ערשטע חתונה אין ארץ ישראל פון א אור אייניקל ביי האדמו"ר מוויזניץ לרפו"ש, און אייניקל ביי האדמו"ר מוויזניץ בית שמש
היינט איז באשטעטיגט געווארן די פלענער פאר א געהויבענע מסע הקודש וואס כ"ק אדמו"ר מוויזניץ שליט"א פון קייאמישע וועט אונטערנעמען קיין ארץ ישראל, אין דריי חדשים ארום קומענדיגן חודש שבט, לפאר על ראש שמחותיו, צו באשיינען צוויי שמחות במעון קדשו, די שמחת החתונות פון צוויי אייניקלעך וואס וועט בעז"ה פארקומען אין ארץ ישראל.
קומענדיגן פרשת יתרו וועט בעז"ה פארקומען די שמחת החתונה פון א אייניקל ביים רבי'ן, די חתן א זון פון זיין איידעם הגה"צ ר' דוד טווערסקי שליט"א אבד"ק טשערנאביל בית שמש, זון פון כ"ק אדמו"ר מטשערנאביל שליט"א. און אצינד איז באשטעטיגט געווארן די זמן החתונה פון נאך א חתונה במעון קדשו, די חתן א זון פון זיין זון הגה"צ ר' ישראל האגער שליט"א ראש ישיבת בנין אבות וויזניץ קייאמישע, איידעם ביי כ"ק אדמו"ר מוויזניץ שליט"א פון בית שמש.
דער רבי שליט"א וועט זיך ארויסלאזן אין וועג ממעון קדשו אין קרית וויזניץ קייאמישע לעיק, אנהייב וואך פרשת בשלח, באלד נאכן שמחת האויפרוף און פארשפיל פון נכדו החתן, בן בנו הגה"צ ר' ישראל האגער שליט"א, וואס וועט פארקומען שבת פרשת בא אין קרית וויזניץ קייאמישע לעיק.
מיטוואך פרשת בשלח י' שבט וועט פארקומען די שמחת החתונה ברוב פאר והדר אין ביהמ"ד הגדול אין קרית וויזניץ בני ברק, די חתן איז א אייניקל פון דריי וויזניצע רביים, די צוויי ברידער כ"ק האדמורי"ם מוויזניץ פון קייאמישע און בית שמש, און א אור אייניקל פון כ"ק אדמו"ר מוויזניץ שליט"א לרפואה שלימה, און די כלה איז א טאכטער פון הגה"צ ר' יוסף מאיר כהנא שליט"א, זון פון הגה"צ ר' שלמה שמואל כהנא שליט"א אדמו"ר מספינקא ירושלים.
ספעציעל גרייטן זיך חסידי וויזניץ בארץ הקודש צו די פרייליכע שמחה, ווען צום ערשטן מאל וועט פארקומען אין ארץ ישראל א חתונה פון א אור אייניקל ביים וויזניצער רבי'ן שליט"א, בצל הקודש פונעם רבי'ן אינעם גרויסן היכל פון בית וויזניץ אין קרית וויזניץ בני ברק. אזוי אויך וועט עס זיין דאס ערשטע מאל וואס עס וועט פארקומען אין ארץ ישראל א חתונה פון א אייניקל ביים וויזניצער רבי'ן שליט"א פון בית שמש, און די שבת שבע ברכות וועט בעז"ה געפראוועט ווערן בחצר הקודש וויזניץ אין בית שמש, אין שפיץ פון די צוויי זיידעס כ"ק האדמורי"ם מוויזניץ שליט"א פון קייאמישע און בית שמש, קומענדיגן פרשת בשלח שבת שירה.
א טאג נאך די חתונה, דאנערשטאג פרשת בשלח, וועט דער וויזניצער רבי פון קייאמישע באשיינען די שמחת הבר מצוה פון א אייניקל, א זון פון זיין איידעם הגה"צ ר' דוד טווערסקי שליט"א אבד"ק טשערנאביל בית שמש, זון פון כ"ק אדמו"ר מטשערנאביל שליט"א, וואס וועט פארקומען אין ביהמ"ד הגדול טשערנאביל אין בני ברק.
א וואך דערויף, מיטוואך פרשת יתרו י"ז שבט, וועט דער וויזניצער רבי פון קייאמישע ווידער באשיינען די שמחת החתונה במעון קדשו, די חתן א זון פון זיין איידעם הגה"צ ר' דוד טווערסקי שליט"א אבד"ק טשערנאביל בית שמש, זון פון כ"ק אדמו"ר מטשערנאביל שליט"א, מיט די כלה א אייניקל פון כ"ק אדמו"ר מלויעוו טשערנאביל שליט"א. די נאכפאלגענדע שבת פרשת יתרו שבת שבע ברכות וועט דער וויזניצער רבי פון קייאמישע פראווענען אינעם עיר התורה והחסידות בני ברק, און דערנאך נאך צוויי פולע וואכן וויילן בארץ הקודש, זיך אומקערן אהיים למעון קדשו אין קרית וויזניץ קייאמישע לעיק.
