כ"ק אדמו"ר מטאהש שליט"א קומט היינט אן אויף א בליץ באזוך קיין אייראפע, וואו דער רבי וועט פוקד זיין דעם ציון הק' פון די זיידעס הרה"ק השרף מטאהש זי"ע, און הרה"ק הסבא קדישא מטאהש זי"ע, אויפן בית עלמין אין שטאט טאהש אין אונגארן.

כ"ק אדמו"ר מסאסוב שליט"א וועלכער איז צוגאסט די טעג אין ניו יארק לטובת מוסדותיו הקדושים, וועט היינט אנקומען קיין בארא פארק, און אויפנעמען דעם ציבור חסידים בבית מדרשו אויף די זעכצנטע עוועניו.

היינט קומט פאר די שמחת החתונה פונעם חתן א זון פון הרב חיים אברהם זילבער שליט"א, זון פון הגה"צ גאב"ד פריימאן שליט"א ראב"ד התאחדות הרבנים, מיט די כלה א טאכטער פון הרב מנשה מאיער שליט"א, איידעם ביי כ"ק אדמו"ר מנדבורנא שליט"א פון בארא פארק. – די שמחת החתונה קומט פאר אין זאל נעימת החיים אין לעיקוואד.

היינט קומט פאר די שמחת פדיון הבן פון א אור אייניקל ביי כ"ק אדמו"ר מראחמיסטריווקא שליט"א, אייניקל פון זיין איידעם הגה"צ ר' צבי אלימלך טייטלבוים שליט"א אבד"ק תפלה למשה סאטמאר ב"פ, זון פון הגה"צ אבד"ק בית אהרן שליט"א, בן הנולד ביי זיין זון הרב אהרן טייטלבוים שליט"א, איידעם ביי הגה"צ ר' אברהם יהושע העשיל טווערסקי שליט"א ראה"כ בארניב, איידעם ביי כ"ק אדמו"ר מבארניב שליט"א. – די שמחה קומט פאר אין ראחמיסטריווקא בית המדרש אין בארא פארק.

עס איז געשלאסן געווארן די שידוך פונעם חתן א זון פון הרב העניך טייטלבוים שליט"א, זון פון הגה"צ ר' משה טייטלבוים שליט"א דומ"ץ סאטמאר ירושלים, און איידעם ביי הגה"צ ר' שמואל בראנדסדארפער שליט"א חבר ביד"ץ העדה החרדית, מיט די כלה א טאכטער פון הרב יואל שטערן שליט"א, זון פון הרב אפרים שטערן שליט"א יו"ר מפעל עונג שבת ויום טוב, זון פון הגה"צ ר' מאיר שטערן שליט"א גאב"ד גבעת שאול, און איידעם ביי כ"ק אדמו"ר מספינקא ירושלים זצ"ל, און איידעם ביי הגה"צ ר' חיים שלמה ראטטענבערג שליט"א מסאלקא ירושלים.

 אריינצושיקן מודעות און נייעס, שיקט אן אימעיל צו NEWS@JDNMAIL.COM