאפא ב"פ, זון פון כ"ק אדמו"ר מפאפא שליט"א, און איידעם ביי כ"ק אדמו"ר מבורשטין שליט"א. – די שמחת השבע ברכות קומט פאר אין ביהמ"ד הגדול פאפא אין וויליאמסבורג. 

שמחת בית וויזניץ: דעם שבת קומט פאר די שמחת השבע ברכות פון א אייניקל ביי כ"ק אדמו"ר מוויזניץ שליט"א פון וויליאמסבורג, די חתן א זון פון זיין איידעם הגה"צ ר' חיים מאיר הורוויץ שליט"א דומ"ץ וויזניץ וומס"ב, מיט די כלה א טאכטער פון הגה"צ ר' לייבוש טויב שליט"א, זון פון הגה"צ ר' ישכר דוב טויב שליט"א אב"ד זכרון נפתלי ארי' נעשכיז, און איידעם ביי כ"ק אדמו"ר מוויזניץ שליט"א פון מאנטריאל. – די שמחת השבע ברכות קומט פאר אין ביהמ"ד הגדול וויזניץ אין מאנטריאל. דער זיידע כ"ק אדמו"ר מוויזניץ שליט"א פון וויליאמסבורג איז צוגאסט אויף שבת אין מאנטריאל לכבוד די שמחה, און וועט אפרעכטן די תפילות און טישן אינאיינעם מיטן ברודער און מחותן כ"ק אדמו"ר מוויזניץ שליט"א פון מאנטריאל.

שמחת בית וויזניץ – ביקסאד – טשערקאס: דעם שבת קומט פאר די שמחת השבע ברכות פון חתן כלה אייניקלעך פון כ"ק הגה"צ בעל אור שלום מוויזניץ זצ"ל, די חתן א זון פון זיין איידעם הגה"צ ר' יעקב יוסף פיש שליט"א, זון פון כ"ק אדמו"ר מביקסאד שליט"א, מיט די כלה א טאכטער פון זיין איידעם הגה"צ ר' ברוך בעק שליט"א, זון פון כ"ק אדמו"ר מטשערקאס שליט"א.  – די שמחת השבע ברכות קומט פאר אין וויזניצע בית המדרש אין בארא פארק.

שמחת בית סקווירא מב"פ: דעם שבת קומט פאר די שמחת השבע ברכות פונעם חתן א זון פון כ"ק אדמו"ר מסקווירא מב"פ שליט"א, מיט די כלה א טאכטער פונעם רבינ'ס ברודער הגה"צ ר' פנחס טווערסקי שליט"א, איידעם ביי הגה"צ ר' דוד משה טווערסקי שליט"א מטריסק לאנדאן. – די שמחת השבע ברכות קומט פאר אין זאל עטרת גאלדא אין בארא פארק.

שמחת בית קרעטשניף קרית גת - קאמארנא: דעם שבת קומט פאר די שמחת השבע ברכות פונעם חתן א זון פון כ"ק אדמו"ר מקרעטשניף קרית גת שליט"א, איידעם ביי כ"ק אדמו"ר מפאריסוב זצ"ל, מיט די כלה א טאכטער פון הרב ישראל יצחק סאפרין שליט"א, זון פון כ"ק אדמו"ר מקאמארנא שליט"א פון בית שמש, און איידעם ביי כ"ק אדמו"ר מאשלג זצ"ל פון אבן עזרא. – די שמחת השבע ברכות קומט פאר אין ביהמ"ד קאמארנא אויף רחוב דבורה הנביאה אין בית שמש.

שמחת בית קאשוי – טענקא – טערצאל: דעם שבת קומט פאר די שמחת השבע ברכות פון א אייניקל ביי כ"ק אדמו"ר מקאשוי שליט"א, די חתן א זון פון זיין איידעם הגה"צ ר' יהושע העשיל ראזנער שליט"א, זון פון הגה"צ אבד"ק טערצאל שליט"א, מיט די כלה א טאכטער פון הגה"צ ר' זלמן שווארץ שליט"א ראה"כ וויזניץ בארא פארק, זון פון הגה"צ ר' אברהם יונה שווארץ שליט"א גאב"ד וויען עסטרייך, און איידעם ביי כ"ק הגה"צ גאב"ד טענקא שליט"א. – די שמחת השבע ברכות קומט פאר אין ביהמ"ד טענקא אין בארא פארק.

שמחת בית ערלוי – קוסוב וויזניץ: דעם שבת קומט פאר די שמחת האויפרוף פון א אייניקל ביי כ"ק אדמו"ר מערלוי שליט"א, די חתן א זון פון בנו יחידו הגה"צ ר' שלום צבי סופר שליט"א, איידעם ביי כ"ק אדמו"ר מקוסוב וויזניץ שליט"א, מיט די כלה א טאכטער פון הגה"צ ר' טובי' ליבערמאן שליט"א, זון פון הגה"צ ר' יהושע ליבערמאן שליט"א ראש ישיבת שומרי החומות, און איידעם ביי הגה"צ גאב"ד קרית צאנז ירושלים שליט"א. – די שמחת האויפרוף קומט פאר אין ביהמ"ד הגדול ערלוי אין די קטמון געגנט אין ירושלים.

שמחת בית קראלי – ברעזאן – זלאטשוב: דעם שבת קומט פאר די שמחת האויפרוף פון א אייניקל ביי כ"ק אדמו"ר מקראלי שליט"א, די חתן א זון פון זיין איידעם הגה"צ ר' אברהם ברוך פריעדמאן שליט"א, זון פון הגה"צ אבד"ק ברעזאן שליט"א, זון פון הגה"צ אבד"ק אולם שליט"א, און איידעם ביי הגה"צ אבד"ק זאליזשא שליט"א, מיט די כלה א טאכטער פון הגה"צ ר' ישכר דוב בעריש מאסקאוויטש שליט"א דומ"ץ זלאטשוב וומס"ב, זון פון כ"ק אדמו"ר מזלאטשוב שליט"א, און איידעם ביי הגה"צ אבד"ק תולדות אהרן וומס"ב זצ"ל. – די שמחת האויפרוף קומט פאר אין ביהמ"ד קראלי אין וויליאמסבורג.

שמחת בית ראחוב – ספינקא: דעם שבת קומט פאר די שמחת האויפרוף פונעם חתן א זון פון כ"ק אדמו"ר מראחוב שליט"א, מיט די כלה א טאכטער פון הגה"צ ר' אשר יונה הורוויץ שליט"א, זון פון כ"ק אדמו"ר מבית יצחק ספינקא שליט"א, און איידעם ביי הגה"צ ר' בערל בעק שליט"א אב"ד מאדא. – די שמחת האויפרוף קומט פאר אין ביהמ"ד ראחוב אין רמת גן.

שמחת בית לעלוב: דעם שבת קומט פאר די שמחת האויפרוף פון א אייניקל ביי כ"ק אדמו"ר מלעלוב ירושלים שליט"א, די חתן א זון פון זיין זון הרב יעקב יצחק בידערמאן שליט"א, איידעם ביי הגה"צ ר' אהרן לייב מאלבוצקי שליט"א מלעכאוויטש, מיט די כלה א אייניקל ביי כ"ק אדמו"ר מלעלוב שליט"א, טאכטער פון זיין איידעם הרב פנחס נפתלי ענגלענדער שליט"א, זון פון הגה"צ ר' שלום צבי ענגלענדער שליט"א ראה"כ להוראה דחסידי מאחנובקא בעלזא לאנדאן. – די שמחת האויפרוף קומט פאר אין ביהמ"ד לעלוב אין די בית ישראל געגנט אין ירושלים.

שמחת בית ראחמיסטריווקא – טשעבין: דעם שבת קומט פאר די שמחת האויפרוף פונעם חתן א זון פון הגה"צ ר' שמואל דוד שניאורסאן שליט"א משגיח ישיבת טשעבין, זון פון הגה"צ ראש ישיבת טשעבין שליט"א, און איידעם ביי הגה"צ ר' וועלוויל טווערסקי זצ"ל מראחמיסטריווקא, מיט די כלה א טאכטער פון כ"ק אדמו"ר מראחמיסטריווקא שליט"א פון ספרינג וואלי, איידעם ביי הגה"צ אבד"ק ראחמיסטריווקא מאנסי שליט"א. – די שמחת האויפרוף קומט פאר בהיכל ישיבת טשעבין אין ירושלים. 

דעם שבת קומט פאר די שמחת האויפרוף פונעם חתן א זון פון הגה"צ ר' מרדכי רוקח שליט"א אדמו"ר מקאזלאוו ב"פ, איידעם ביי כ"ק אדמו"ר מקאליש זצ"ל, מיט די כלה א טאכטער פון הרב חיים שלמה זינגער שליט"א, זון פון הגה"צ אבד"ק וראש ישיבת אלכסנדר שליט"א, און איידעם ביי הגה"צ אבד"ק קאלאמייא שליט"א, אור אייניקל פון כ"ק אדמו"ר מסטריזוב שליט"א. – די שמחת האויפרוף קומט פאר אין ביהמ"ד קאזלאוו אין בארא פארק.

דעם שבת קומט פאר די שמחת השלום זכר און ברית מילה פונעם ערשטן אייניקל ביי כ"ק אדמו"ר מספינקא בית שמש שליט"א, בן הנולד ביי זיין איידעם הרב יעקב דוד ראבינאוויטש שליט"א, זון פון הגה"צ ר' משה ראבינאוויטש שליט"א, זון פון כ"ק אדמו"ר מביאלא פשיסחא שליט"א, און איידעם ביי כ"ק אדמו"ר מזלאזשיץ שליט"א. – די שמחה קומט פאר אין ספינקא בית המדרש אין די רמה ד' געגנט אין בית שמש.

כ"ק אדמו"ר מפשעווארסק שליט"א וויילט דעם שבת אין חלדודנא ענגלאנד אויף אפרוה.

כ"ק אדמו"ר מוויזניץ שליט"א וויילט דעם שבת אין מושב אורה נעבן ירושלים אויף אפרוה.

כ"ק אדמו"ר מוויזניץ שליט"א וויילט דעם שבת אין שווייץ אויף אפרוה.

כ"ק אדמו"ר מסערט וויזניץ שליט"א וועלכער איז צוגאסט די טעג אין ניו יארק בקרב חסידיו, וועט פראווענען דעם שבת אויף א גרויסע פארנעם אין שטאט בארא פארק, בבית מדרשו פון זיין איידעם כ"ק אדמו"ר מקאסוב שליט"א.

כ"ק אדמו"ר מזוועהיל שליט"א וועלכער איז צוגאסט די טעג אין ניו יארק, וועט וויילן דעם שבת אין שיכון סקווירא, בצל הקודש פון זיין עלטער פעטער כ"ק אדמו"ר מסקווירא שליט"א.

כ"ק אדמו"ר מסקולען שליט"א פון ירושלים איז צוגאסט אויף דעם שבת אין לאס אנדזשעלעס לטובת מוסדותיו הקדושים, די אכסניא איז אין שטוב פון הנגיד החסיד ר' בערל ווייס הי"ו.

כ"ק אדמו"ר ממבקשי אמונה שליט"א איז צוגאסט אויף דעם שבת אין מאנסי, די תפילות און טישן קומען פאר אין ביהמ"ד זוועהיל אויף וועסט מעיפל, די אכסניא איז אין שטוב פון הנגיד החסיד ר' שמואל הורוויץ הי"ו.

כ"ק אדמו"ר מטאלנא שליט"א פון אשדוד איז צוגאסט אויף דעם שבת אין שיכון סקווירא, בצל הקודש פון כ"ק אדמו"ר מסקווירא שליט"א.

כ"ק אדמו"ר מסקאליע שליט"א וויילט דעם שבת אין אריזאנע אויף אפרוה.

כ"ק אדמו"ר מלעלוב ניקלשבורג שליט"א איז צוגאסט אויף דעם שבת אין עיה"ק טבריה אויף אפרוה.

הגה"צ אבד"ק סאטמאר וומס"ב שליט"א איז צוגאסט אויף שבת אין בארא פארק לרגל די שמחת הקידושא רבא פון א אייניקל, און וועט אפרעכטן די תפילות, באטע, און שלש סעודות, איינגעטיילט אין די סאטמארע בתי מדרשים אין שטאט.

הגה"צ ר' שלמה צבי אלתר שליט"א בן כ"ק אדמו"ר מגור שליט"א איז צוגאסט אויף דעם שבת בקרב חסידי גור אין בארא פארק, און וועט אפרעכטן די תפילות און שלש סעודות אין די בית החסידים ברכת אליהו.

אריינצושיקן מודעות און נייעס, שיקט אן אימעיל צו NEWS@JDNMAIL.COM