היינט זונטאג האט זיך אנגעהויבן א פרישע נסיעה לטובת דעם וועלט באקאנטן "קרן עולם התורה" וואס ווערט געפירט דורך די גדולי הדור, אוועקצושטעלן א פינאנציעלע בודזשעט פאר די ישיבות און כוללים בארץ הקודש, וואס האבן פארלוירן גרויסע שטיצע פון די ארטיגע רעגירונג אין ליכט פון די שרעקליכע גזירת הגיוס.
די גדולי הדור וואס רעכנט אריין כ"ק אדמו"ר מראחמיסטריווקא שליט"א, הגאון הגדול רבי דוב לאנדא שליט"א ראש ישיבת סלאבאדקע, הגאון הגדול רבי שמעון גלאי שליט"א, הגאון הגדול רבי אברהם סאלים שליט"א ראש ישיבת מאור התורה, און נאך חשובע ראשי ישיבות, זענען ארויסגעפארן היינט פארמיטאג פון די לוד לופטפעלד אין ארץ ישראל, ווען הגאון הגדול רבי משה הלל הירש שליט"א ראש ישיבת סלאבאדקע וועלכער האט זיך נישט געקענט באטייליגן אין די נסיעה, האט מיטגעשיקט א ספעציעלע בריוו לטובת דעם קרן.
היינט זונטאג דורכ'ן טאג טוען די גדולי הדור באשיינען א רייע מסיבות און מעמדים אין די באקאנטע שטאט "ציריך", און מארגן מאנטאג וועט די רייזע פארזעצן צום שטאט "גענף", וואו עס וועט ווידער פארקומען א רייע מסיבות און מעמדי קבלת פנים לכבודם הרמה.
