JDN

היינט קומט פאר די שמחת הברית פון א אור אייניקל ביי כ"ק אדמו"ר מגור שליט"א, אייניקל פון בנו הגדול הגה"צ ר' אברהם מרדכי אלתר שליט"א, בן הנולד ביי זיין איידעם הרב שמחה בונם זילבערבערג שליט"א. – די שמחה קומט פאר אין ביהמ"ד הגדול גור אין ירושלים.

שמחת בית מאחנובקא בעלזא – שאץ: עס איז געשלאסן געווארן די שידוך פון א אייניקל ביי כ"ק אדמו"ר ממאחנובקא בעלזא שליט"א, די חתן א זון פון זיין איידעם הגה"צ ר' נפתלי צבי מאסקאוויטש שליט"א, זון פון כ"ק אדמו"ר משאץ שליט"א פון בני ברק, מיט די כלה א טאכטער פון הגה"צ ר' שמעון ראזענפעלד שליט"א, זון פון כ"ק אדמו"ר מקארלין לעלוב זצ"ל, און איידעם ביי הגה"צ ר' יצחק אייזיק ווייס זצ"ל מספינקא.

עס איז געשלאסן געווארן די שידוך פון א אייניקל ביי כ"ק אדמו"ר מפרימישלאן שליט"א, די כלה א טאכטער פון זיין איידעם הגה"צ ר' יואל קאהן שליט"א, זון פון הגה"צ ראש ישיבת תולדות אהרן שליט"א, מיט די חתן א זון פון הגה"צ ר' מרדכי חנא פוקס שליט"א, זון פון הגה"צ ר' מנחם מענדיל פוקס שליט"א רב קרית שומרי החומות, און איידעם ביי כ"ק אדמו"ר מדעעש ירושלים שליט"א.

עס איז געשלאסן געווארן די שידוך פון א אייניקל ביי כ"ק אדמו"ר מקאפיטשניץ שליט"א, די כלה א טאכטער פון זיין איידעם הרב ישראל שטראהלי שליט"א, זון פון הנגיד החסיד ר' משה שטראהלי הי"ו פון אנטווערפן, מיט די חתן א זון פון הרב אפרים הכהן ווייס שליט"א ראה"כ לעלוב לאנדאן, איידעם ביי הגה"צ ר' שמעי' לעוו שליט"א דומ"ץ וראה"כ סאטמאר לאנדאן.

שמחת בית וויזניץ – תולדות מרדכי: דעם שבת קומט פאר די שמחת השבע ברכות פון א אייניקל ביי כ"ק אדמו"ר מוויזניץ שליט"א פון קייאמישע, די חתן א זון פון זיין איידעם הגה"צ ר' יהושע פיש שליט"א, זון פון כ"ק אדמו"ר מביקסאד שליט"א, מיט די כלה א טאכטער פון הגה"צ ר' יוחנן טווערסקי שליט"א, זון פון הגה"צ ר' דוד טווערסקי שליט"א אבד"ק ראחמיסטריווקא ירושלים, און איידעם ביי כ"ק אדמו"ר מתולדות מרדכי שליט"א, זון פון הגה"צ אבד"ק ראחמיסטריווקא מאנסי שליט"א, און איידעם ביי כ"ק אדמו"ר מלויעוו טשערנאביל שליט"א. – די שמחת השבע ברכות קומט פאר אין ביהמ"ד תולדות מרדכי וויזניץ אין לעיקוואד.

שמחת בית ראחמיסטריווקא: דעם שבת קומט פאר די שמחת השבע ברכות פונעם חתן א זון פון הגה"צ ר' חיים מאיר ארנסטר שליט"א אבד"ק וויזניץ מאנטשעסטער, זון פון הגה"צ ר' מנחם ארנסטר שליט"א ראש ישיבת וויזניץ, און איידעם ביי כ"ק אדמו"ר מזידטשויב שיקאגא זצ"ל, מיט די כלה א טאכטער פון הגה"צ ר' מרדכי אהרן טווערסקי שליט"א, יונגסטע איידעם פון כ"ק אדמו"ר מראחמיסטריווקא זצ"ל. – די שמחת השבע ברכות קומט פאר אין ביהמ"ד הגדול ראחמיסטריווקא אין בארא פארק.

דעם שבת קומט פאר די שמחת השבע ברכות פונעם חתן א זון פון הרב חיים אברהם זילבער שליט"א, זון פון הגה"צ גאב"ד פריימאן שליט"א ראב"ד התאחדות הרבנים, מיט די כלה א טאכטער פון הרב מנשה מאיער שליט"א, איידעם ביי כ"ק אדמו"ר מנדבורנא שליט"א פון בארא פארק. – די שמחת השבע ברכות קומט פאר אין לעיקוואד. דער זיידע כ"ק אדמו"ר מנדבורנא שליט"א איז צוגאסט אויף שבת אין לעיקוואד לכבוד די שמחה, און וועט אפרעכטן די תפילות און טישן בבית מדרשו קהל תפארת שלום נדבורנא אין לעיקוואד.

דעם שבת קומט פאר די שמחת השבע ברכות פון א אייניקל ביי כ"ק אדמו"ר מנדבורנא חיפה שליט"א, די כלה א טאכטער פון זיין איידעם הגה"צ ר' מרדכי גרינפעלד שליט"א אבד"ק סעמיהאלי אנטווערפן, מיט די חתן א זון פון הרב משה יואל פאנעט שליט"א, זון פון הגה"צ ר' אהרן דוד פאנעט זצ"ל ראש כולל זיבענבערגן, און איידעם ביי הגה"צ ר' יצחק שלום שיינפעלד שליט"א מקאסאן ירושלים. – די שמחת החתונה קומט פאר אין זאל בנות ירושלים אין אנטווערפן. דער זיידע כ"ק אדמו"ר מנדבורנא חיפה שליט"א איז צוגאסט אויף שבת אין אנטווערפן לכבוד די שמחה.

דעם שבת קומט פאר די שמחת האויפרוף פון א אור אייניקל ביי כ"ק אדמו"ר מנאראל שליט"א, אייניקל פון זיין איידעם כ"ק אדמו"ר מקאזניץ סיגעיט זצ"ל, די חתן א זון פון זיין איידעם הרב שמואל שלום אונגאר שליט"א, זון פון הגה"צ ר' מאיר מרדכי דוד אונגאר שליט"א דומ"ץ האליין, מיט די כלה א טאכטער פון הגה"צ ר' פנחס דוד פרענקל שליט"א, זון פון כ"ק אדמו"ר מוויעליפאלי שליט"א, און איידעם ביי הגה"צ אבד"ק טשאקאווא קערעסטיר שליט"א. – די שמחת האויפרוף קומט פאר אין ביהמ"ד נאראל אין בני ברק.

דעם שבת קומט פאר די שמחת האויפרוף פונעם חתן א זון פון הגה"צ ר' יעקב יהושע שטערן שליט"א, זון פון הגה"צ ר' שמואל אליעזר שטערן שליט"א גאב"ד מערב בני ברק, און איידעם ביי הגה"צ ר' שמעון סופר זצ"ל אבד"ק תורת משה ערלוי צפת, מיט די כלה א טאכטער פון כ"ק אדמו"ר מתולדות משה שליט"א, אייניקל פון כ"ק אדמו"ר מהאלמין שליט"א. – די שמחת האויפרוף קומט פאר אין ביהמ"ד מתיבתא אויף רחוב הרב קוק אין בני ברק.

דעם שבת קומט פאר די שמחת הקידושא רבא פון א אייניקל ביי כ"ק אדמו"ר מדאמבראווא שליט"א, א מיידל ביי זיין זון הרב נפתלי אונגער שליט"א, איידעם ביי הרב ישראל יעקב יוקל פעפערקארן שליט"א, אייניקל פון כ"ק אדמו"ר מקערעסטיר בערבעשט זצ"ל. – די שמחה קומט פאר אין דאמבראווא בית המדרש אין בארא פארק.

דעם שבת קומט פאר די שמחת הקידושא רבא פון א אייניקל ביי כ"ק אדמו"ר מנדבורנא שליט"א, א מיידל ביי זיין איידעם הרב יהודה הורוויץ שליט"א, זון פון הגה"צ אבד"ק ראצפערט בראזיל שליט"א. די שמחה קומט פאר אין ביהמ"ד הגדול נדבורנא אין בני ברק.

דעם שבת קומט פאר די שמחת הקידושא רבא פון א אייניקל ביי כ"ק אדמו"ר מקוסוב וויזניץ שליט"א, א מיידל ביי זיין זון הרב ישראל קארנרייך שליט"א, איידעם ביי כ"ק אדמו"ר מסאסוב שליט"א. – די שמחה קומט פאר אין ביהמ"ד קוסוב וויזניץ אין בית שמש.

כ"ק אדמו"ר מצאנז שליט"א איז צוגאסט אויף דעם שבת אין אלטשטאט ירושלים, אויפן גרויסן שבת "עתיקא קדישא" מיט די נגידי ותומכי המוסדות, די תפילות און טישן קומען פאר אין די מנהרות הכותל ביים שריד בית מקדשינו דער כותל המערבי.

כ"ק אדמו"ר מראחמיסטריווקא שליט"א וועלכער איז אנגעקומען צוגאסט אויף א בליץ באזוך קיין ניו יארק, וועט פראווענען א גרויסע שבת התאחדות "בצלו חמדתי" מיט די תלמידים ויוצאי ישיבת מאור עינים ראחמיסטריווקא, אין די ארמון האטעל אין סטעמפארד קאנעקטיקוט.

כ"ק אדמו"ר מלעלוב שליט"א וועלכער איז צוגאסט די טעג אין ארץ ישראל לרגל די שמחת החתונה פון א אייניקל, וועט פראווענען דעם שבת בבית האכסניא אין שטוב פון הרה"ג ר' יעקב יהושע ענגלענדער שליט"א אין בני ברק.

כ"ק אדמו"ר מראחוב שליט"א איז צוגאסט אויף דעם שבת אין קרית יואל בקרב חסידיו, די תפילות און טישן קומען פאר אין ביהמ"ד תפלה לדוד קרעטשניף.

כ"ק אדמו"ר מספינקא שליט"א וועלכער איז צוגאסט די טעג אין ארץ ישראל בקרב חסידיו, וועט פראווענען דעם שבת בבית מדרשו אויף רחוב ראשית חכמה אין ירושלים.

כ"ק אדמו"ר מפיטסבורג שליט"א וועלכער איז צוגאסט די טעג אין ניו יארק לטובת מוסדותיו הקדושים, וועט פראווענען דעם שבת אין ביהמ"ד קהל חסידים אין לאורענס.

כ"ק אדמו"ר מסטריקוב שליט"א איז צוגאסט אויף דעם שבת אין טאראנטא לטובת מוסדותיו הקדושים, די תפילות און טישן וועלן פארקומען אין די בתי מדרשים תהלות ישראל, קול יעקב, און אהל משה.

כ"ק אדמו"ר מדזיקוב וויזניץ ב"פ שליט"א איז צוגאסט אויף שבת אין ירושלים, די תפילות און טישן קומען פאר אין ביהמ"ד קהל תורת חיים וויזניץ אויף רחוב אדוניהו.