היינט כ"ב חשון געפאלט די יומא דהילולא קדישא פונעם פריערדיגן בעלזא רב הרה"ק רבי ישכר דוב זי"ע, נכדו כ"ק אדמו"ר מבעלזא שליט"א וועט אפרעכטן די יארצייט טיש ברוב עם אינעם גרויסן שטוב אין קרית בעלזא ירושלים.
היינט קומט פאר א גרויסע מעמד צאתכם לשלום לכבודו פון כ"ק אדמו"ר מסאטמאר שליט"א, לקראת די מסע הקודש וואס דער רבי נעמט אונטער קומענדיגע וואך קיין ארץ ישראל, געאייגענט פאר די הונדערטער תלמידי המתיבתא וואס וועלן איבערגעבן פארן רבי'ן די תרומות פאר עניי ארץ ישראל.
שמחת בית וויזניץ: עס איז געשלאסן געווארן די שידוך פונעם חתן א זון פון הגה"צ ר' אפרים אהרן טייטלבוים שליט"א ראה"כ מגדלות מרקחים צעהלים, זון פון הגה"צ אבד"ק נעפלעמיץ שליט"א, און איידעם ביי הגה"צ ר' לייבוש טויב זצ"ל מקאלוב, מיט די כלה א טאכטער פון זיין פלומעניק הגה"צ ר' חיים מאיר האגער שליט"א, זון פון כ"ק אדמו"ר מוויזניץ שליט"א פון מאנטריאל, און איידעם ביי כ"ק אדמו"ר מוויזניץ שליט"א פון וויליאמסבורג.
שמחת בית וויזניץ: היינט קומט פאר די שמחת השבע ברכות פון א אייניקל ביי כ"ק אדמו"ר מוויזניץ שליט"א פון קייאמישע, די חתן א זון פון זיין איידעם הגה"צ ר' יהושע פיש שליט"א, זון פון כ"ק אדמו"ר מביקסאד שליט"א, מיט די כלה א טאכטער פון הגה"צ ר' יוחנן טווערסקי שליט"א, זון פון הגה"צ ר' דוד טווערסקי שליט"א אבד"ק ראחמיסטריווקא ירושלים, און איידעם ביי כ"ק אדמו"ר מתולדות מרדכי שליט"א, זון פון הגה"צ אבד"ק ראחמיסטריווקא מאנסי שליט"א, און איידעם ביי כ"ק אדמו"ר מלויעוו טשערנאביל שליט"א. – די שמחת השבע ברכות קומט פאר אינעם היכל הישיבה בנין אבות אין קרית וויזניץ קייאמישע לעיק.
שמחת בית ספינקא - ראחוב: היינט קומט פאר די לעצטע שמחת השבע ברכות פונעם חתן א זון פון כ"ק אדמו"ר מראחוב שליט"א, מיט די כלה א טאכטער פון הגה"צ ר' אשר יונה הורוויץ שליט"א, זון פון כ"ק אדמו"ר מבית יצחק ספינקא שליט"א, און איידעם ביי הגה"צ ר' בערל בעק שליט"א אב"ד מאדא. – די שמחת השבע ברכות קומט פאר אין ספינקא בית המדרש אויף קיעפ סטריט אין וויליאמסבורג.
היינט קומט פאר די שמחת הבר מצוה פון א אייניקל ביי כ"ק אדמו"ר ממודזיץ שליט"א, א זון פון זיין איידעם כ"ק אדמו"ר מאופלע שליט"א. – די שמחה קומט פאר אין ביהמ"ד אופלע אין בני ברק.
היינט קומט פאר די שמחת הברית לבן הנולד ביי כ"ק אדמו"ר מזלאטשוב מאנסי שליט"א, זון פון כ"ק אדמו"ר מטעמעשוואר שליט"א, און איידעם ביי כ"ק אדמו"ר מנדבורנא מאנסי שליט"א. – די שמחה קומט פאר אין ביהמ"ד זלאטשוב אין די עירמאונט געגנט אין מאנסי.
כ"ק אדמו"ר מנדבורנא ירושלים שליט"א וועלכער האט זיך אויפגעהאלטן די לעצטע צוויי וואכן אין ניו יארק לטובת מוסדותיו הקדושים, קערט זיך היינט צוריק למעון קדשו אין ירושלים עיה"ק.
היינט קומט פאר א מעמד צאתכם לשלום לכבודו פון כ"ק אדמו"ר מראחוב שליט"א, וועלכער קערט זיך צוריק קיין ארץ ישראל נאך די שמחת החתונה פון בנו החתן וואס איז פארגעקומען דא אין ניו יארק, עס קומט פאר אין די ביי ענד סעיוו געשעפט אויף פארק עוועניו אין וויליאמסבורג.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד באבוב 45 אין בני ברק, לע"נ הרה"צ ר' אפרים יחזקאל פאנעט זצ"ל, בן כ"ק אדמו"ר מדעעש ירושלים זצ"ל.
אריינצושיקן מודעות און נייעס, שיקט אן אימעיל צו NEWS@JDNMAIL.COM
