היינט קומט פאר די גרויסע מעמד "כולנו שותפים" לטובת מוסדות נחלת יעקב בארה"ק, אין שפיץ פון הגה"צ המשפיע ר' צבי מאיר זילבערבערג שליט"א ראש חבורת נחלת יעקב, וועלכער קומט היינט אן צוגאסט קיין ניו יארק צו באשיינען די מעמד, עס קומט פאר אינעם ריזן זאל אין וועסטשעסטער קאונטי צענטער.
היינט קומט פאר די יערליכע דינער "צדקת רבותינו" לטובת קופת רבי מאיר בעל הנס כולל שומרי החומות, אין זאל פון עטרת חי' אין בארא פארק, אין שפיץ פון די אדמור"י ורבני העיר.
היינט קומט פאר די יערליכע כינוס השלוחים פאר די טויזענטער שלוחי חב"ד פון איבער די גארער וועלט, אין די ניו דזשערזי עקספא צענטער אין עדיסאן ניו דזשערזי.
שמחת בית וויזניץ: היינט קומט פאר די לעצטע שמחת השבע ברכות פון א אייניקל ביי כ"ק אדמו"ר מוויזניץ שליט"א פון קייאמישע, די חתן א זון פון זיין איידעם הגה"צ ר' יהושע פיש שליט"א, זון פון כ"ק אדמו"ר מביקסאד שליט"א, מיט די כלה א טאכטער פון הגה"צ ר' יוחנן טווערסקי שליט"א, זון פון הגה"צ ר' דוד טווערסקי שליט"א אבד"ק ראחמיסטריווקא ירושלים, און איידעם ביי כ"ק אדמו"ר מתולדות מרדכי שליט"א, זון פון הגה"צ אבד"ק ראחמיסטריווקא מאנסי שליט"א, און איידעם ביי כ"ק אדמו"ר מלויעוו טשערנאביל שליט"א. – די שמחת השבע ברכות קומט פאר אין ביהמ"ד הגדול אין קרית וויזניץ קייאמישע לעיק.
היינט קומט פאר די שמחת התנאים פון די כלה יונגסטע קינד ביי כ"ק אדמו"ר מקאסאני בית שמש שליט"א, איידעם ביי כ"ק אדמו"ר מתולדות אהרן זצ"ל בעל דברי אמונה, מיט די חתן א זון פון הגה"צ ר' שמעון נתן נטע האראנטשיק שליט"א, זון פון הגה"צ ר' מנחם האראנטשיק שליט"א מלעלוב, און איידעם ביי הגה"צ ר' מתתיהו דייטש שליט"א גאב"ד רמת שלמה. – די שמחה קומט פאר אין פארהאנד זאל אין בית שמש.
היינט קומט פאר די שמחת הברית פון א אייניקל ביי כ"ק אדמו"ר מבוהוש שליט"א, בן הנולד ביי זיין יונגסטן איידעם הרב שרגא פייוויש מייזליש שליט"א, זון פון הגה"צ ר' דוד צבי הירש מייזליש שליט"א, זון פון הגה"צ מווייטצען לאנדאן שליט"א, און איידעם ביי כ"ק אדמו"ר מקרעטשניף שליט"א פון ירושלים. – די שמחה קומט פאר אין ביהמ"ד בוהוש אין בני ברק.
כ"ק אדמו"ר מפשעווארסק שליט"א וועלכער האט זיך אויפגעהאלטן די לעצטע פאר וואכן אין חלדודנא ענגלאנד אויף אפרוה, קערט זיך היינט צוריק למעון קדשו אין אנטווערפן, לקראת די הילולא קדישא פון אביו הגדול הרה"ק רבי יענקעלע מפשעווארסק זי"ע.
כ"ק גאב"ד מאקאווא שליט"א קומט היינט אן צוגאסט קיין ניו יארק לטובת ישיבתו הק' עטרת משה מאקאווא אין קרית אתא, די קומענדיגע וואך וועט דער רב שליט"א וויילן אין מאנסי בבית האכסניא ביי הרבני הנגיד ר' יודא דוד רובינשטיין הי"ו.
היינט כ"ה חשון געפאלט די יומא דהילולא קדישא פון הרה"ק רבי מרדכי מבולגרייא זי"ע, בנו כ"ק אדמו"ר מבעלזא שליט"א וועט ארויפגיין צום ציון הק' אויפן אלטן בית החיים אין טבריה בראש קהל חסידיו.
היינט קומט פאר די מעמד הכנסת ספר תורה וואס ווערט אריינגעגעבן צום ראחמיסטריווקא בית המדרש אין די אוקענוויין געגנט אין לעיקוואד, לע"נ הרב החסיד ר' אברהם האלפערין ע"ה, די סעודה לגומרה של תורה קומט פאר אין די ריווער טערעס זאל אין לעיקוואד.
אריינצושיקן מודעות און נייעס, שיקט אן אימעיל צו NEWS@JDNMAIL.COM
