שמחת בית וויזניץ: דעם שבת קומט פאר די שמחת האויפרוף פון א אייניקל ביי כ"ק אדמו"ר מוויזניץ שליט"א פון קייאמישע, די חתן א זון פון זיין איידעם הגה"צ ר' יהושע פיש שליט"א, זון פון כ"ק אדמו"ר מביקסאד שליט"א, מיט די כלה א טאכטער פון הגה"צ ר' יוחנן טווערסקי שליט"א, זון פון הגה"צ ר' דוד טווערסקי שליט"א אבד"ק ראחמיסטריווקא ירושלים, און איידעם ביי כ"ק אדמו"ר מתולדות מרדכי שליט"א, זון פון הגה"צ אבד"ק ראחמיסטריווקא מאנסי שליט"א, און איידעם ביי כ"ק אדמו"ר מלויעוו טשערנאביל שליט"א. – די שמחת האויפרוף קומט פאר אין ביהמ"ד הגדול אין קרית וויזניץ קייאמישע לעיק, דער זיידע כ"ק אדמו"ר מביקסאד שליט"א איז צוגאסט אויף שבת אין קרית וויזניץ קייאמישע לכבוד די שמחה.
שמחת בית ראחמיסטריווקא: דעם שבת קומט פאר די שמחת השבע ברכות פון די כלה א טאכטער ביי כ"ק אדמו"ר מראחמיסטריווקא שליט"א פון ספרינג וואלי, איידעם ביי הגה"צ אבד"ק ראחמיסטריווקא שליט"א, מיט די חתן א זון פון זיין פעטער הגה"צ ר' שמואל דוד שניאורסאן שליט"א משגיח ישיבת טשעבין, זון פון הגה"צ ראש ישיבת טשעבין שליט"א, און איידעם ביי הגה"צ ר' וועלוויל טווערסקי זצ"ל מראחמיסטריווקא. – די שמחת השבע ברכות קומט פאר אין די ווילחאוויץ זאל אין מאנסי. – מוצאי שבת קומט פאר די שמחת השבע ברכות אין זאל פון ת"ת סאטמאר אין מאנסי, צוגעשטעלט דורך די ראחמיסטריווקא קהילה.
שמחת בית לעלוב: דעם שבת קומט פאר די שמחת השבע ברכות פון א אייניקל ביי כ"ק אדמו"ר מלעלוב שליט"א, די כלה א טאכטער פון בנו הגדול הגה"צ ר' אהרן בידערמאן שליט"א, איידעם ביי הגה"צ ר' אלימלך טירנויער שליט"א, מיט די חתן א זון פון הגה"צ ר' שלום אבערלענדער שליט"א, זון פון הגה"צ אבד"ק ווילעדניק שליט"א, און איידעם ביי הגה"צ ר' אפרים פישל מוטצען שליט"א גאב"ד קרית הבעש"ט פתח תקוה. – די שמחת השבע ברכות קומט פאר אין זאל היכלי מלכות אין בני ברק. – דער זיידע כ"ק אדמו"ר מלעלוב שליט"א וועלכער איז צוגאסט די טעג אין ארץ ישראל לכבוד די שמחה, וועט פראווענען די תפילות און טישן אין די היכלי מלכות זאל אין בני ברק.
שמחת בית לעלוב: דעם שבת קומט פאר די שמחת השבע ברכות פון א אייניקל ביי כ"ק אדמו"ר מלעלוב שליט"א, די כלה א טאכטער פון זיין איידעם הרב פנחס נפתלי ענגלענדער שליט"א, זון פון הגה"צ ר' שלום צבי ענגלענדער שליט"א ראה"כ להוראה דחסידי מאחנובקא בעלזא לאנדאן, זון פון הנגיד החסיד ר' אלי'ש ענגלענדער שליט"א, און איידעם ביי הגה"צ גאב"ד זכרון מאיר זצ"ל, מיט די חתן א זון פון הרב יעקב יצחק בידערמאן שליט"א, זון פון כ"ק אדמו"ר מלעלוב ירושלים שליט"א, און איידעם ביי הגה"צ ר' אהרן לייב מאלבוצקי שליט"א מלעכאוויטש. – די שמחת השבע ברכות קומט פאר אין די זאלן פון עדן און יסודי התורה אין לאנדאן, די זיידעס כ"ק האדמורי"ם מלעלוב און לעלוב ירושלים שליט"א זענען צוגאסט אויף שבת אין לאנדאן לכבוד די שמחה.
שמחת בית ראחוב – ספינקא: דעם שבת קומט פאר די שמחת השבע ברכות פונעם חתן א זון פון כ"ק אדמו"ר מראחוב שליט"א, מיט די כלה א טאכטער פון הגה"צ ר' אשר יונה הורוויץ שליט"א, זון פון כ"ק אדמו"ר מבית יצחק ספינקא שליט"א, און איידעם ביי הגה"צ ר' בערל בעק שליט"א אב"ד מאדא. – די שמחת השבע ברכות קומט פאר אין ספינקא בית המדרש אויף קיעפ סטריט אין וויליאמסבורג. – כ"ק אדמו"ר מראחוב שליט"א איז צוגאסט אויף שבת אין וויליאמסבורג לכבוד די שמחה, די אכסניא איז אין שטוב פון הנגיד החסיד ר' ברוך יוחנן שווארץ הי"ו.
שמחת בית נדבורנא באניא – ביאלא לאנדאן: דעם שבת קומט פאר די שמחת השבע ברכות פון א אייניקל ביי כ"ק אדמו"ר מביאלא לאנדאן שליט"א, די חתן א זון פון הגה"צ ר' ישראל שטערנבוך שליט"א, זון פון הגה"צ ראב"ד אנטווערפן זצ"ל, מיט די כלה א טאכטער פון הגה"צ ר' יהושע לייפער שליט"א אב"ד קהל חסידים אין די טאטענהעם געגנט אין לאנדאן, זון פון כ"ק אדמו"ר מנדבורנא באניא שליט"א, און איידעם ביי הגה"צ ר' צבי אלימלך פרענקל רוקח שליט"א אב"ד בית חדש לאנדאן. – די שמחת השבע ברכות קומט פאר אין ביהמ"ד קהל חסידים אין לאנדאן, דער זיידע כ"ק אדמו"ר מנדבורנא באניא שליט"א איז צוגאסט אויף שבת אין לאנדאן לכבוד די שמחה, און וועט פראווענען דעם טיש פרייטאג צונאכטס אין ביהמ"ד הגדול ביאלא.
דעם שבת קומט פאר די שמחת השלום זכר פון א אור אייניקל ביי כ"ק אדמו"ר מגור שליט"א, אייניקל פון בנו הגדול הגה"צ ר' אברהם מרדכי אלתר שליט"א, בן הנולד ביי זיין איידעם הרב שמחה בונם זילבערבערג שליט"א. – כ"ק אדמו"ר מגור שליט"א וועט אפרעכטן דעם טיש פרייטאג צונאכטס לכבוד די שמחה, אין ביהמ"ד הגדול גור אין ירושלים.
כ"ק אדמו"ר מסאטמאר שליט"א וויילט דעם שבת אין נארט מיאמי פלארידע אויף אפרוה.
כ"ק אדמו"ר מפשעווארסק שליט"א וויילט דעם שבת אין חלדודנא ענגלאנד אויף אפרוה.
כ"ק אדמו"ר מדושינסקיא שליט"א וויילט דעם שבת אין פלארידע אויף אפרוה.
כ"ק אדמו"ר מסלאנים שליט"א איז צוגאסט אויף דעם שבת אין שטאט אלעד, בקרב תלמידי ישיבתו הק' באר אברהם סלאנים.
כ"ק אדמו"ר מקהל חסידי ירושלים שליט"א וועלכער איז צוגאסט די טעג אין ניו יארק לטובת מוסדותיו הקדושים, וועט פראווענען דעם שבת אין די פראכטפולע המספיק רעזארט אין די קעטסקילס אינאיינעם מיט פילע חסידים ומעריצים.
כ"ק אדמו"ר מסקאליע שליט"א וויילט דעם שבת אין אריזאנע אויף אפרוה.
כ"ק אדמו"ר מפאלטישאן שליט"א איז צוגאסט אויף דעם שבת אין לאנדאן ענגלאנד, די תפילות און טישן קומען פאר אין די פרדס זאל, די אכסניא איז אין שטוב פון הרב החסיד ר' יחזקי' קריצלער הי"ו.
הגה"צ ר' יעקב מאיר שעכטער שליט"א וויילט דעם שבת אין עיה"ק טבריה אויף אפרוה.
דעם שבת קומט פאר די פתיחת שערים פאר די נייע ביהמ"ד דרכי תשובה דינוב אין מאנסי, בנשיאות הגה"צ ר' זלמן יוסף ראבינאוויטש שליט"א אבד"ק דינוב מאנסי, בן כ"ק אדמו"ר מדינוב שליט"א.
דעם שבת קודש י"ז חשון געפאלט די יומא דהילולא קדישא פון הרה"ק בעל אהבת שלום מקאסוב זי"ע, די אייניקלעך כ"ק האדמורי"ם שליט"א לבית וויזניץ און קאסוב וועלן אפרעכטן די טישן לכבוד די יארצייט, נכדו כ"ק אדמו"ר מוויזניץ שליט"א לרפו"ש וועט פראווענען דעם שבת ברוב עם אין ביהמ"ד הגדול אין קרית וויזניץ בני ברק לכבוד די יארצייט.
דעם שבת קודש י"ז חשון געפאלט די יומא דהילולא קדישא פון כ"ק אדמו"ר מטשערנאביל זצ"ל, די קינדער כ"ק האדמורי"ם מטשערנאביל שליט"א וועלן אפרעכטן די טישן לכבוד די יארצייט, בנו הגדול כ"ק אדמו"ר מטשערנאביל שליט"א וועט פוקד זיין דעם ציון הק' היינט פרייטאג פארמיטאג בראש קהל חסידיו, אויפן פאנאוויטשער בית החיים אין בני ברק, און מוצאי שבת קודש אפרעכטן די יארצייט טיש אין ביהמ"ד הגדול טשערנאביל אין בני ברק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
